السلام عليكم ورحمة الله وبركاتة

كيف حالكم اليوم شنو اخباركم ان شاء الله اموركم تمام


حياة حلوه



شوفي حياة انا نشتغل في كليه فايعطوا دورات انجليزي للتاهيل لتوفل بعدين ضروري الطلبه يمشوا اديروا امتحانتهم في القنصليه البريطانيه هو المركز الوحيد في دبي,نصيحه خذيها من اخت اذا انتي ناويه اتخش جامعه خذي التوفل ,بس كانك مش ناويه اتخش للجامعه خذي تقويه في الانجليزي لان التوفل مش راح تستفيد منه نهائي .لان التوفل يخذوا فيه الطلبه الي ناوين ايخشوا الجامعات البريطانيه او الانجليزيه لان هذا شرط من شروط القبول الجامعات لان الطلبه اتكون اللغه الانجليزيه مش الماده الاساسيه في دراستهم كيف النظام الثانويه العامه في الدول العربيه او الشهاده الهنديه ....الخ شوفي جامعه يونسكس الكنديه الي في شارع شيخ زايد يعطوا في دوره مكثف يشكروا فيها .وان شاء الله بتوفيق



ام بخصوص الحفظ ان شاء الله بادية من السور القصار
وان شاء الله انحاول انصلي بيهم بيش ما ننسهمش
ان شاء الله ربي ايقدرني


امواج

ان شاء الله الف لاباس على التوام

ليبية 100 100

انا مقيمه في دبي ونشتغل في مجال تتطوير الاعمال في الكليه

كان يومي كالتالي

طبعا نحن اليوم ويك اند
كان الصبح عندنا طلعه عندنا صحبتنا
نضت من صبح ربي نبي انديرلها حاجه بيش ناخذها معايه
فكرت فكرت شنو انديرها قلته يابنات ديري البسبوسه المحشيه قشده بس خساره ما صورتهش انذهب شيرتي مستعجله دوبني طلعتها من الفرن حطيتلها هذك العسل
وهي فايره رفعتها لسياره
بس جت اتهبل على الاخير
قعدنا عندها لعند الساعه 2 المهم ويعدها عديت لدورت تزين التورات روعه بكل انسجمت فيها على الاخير على الاقل الواحد اغير جوا خير من الكساد والساعه خمسه ونص كملت الدوه وصلت للحوش تقريبا سته الاربع
رجيت لعند ما صليت المغرب وبعدها طلعت نحضر مبارة التنس لبطولة دبي المفتوحه .
هذي الصوره المباراه
وهذا كان يومي

السلام عليكم
قرين ستار كيف حالك اليوم وصحيحة العصيدة وباش درتيها بالرب >>>>>>>>> تقصقص ليها هلبة عالرب خخخخخخخخخ
وانى يا حنا من سوق الجمعة
مويجة
باهى اللى بنتى والله انشغلت عليك ولا باس عليهم صغيويرتك بعيد السو عليهم وما شاء الله عليه عبد الكريم ربى يحفظه ويباركلك فيهم كلهم ويا حنا شكلك من عمرى انت مواليدك 73 صح
والله وما تحلفينى حاسة بيك من عمرى سبحان الله ومن فترة بنسألك ونتحشم ما نبيش نقصقص خخخخخخ واليوم عندنا عطلة وغدوة ان شاء الله والعطلة نحس فيها طويلة
وانى زيك ما نحبش حاجة سماها تطيب والله لما نتطيب زى من يكسرلى فى رقبتى
اما غسل الحوايج نحبه وننسجم وانى نوازى فيهم لا ومرات نتسلى نغسل بيديا متعة
تعرفى مويجة انى قعدت فترة نلبس فى شخشير اسود مع العباية بعدين نحيته وانى حامل من السخونية فى رجليا وزى ما قلتى الشيطان لقى فرصة فيا ربى يهدينا ويهدى كل المسلمين يارب

السلام عليكم ...الله يسلمك غادة ...ان شاء الله يكون الاسم صح ...عقبالك يا رب
أمواج ...لاباس على وليداتك ...ربى يسلمهم التوئم ويحفظهم لك ...آمين
بنتى الحمد لله امدايرتها عالنوم فى النهار والهياج فى الليل ...والتطعيمة قالوا هذى ما اديرش حرارة
حتى هى ب100 دولار ...النهار كله اليوم عالكورة وخلاص ...قولوا ما بعدى ...!!!!!!,ولاباس على مرت خوك ...ان شاء الله ما تشوف شر ...تعرفى انى لما كنت بنت عمرى ما نخش المطبخ انطيب
الا للماعين فقط وفقط للماعين ...اما انى اندير عصيدة ولا كسكسى هدا فى الأحلام
لكن توا بعد الزواج ما فيش رحمة من الطبخ والنفخ ...لكن باهى انى عشت شبابى وما تزوجتش وانى صغيرة لين فرهدت وادلعت قبل ما نخش القفص {ولا ذهبى } ديما يسخفوا فيا اللى يتزوجوا بكرى
مع احترامى لجميييييييييع الفئات ...قصدى زى 20 و19 واقل ...الخ
انىعمرى توا 31 وليا سنة و7 شهور متزوجة وعندى بنية ...
امواج ...قداش قعدتى فى كتيبة هدا كله ..ّّ!!!!!!! شكلك من العشية وانتى تكتبى هههههه
ماهو قلت خلاص ...انىفى رومانيا وقاعدة فى الحوش بعد بنتى لاخشة ولا طلعة
فاشة غلى فيكم ...عالنت وخلاص
ليبيا قلبى ...انتى انسة شكلك ...؟؟ ربى يوفقك ويناولك اللى فى بالك
اليوم اخديت المصحف وامدايرة نفسى بنقرا ..قاعدة مافتحتاش وناضت بنتى ...ومنها معاش مسيته
انى امقصرة بكل ...حتى الصلوات ..ربى يغفر ولا بعد بنتى معاش عندى وقت ...نتسبل
حتىالتلفزيون مانتفرج عليه ولا نفتح فيه
باى باى

مرااااااام...... درتها بالرب ..امى جابتهولى لما جت ....
هيا ديرو تجمع جديد هدا طويييييل هلبة

امواج ان شاء الله لاباس علي اعويلتك ان شاء الله ما يشوفو شر وربي يحفضهم لكي وبعيد السو علي مراة خوك مسكينة عروس ودارت عملية ربي يقومها بالسلامة..وبارك الله فيك علي الدعوات ولك مثلها حبيبتي وصفة العلاج علي راحتك بس ماتنسيش لان الاكزيما دايرة فيهن حالة ..عيوني كيف حال عموري وحمودي وشنو اخبار مشيتك لليبيا اكيد واخذتيها شوبيينق وكيف تبي اتديري في الهدايا ..وحدة قصقاصة ..واما الاكزيما عالجت عليها لكن مفش فايدة في بداية العلاج يقعدن ايدي ماشاءالله وبعدها معش يفيد العلاج ..قرين ستار انستي لمتنا وفي رومانيا مرة وحدة فيه ليبيين غاددي ولا لا وما شاء الله دايرة الفطور عصيدة ياعوينك انا نحبها لكن راجلي ما يحبهش واعيالي لما انديرها يقولولي شنو يماما هذي ومستحيل ياكلوها ..ام موودي كيف حالك وحال الصيصان تعرفي لما حكيتي علي اوليدك وبنيتك كانك تحكي علي اولدي وبنتي تعرفي امجنيني بالالعاب والكرتون ولما انجي نبي اقعمز انا الدنيا تقوم وتقعد ومستحيل ايخلوني نطبع حرف عليش اتشوفني قليل هدرزتي مرات ايعقدوني نقعد نبكي ماناخذش راحتي الافي الليل لازم الساعة 9يقعدو راقدين ربي يعينا علي تربيتهم التربية الصالحة ياحي ياقيوم ..اريام الحنين كيف حالك وحال الصغار والله ضحكتيني صار تقومي بالولاء والطاعة علشان الكمبيوتر وفي الاخير نمتي معليش خيرها في غيرها وربي يحفضك لاولادك ولزوجك ...غادة نبي نسالك صح يوزعو في الثروة ولا بس كلام ....حياة حلوة كل سنة وهي بخير خيتك وعقبال 100شمعة تعرفي حتى انا بنتي عيد ميلادها كان 21_2 لكن لما قريت فتاوي الشيوخ بانه حرام مادرتش لها تعرفي كنت مفش حد من خوتي ولاخواتي ولا العيالهم الا مانديرله عيد ميلاد ونقعد نجهزله قبلها بايام ربي يغفرلي قلت ان شاء الله لما يدخلو للمدرسة وربي ينجحهم انديرلهم حفلة والله استفدت من النت واجد في الامور الدينية وربي يثبتنا علي طاعته ..مرام الحمد لله اللي نفسيتك اكويسة ربي يدوم عليك راحة البال ياقادر ياكريم ايوه خشي هدرزي والله انا من اول مانفتح عيوني نشغل الكميوتر ونقراء اللي فايتني وانا راقدة لالن فيه اللي عنده مغرب واللي فجر واااااوالله ماترد في الروح الاهدرزة البنات وما نضحك الالما نقرا الهدرزه لالن اللي في الغربه قليل مانضحكو تعرفن تو بعد نضحك فمي يوجعني من قلة الضحك:hahaha: ..باقي البنات ان شاء الله اتكونن بخير