أم منال

أم منال @am_mnal

عضوة نشيطة

يا ريت كل وحده تحكي لنا عن يوم ولادتها

الحمل والإنجاب

السلام عليكم ورحمة الله وبركاته ..

طبعا انا حامل ولأول مره وبالشهر التاسع ..

واتعرفون عاد متخوفين اشوي من يوم الولاده :01:

فيــاريت تخبرونا عن يوم ولادتكم كيف كان ..

يعني نفيييد ونستفييد .. ونهون على بعضانا ..

وانا خبرتني وحده عن ولادتها ..

ومثل ما هيه اتقوووول ::

اقول لكم قصتي لمولودي الوحيد عمرة تسعة شهور..العمر كلة..
بصراحة أني الأول قبل النوم لازم اقرء مجلات او كتب عن الحمل والولادة أو..أو... اما الحين بعد ماجبت ولدي مايحصل لي منة في ليلة كنت اقرء مجلة كان موضوع محمس كل مابنام اقول بس اخلص الصفحة وبنام وني متحمسة للموضوع فطلعت الساعة باقي ربع ساعة عالأذان قلت خليني أول اصلي ونام لما اذن (تكرمو)
قمت دخلت الحمام فجئة حسيت بألم شديد اسفل البطن فلما قمت شفت نقط دم شفتة بغيت امووووت من الخوف على طول رحت اتصلت بالمستوصف اسأل عن دوام الدكتورة الي تعالجني فقالو لي الحين هي موجودة الى الساعة تسع .... رحت جلست زوجي للصلاة قام صلى ورجع ينام شافني جالسة وخيفة افتكر الأمر طبيعي ........اخاف اينام وني مابغاة ينام علشان لاينتهي موعد الدكتورة
قلت لية ابروح المستشفى..
قال ليش؟
قلت لية شفت دم وني خايفة ..
قال لي لا تخافي نامي
قلت ما أقدر انام ابغى اروح المستشفى يمكن في ولادة
قال صبري اشوي بعدين اوديش!! خاف يوديني ويستعجلو عليي ويولدوني قيصرية
فقام وداني المستوصف الي اخذ مواعيدي فية
فقالت الدكتورة منفتح الرحم 1سم فقالت الساعة 7المغرب تعالي فرحت البيت وني اتألم فداك اليوم التليفون ما سكت بعض صديقاتي ب3 اشهر مايتصلو وداك اليوم كل دقيقة يتصلو وزوجي يهربني كل اشوي زاد الألم ويزيد.. وزوجي يطالعني من تحت لاتحت ويشوفني كيف اتألم لين جت الساعة7 فرحت ليها
قالت الحين انفتح 5 سم وعطتني ورقة للمستشفى الي اولد فية فرحت البيت فاتصلت امي تقول لي مابتجي البيت قلت لها لا بروح السوق .قالت روحي غير اليوم لأن امي جاية من المدينة قلت لا بعدين بجي ؟! قلت لزوجي ايوديني المستشفى ولما رحت وحملت اغراضي استنيت وني اصرخ من الألم فعطوني اثياب قالو لي البسهم ولبستهم وستنيت استنــــــــــــــــــــــــــــــــــــيت والساعة موراضية تمر بسرعة وكل وقت يمر اقول الساعة الواحدة بولد وماولدت والساعة الثانية والثانية والنصف و..و......و......واستنيت لين جت الساعة الرابعة والنصف دخلت غرفة الولادة ولما طلع ولدي اتقول لي الممرضة يستاهل من يتعب علية ....قلت لها لا ما يستاهل من التعب لما قالت لي المشيمة بعدها ماتطلع والخياطة قلت ليها من التعب .....وفي الظهرجا ليي زوجي وباسني في جبهتي........

واترياااا مشاركاتكم وياي
43
34K

يلزم عليك تسجيل الدخول أولًا لكتابة تعليق.

تسجيل دخول

^^بنت الكويت^^
^^بنت الكويت^^
هلا ام منال

مشكوره على الموضوع الحلو

بقولج قصة ولادتي

انا ولدوني بطلق صناعي بالاسبوع الاول من الشهر التاسع وطبعا من الشهر الثامن وانا ادخل واطلع من المستشفى
لان ماءالطفل ناقص من الشهر السابع

المهم دخلت المستشفى للولاده يوم الاحد ودخولني غرفة الولاده وحطولي التحميله الساعه 12.00 الظهر وتميت لي الساعه 4.00 عوار خفيف حطولي التحميله الثانيه(( التحميله كل 4 ساعات)) وهم عوار خفيف يوم فحصتني الدكتوره قالت مو ولاده لانج فاته بس 3سم وصعدوني الغرفه الساعه 7.30 مساءاا طبعا ضاق خلقي لان بولد وافتك

يوم صارت الساعه 11.00بليل رجع الالم خفت قلت للممرضه قالت اذا صار العوار كل 5 دقائق قوليلي المهم زاد الالم جان يلبسوني اللبس وينزلوني غرفة الولاده يوم نزلوني قالولي هذا من مفعول اخر تحميله وعطوني ابره ونمت لي الساعه 4.30 الفجر:) هذا بغرفة الولاده بعدين رجعوني للغرفه........

يوم شافني الطبيب الصبح قال مانقدر نحطلج طلق صناعي مره ثانيه الا يوم الخميس لان الرحم مايتحمل..
سلمت امر لله ونطرت الخميس بفارغ الصبر وقالي بعد حاولي تمشين كل يوم ساعه وصج قمت امشي نص الساعه الظهر لان مافي زياره الصبح وبعد مايمشون الزوار نص ساعه..........

وصار يوم الخميس:( ونزلوني غرفة الولاده الساعه 7.30 الصبح وحطولي اول تحميله الساعه 8.00 والالم كان عادي مثل الم الدوره ويوم صار موعد التحميله الثانيه قالي الدكتور ان طلقي خفيف ولازم يفتح كيس الماء علشان يحمى الطلق وصج فتحه الساعه 1.00 الظهر وزاد الالم ويوم صارت الساعه 6.00 حطولي الطلق الي بالمغذي هذا يذبح اكثر من التحميله وزاد الالم وزاد وزاد صرت جني مينونه :) ماادري شسوي وقالولي اني فاتحه 8 سم يعني باقي 2 سم ويزيد الالم ويزيد المهم فتح الرحم على الاخر 10 سم بس المشكله ان راس الطفل موراضي ينزل بالحوض:(

وقالت لي الممرضه نامي على جنب يعني هذا وقت النومه على جنب وصج يوم نمت زاد العوار لما حسيت شي بيطلع
نمت على ظهري ولا الراس طالع

والحمدالله الحمدالله ولدت الساعه 8.35 مساءااا تخيلي 12 ساعه ونص من العذاب

بس والله يوم شفت بنتي نسيت كل الالم

ادري طولتها واهيا قصيره بس والله من الي شفته والله يستر من الولاده اليايه انا الحين باخر السابع

مو تخافين ترى عادي الله يسهلها

الله يهون عليح ويقومج بالسلامه:26:
Pretty Smile
Pretty Smile
السلام عليكم ورحمة الله وبركاته
اختي أم منال
في البداية حابة اطمنك واحكيلك لا تخافي ... صحيح انه الولادة فيها شوية صعوبة ( ألم ) لكن رب العالمين بسهلها وبهونها علينا (سبحان الله).
راح احكيلك عن تجربتي ... انا انجبت ابني ( عمره الان 10 شهور... ربي يحفظه) في الصيف الماضي ... طبعا موعد ولادتي المتوقع كان 18/7 لكن انا بكرت اسبوعين ... يمكن السبب اني كنت كثيرة الحركة والمشي.
يوم ولادتي كنت مداومة عادي (موظفة)... لكن الساعة الثانية ظهرا حسيت بمغص في اسفل البطن ... في البداية افتكرت اني ماخذه برد ... لانه كان بكير على الولادة .... لكن لما صار الالم يروح ويجي ( مثل الطلق ) روحت على البيت وطول الطريق والالم يزيد اكثر واكثر ... لما وصلت البيت استحميت وطلبت من اهل زوجي ينقلوني للمستشفى لانه زوجي كان خارج المدينة ... وصلت المستشفى الساعة 5 وكنت تعبانة كتير ... فحصتني الممرضة ووجدت توسع 4 سم ... فاتصلت مع الدكتورة المشرفة علي ... وما بعرف شو اعطتها الدكتورة تعليمات ... لانه بعدها جت الممرضة ودخلتني لغرفة واعطتني ابرة ... اظن انه طلق اصطناعي لانه بعد هذه الابرة زاد الطلق ... المهم اني كنت اتوجع والدكتورة جت الساعة 6.30 وبعد الفحص ... نقلوني لغرفة الولادة ... كل الي بتذكره اني حسيت بالم شديد في بطني ... وكانت الدكتورة تحكيلي شدي ... شدي ... يلا شوي ... كمان شوي ... وهذا اخر شيء بذكره لاني لما صحيت وجدت نفسي في غرفتي وكانت الساعة 8 مساء وكان حولي اهل زوجي واهلي كمان وحكولي الحمد لله على السلامة جاكم صبي ... و بعدها جاء زوجي ...
عذرا لاني يمكن اطلت عليكي ... بس حابة اضيف كمان اضافة ... لما جابوا ابني وحملته لاول مرة ما حسيت باي احساس امومة ... يعني كاني بحمل اي طفل عادي مو ابني ... بس والدتي حكت لي هذا شيء عادي لانك اول مرة بتنجبي ولانك لسه تعبانة من الولادة ... وفعلا ثاني اليوم الصبح اول ما صحيت كنت مشتاقة اشوفه كثير ... ومن ذاك اليوم ... وحبي وتعلقي فيه بزيد كل يوم اكثر من اول ...(سبحان الله) .
الله يسهل عليكي اختي ... وتقومي بالسلامة يا رب ... واتوكلي على الله ... كل الامهات مروا قبلك بهادي التجربة ... وزي ما حكيتلك ربنا بيسرها.
...... مع تحياتي للجميع .......
مهى
مهى
والله فرصة نتذكر أيام زمان :

أنا أول ولادة كنت حاسة بشوية ألم وكانت عندي خواتي الصغيرات وما حبيت أقول قدامهم وقدام زوجي انه في ألم لأنه كان بسيط وبعدين صار يزداد شوي شوي ولما صار كل ربع ساعة كانت الساعة 11 رحنا لمطعم واتعشينا بالسيارة وبعديت وصلنا خواتي للبيت وقلنا لهم احنا رايحين المستشفى وهذا سر بيننا !!

وصلنا المستشفى الساعة 12 وقلت لزوجي أخاف يفتكروني بتدلع خلينا نتأخر لما يصير ألم شديد لأنه ما كان ألم كان دغدغة وبس ولما قالوا لي في توسع 3 سم قالوا لزوجي روح البيت واحنا بنكلمك لما تقوم بالسلامة !! كنت أنظر من اشباك ولما تحركت السيارة ومشي بكيت وخفت تكون آخر مرة أشوفه فيها !!!


ووصيت الممرضات اذا صار لي شي انه يتزوج ولا يحزن على ويكمل حياته ( بس بعدين أدركت أنه لو كان بيموت في ما روح البيت وتركني ) المهم أعطوني ابرة في الوريد كل ربع ساعة ونمت حتى صلاة الفجر وسألتهم لازم أقوم أصلي ؟؟ صاروا يضحكوا علي قالوا لي بعد نص ساعة يمكن تولدي وطبعا نمت مرة ثانية !!!

استيقظت الساعة 8 لكنني كنت أرتدي قميص نومي الذي بالشنطة وكنت في غرفة نظيفة وجميلة وممددت يدي للتلفون أكلم زوجي واذا به يدخل فقلت له لمااذا أنا هنا ؟؟؟ قال : أنت ولدت والحمد لله فقلت له لا من قال لك هذا ؟؟؟ قال سأذهب لأتأكد من المتصل ، وعاد وكنت قد تحسست بطني وجلسنا أنا وهو وأنا أقول له هل تعشيت ؟؟ هل تغطيت البارحة ؟؟ هل نمت على السرير أم أمام التلفزيون ؟؟

ثم سألته ماذا أنجبت ولد أم بنت فقال : والله نسيت أسأل وضحكنا طويلا................. ثم ذهب وأحضر الطفل وكان صبيا لم أتوقعه بهذا القدر من الجمال ...

أما الولادة الثانية : سأذكرها لاحقا !!!!
أم منال
أم منال
يا مرحبا بج اخت بنت الكويت ..

الصراحه انا استانس يوم اشوفج مشاركه بمواضيعي .. لانه كلامج وايد حلوو ومريح :26:

ويلالالا الله يسهل عليج واتكون ولادتج اليايه اسهل من الثانيه ..

-------------------------------------------------------------------

يا هلا بج اخت بريتي سمايل ..

الله يخليج الياهل انشالله :24:

ومشكوووره على كلامج الحلوو والله يسهل علينا ..

الصراحه انا ساعات احس بتقلصات بس ما اعرف هذا طلق ولا شوو ..

بس هوو ايي اشوي ويرووح وخلاص ايي بعد فترره حتى يمكن باليوم الثاني ..

---------------------------------------------------------------------

هلاا اخت ياسمين ...

الصراحه انا اتمنى اليوم اللي يكون فيه يوم ولادتي ذكرى ..

ما عليه الله يعين ..

ونتريـــاج تخبرينا عن ولادتج الثانيه

---------------------------------------------

ووين الاخوات ؟؟؟؟؟؟؟؟؟؟؟؟

محد شاركنا الموضوع .. !!!!

اتريااا مشاركاتكم بفارغ الصبر ..

وانا فرحت واايد يوم شفت مشاركات الاخوات ..

أم منــال :27:
^^بنت الكويت^^
^^بنت الكويت^^
تسلمين ياام منال:26: