شكله مفش حد وينكنننننننننننننننن

السلام عليكم ورحمة الله وبركاته

كيف حالكم اليوم يا عويله

امواج نسال الله ان يفرج همنا وان يرحمنا رحمة تغنينا بها عما سواه وان ييسر امورنا لما يحب ويرضى اللهم امين اللهم امين

عيونى سهارا ربى يخلى ايامك كلها فرح عيدتى عيد على اوصوله ربى ايباركلك فيه ودوم عليك ايام الفرح قولى امين

ام محمد وانت بخير يا رب بارك الله فيك على الدعاء وانت تامرى يا مشرفتنا فوا انقصوا من الشات اللى مدايرينها عندك حق لكن الله غالي علينا جعان وطاح فى دشيشه
وربى اعاونك على المحوال ويجعله عتبه مباركه

G ليبيا حالنا الحمد لله خيرك اليوم مستعجله كلمتين وقص

قلبى ليبيا كل عام وانت بخير استمتعى بلمة العيله ربى ادوم عليك

هناء13 معليشى اوخيتى الحال من بعضه اهى ايام وعدت والحمد لله على كل حال وربى شنى ضيوفك رجاله بس ومش معهم نساويين

شنى طيبتى فى العيد احكينا

اليوم اخر ايام التشريق كثروا من الله اكبر الله كبر لا اله الا الله والله اكبر الله اكبر ولله الحمد
التكبير المقيد بعد كل صلاة والمطلق فى اى وقت

كل عام وانتم بخير وان شاء الله ينعاد عليكم بالصحه والعافيه معليش طولت عليكم شوى بس انتم فى القلب سلفيه تسلمى حبيبتى وامواج يعطيك عصيده خلعتينى نحساب شنو صارلك بعدين فهمت ام محمد كل عام وانتى بخير وكل البنات عيدكم مبارك وان شاء الله العيد الجاى ملتمين مع عويلتكم

خيرات يا عرب
شنو جوكم اليوم

هل جميع الليبيات من كندا