عين العقل

اختي الحبيبه انت لم تثقلي علي وكلنا اخوات في هذا المنتدى
واشوف الاخوا ت جزاهم الله خير مهتمين بموضوعك
وبالتسبةلموضوع الشغالةما كنت فاهمه علا قة زوجك فيها
وكان بخاطري انك ما عاد تجيبي شغالات ولكن قلت بنفسي بما أن زوجها بها الشكل وجود الشغالة راح يخفف عنها
ويوم قريت رد الاخت امة الله ارتحت لانها قالت لك الي بنفسي
واليوم قريت ردك والله شوي علي صعقت معقوله وصلت لدرجة انها اتدلكه وقدام عينك اعوذ بالله اعوذ بالله اعوذ بالله
تبين نصيحة من اخت قلبها عليك لا عاد تدخل الشغالات بيتك وخصوصا أن زوجك بعيد عن الله
اما شغل البيت يبي يقدرك الله عليه وخصوصا انك غير عامله وما عندك اطفال ولا يجيكم ضيوف ويمكن يكون فرصة لك انك تنشغلي عن زوجك وتبددي انفعالاتك في الشغل ..هل تعرفين أن في عمل البيت اجر عظيم
ولو عزمتي على الامر لاتطلبين منه ها الشي سوي الحاجه الي تخليه يحرمك من الشغالة وبكذا تكوني تخالصتي منهن للابد





وعندي شيء اخر مهم مهم مهم راح اقول لك عليه


اذاجاتك نوبات البكاء من شدة الضيق والقهر لا تطيحي في الفراش
لالالالالالالالالالالالالالا



افرشي سجادتك وصلي ركعتين لربك وارفعي يدينك لربك وادعي وابكي وابكي وادعي وادعي وادعي الين تجف دموعك
صدقيني الي خلقك هو الي بيحل مشاكلك
اختي اما سمعت انا لصائم عند فطره دعوت لا ترد
وكذلك المضلوم دعوته مستجابه
اختي احب انك تسمعين شريط قرع على ابواب السماء للشيخ بدر المشاري ممكن تحصليه بالتسجيلات الاسلاميه هو شريط ممتاز لاتتمالكين دموعك عند سماعه
واذا الاخوات يقدرو يحطو لنا رابط صوتي جزاهم الله الف خير

اسأ ل الله العظيم ان يفرج همك وييسر امرك ويهدي زوجك امين يارب العالمين

كمان حبيبتي فية شريط اسمه ياسامعا لكل شكوى للشيخ ابراهيم الدويش
وانت لاحظت جميع الاخوات متفقين على الدعاء ثم الدعاء
كمان عندي فكرة حلوة شكل زوجك عنيد وما ياخذ نصح من احد وكل هذا مكابر
اطلبي من اخوك يشتري مجموعة اشرطة مثال3 ولازم يكون بينهم شريط يحث على الصلاة وياليت تعرفين يحب يسمع لمين
الاشرطة يلفهم في ورق ويكتب عليهم هدية من شخص يحبك ويروح لعملةه ويحطهم داخل سيارته او فوقها بدون ما يحس فيه
عسى الله ان يهديه على يديك وحاجة كويسة انه يسمع قران حتى لو كان خش
واذا اخوك ما يحب يساعدك ممكن انتي اذا كانت السيارة عند باب البيت بدون ما تحس فيك ذا لشغالة الي قاهرتني
ودائما اسالي الله العون والتيسير

إلى الأخت العزيزة صدي الصمت جزاك الله كل الخير على وقتك وعلى مساندتك .
كلامك صحيح وأنا وياك بكل كلمة قلتيها بس لي ملاحظة عن اللي قلتيه عن الصلاة بالنسبة لزوجي وهذا رأيي وطبعا أخذت رأي شيخ بهالموضوع . لو كنت أنا عارفة من الأول إنه ما يصلي المفروض ما أرتبط فيه من الأساس بس اللي صار صار والحين عندي بنتين مو معقولة بعد 16 سنة وعندي بنتين أن آخذ هالقرار لمجرد إنه ما يصلي وخصوصا إني عارفة العيب اللي فيه صدقيني والله العظيم كان يحاول إنه يصلي بس هو يقولي ما أدري شنو اللي ما يخليني أكمل الصلاة ويحس بضيق وما يكمل وأنا على ثقة إن هالشي مو طبيعي لهالسبب لازم ألازمة وأدعيله وأحاول معاه بشتى الطرق وإن الله مع الصابرين ويهدي الله من يشاء من عباده . وبعدين إذا هو ما يصلي الله موجود هو اللي راح يحاسبة وبالنسبة لبناتي الحمد لله بنتي عمرها 9 سنين وتصلي ودائما أقولها فوائد الصلاه ومن هالأشياء ولما أقرأ قرآن أقرأ وأحب إنها تكون بجانبي للسمع وحتى أختها الصغيرة تكون وياي وتقلدنا فالحمد لله إنهم مو مثله والله يهديه . أنا ما أبي أحد يظلمه أنا عارفة عيوبة وحسناته ويمكن هو أكثر الناس اللي يساعدوا الفقراء وأحيانا يكون هو محتاج فلوس بس اللي معاه يعطيه وما يهتم وفي شغلات وايد كان بينصاب فيها ودائما الله كبير ينجيه وهو يحس بهالشي إنه من الله ويحمد ربه كثير ويخاف منه أكثر بس مشكلته متعقد من الصلاة والله قادر على أن يغيره .
لا تظلموه صحيح أنا زعلانه منه ومعصبه منه وصدقوني اللي صار بالأسبوع الأخير فكرت أن أتركه لكثرة إهاناته صرت أفكر شنو فايدتي إذا أنا بهالوصف اللي قاله صار أحسلي أنفصل عنه بكرامتي حسيت إني ولا شي وما أسوى بيزة . ( الله يسامحه ويهديه ) . سامحيني إذا قلت شي ضايقك وأشكرك وايد على نصائحك وما شاء الله عليك ويحفظك الله من كل مكروه قولي آمييييييييين .

إلى الأخت amaatollah أشكر ردك وجزاك الله كل خير بس نفس الكلام اللي قلته للأخت صدي الصمت لا تظلمينه من ناحية الصلاه أنا قاعده أحاول بكل جهدي أن أساعده وإن شاء الله يهديه يارب ويصلح من حاله .ولا تنسوني بالدعاء ترى أنا أكثر واحده محتاجه لدعائكم .