امواج
ياخيتي انتي متاثرة هلبة و شكلك تاكلي في بعضك هونيها تهون و استاعيني بالله و توكلي عليه
حتي اني متاثرة لكن مش زيك لان ياما دقت علي الراس طبول و تعلمت لازم نتجاوز الازمات في هالدنيا والا حنتعب وتعلمت ما نخليش اي حاجة تتوغل فيا والا نتازم... تفكير ..ارق.....صداع........قلة نوم.....
و في الاخير مش حنغير حاجة

توكلي علي الله و كوني في روحك و حسبنا الله ونعم الوكيل وانا لله وانا اليه راجعون

السلام عليكم ورحمة الله وبركاته
خير يا عيله
كيف اخباركم؟؟؟؟
أن شاء الله كل سنه وانتم طيبييين وينعاد عليكن وعلى صغاركن وكل أحبابكن بالخير والصحه يا رب
من العايدين الفايزين
ومرحبتين بالبنات الجدد أنستنا ,,,
وان شاء الله هذا حد السو يا بنات ليش متنكدات
هذه الدنيا وتعودنا نحن المسلمين من صفعه لصفعه
ليش اتنكدن على ارويحتكن (امواج وسلفيه)وعلى صغاركن هذا كله راح من عماركن راهو ,,,,
بعدين مصائب الامه هذه أبتلاءات من رب العباد اللهم لا أعتراض ,,,
عدن افتحن المصحف واقرن بخشوع وحطن فى روسكن أن ما أصابك ما كان ليخطئك وما أخطأك ماكان ليصيبك ألا بأذن الله توا بعدها ترتاحن ,,,,

سامحنى مشغوله أو بالاصح مشنوقه (ماهو هالايام ع الشنق) ما أقدرتش انطل عليكن خلاص قريب انحولوا ومعش عندى وقت وامس كأنه مش عيد سبحان الله ,,,,
بس اليوم حاولت انعيد ودرنا لمتنا اليوم وضحكنا ولعبنا وكأن شيئاً لم يكن ,,,,


امويجه ربى يشرح صدرك أن شاء الله ويزيل عنك الغم والهم ,,,,
كيف ما قالت لك عيونى سهارا توكلى على ربك وهونيها اتهون خوذى بالك من اصغارك وصاحب بيتك هذوم اللى بحذاك ومحتاجيلك ويكفى اعويلتك هنا ما عندهمش غيرك وبوهم ربى يخليكم لهم فليش تنكدى فى هالايام المباركه
اجديدتى الله يرحمها كانت حتى لما حد قريب لها ايموت تزعل اشوى وبعدها اتقول اللى مات مات على روحه والفايده فى الحيين ونسأل الله أن يجعل القادم لهذه الامه أفضل مما مضى ويأتيها بنصر مؤزر ,,,
كلنا تضايقنا من اللى صار مش حزن على شخص صدام لان نهايته معروفه من الاول لكن حزننا على الاحداث وتسارعها والطريقه,,,, أكثر حاجه ضايقتنى لما ايجيبوا فى صور بوش يضحك وتعليقه ان صفحه جديده بدأت فى العراق ,,,,
يلا ما علينا خلونا فى العيد ,,,
المهم يا حبيباتى الموضوع هكى قعد شات وهذا مخالف للقوانين ,,,,
حاولوا اضافة أى معلومه او همسه فيها فائده فى ردودكم ولو بدعاء بسيط المهم أى شيئ يحمل مضمون ,,,,

وجبتلكن هذا الدعاء,,,
ربي عبدك قد ضاقت به الاسباب واغلقت دونه الابواب وبعد عن جادة الصواب
زاد به الهم والغم والاكتئاب وانقضى عمره ولم يفتح له الى فسيح مناهل الصفو والقربات باب
وانت المرجو سبحانك لكشف هذا المصاب يامن اذا دعي اجاب
ويا سريع الحساب يارب الارباب يا عظيم الجناب يا كريم ياوهاب
رب لا تحجب دعوتي ولا ترد مسألتي ولا تدعني بحسرتي ولا تكلني الى حولي وقوتي
وارحم عجزي فقد ضاق صدري وتاه فكري وتحيرت في امري
وانت العالم سبحانك بسري وجهري المالك لنفعي وضري القادر على تفريج كربي وتيسير عسري
اللهم احينا في الدنيا مؤمنين طائعين
وتوفنا مسلمين تائبين
اللهم ارحم تضرعنا بين يديك
وقومنا اذا اعوججنا
وادعنا اذا استقمنا
وكن لنا ولا تكن علينا
اللهم نسألك ياغفور يارحيم
ان تفتح لادعيتنا ابواب اجابة
يا من اذا سأله المضطر اجاب
يا من يقول لشيء كن فيكون
اللهم لا تردنا خائبين
واتنا افضل مايؤتى عبادك الصالحين
اللهم لا تصرفنا عن بحر جودك خاسرين
ولا ضالين ولا مضلين
واغفر لنا يوم الدين
برحمتك ياارحم الراحمين
آمين يا رب العالمين ,,,,

السلام عليكم ورحمة الله وبركاتة
كيف حالك ,طبعا انا توه في بنغازي ,غير حبيتبي انسلم عليكم
وانقولكم العيد روعه ايهبل .
اليوم ان شاء الله دايرين عصبان امس عماتي الي في الحوش والمتزوجات وصباي عمامي ساهرين ايقرضوا في العصبان وحشوه في الليل ,بيش اليوم يقعد على تتطيب.

السلام عليكم

مساء الخييييييييير

كيف حالكم كلكم ان شاء الله بخير

ليبيا قلبي الحمد لله على وصولك بالسلامة


سلام

كيف حالكن يا خواتي مع اني زعلانة منكن مفش وحدة سالت علي:( نمزح امعاكن يعلم الله بفرحتي بتواجدي امعاكن انا لي يومين ما فتحت الانترنت لان كان عندي ضيوف والكمبيوتر في الصالة وفعلا تضايقت وكان اغلب وقتي في المطبخ ولا في داري راقدة فعلا الانترنت مخفف علي غم الغربه وحتئ انا حالي من حالكن يا سلفية وياامواج البحار امس واول امس كله متضايقة ونفسيتي تعبانة للصفر معلش حكيت قصة حياتي نبي انخفف عن نفسي:44: