إلى الأخت العزيزة amaatollah والله العظيم لساني ارتبط وما أعرف اشلون أشكرك يعني انحرجت من هالإهتمام والله دمعت عيني لما شفتك كاتبتيلي مرة ثانية وطريقة اهتمامك أنا الحين إن شاء الله بسمع الرابط اللي حطيتيه لأن امبارح انشغلت بشغل البيت وما كان عندي وقت واليوم خلصت بدري وقرأت القرآن والحين باسمع الرابط وبرد عليك لما أسمعه ( جزاك الله كل خير وتقبل الله صيامك وصلاتك ) .

إلى الأخت كبسولة أشكرك على هالكلام وياريت زوجي يقولي ولو نصف كلمة من اللي قلتيه بس للأسف .
إنت أول واحدة تقول لي هالسؤال بقولك الصراحة وما كنت بصراحة أبي أتطرق لهذا الموضوع بس لأنك سألتي راح أجاوبك . من قبل ما أتزوجه كان يشرب بس ما كنت أعرف وما كان يبين عليه يعني يظل بوعية وحصلت مشاكل لخوفي من هالمشروب وكنت أخاف منه بس هو كان وايد حنون فأصبحت الأمور عادية بعد كام سنة . بس قبل ثلاث سنوات لاحظت عليه التغيير وصار يغيب عن الوعي وينسى اللي صار ويعصب على كبيرة وصغيرة وبدون داعي فصرت أخاف منه وابتعدت عنه كلما أشوفه يشرب أتهرب منه خوفا من المشاكل طبعا وايد نصحته إنه يبعد بس ماكو فايدة وصبرت إلى أن صديقتي عطتني دعاء وآيات لأقرأها ليتخلص منه وفعلا فعلت بدون ما يدري وبمرور يمكن أيام معدوده كره شئ اسمه مشروب وبالضبط لما صار عمره 40 ومن اهني بطل المشروب والحمد لله لمدة ثلاث سنوات وأصبحت عصبيته أخف شوي من الأول مع إنه مازال بس أقدر أقول أخف من الأول وما صار يضرب مثل أول وتحسي إنك تقدري تتكلمي مع واحد بوعيه والحمد لله ثلاث سنوات لم يشرب . بس في الصيف عندما سافرنا مثل ما تقولين شنه حن للمشروب بس مو مثل أول وخصوصا إنه كان في ناس يشجعونه وأنا حالتي بالويل وكنت أسترجع اللي كان يصير من أول وصرت أخاف منه وكم مرة تخانقنا بسبب إنه رجع وقلته الحين الله سبحانه وتعالى هداك ليش ترجع أكيد هذا امتحان من الله حتى يشوف مدي قدرتك وصبرك وإرادتك بس مافي فايدة وكان يشرب بيرة بكثرة ولما صار يغيب عن الوعي بعد ما شرب شي ثاني والسبب اللي تعرف عليه هناك ( الله يسامحه ) تسمم وكان بروح فيها وظل تعبان وطاح بالحمام ( أكرمكم الله ) وأنا لوحدي هناك واستعنت بصاحب البيت وأحضر لنا الدكتور جزاه الله كل خير وتعالج بس تصدقين ظل تعبان من هالتسمم للحين هو يحس إنه في آثار وجسمه مو مرتاح وفعلا من يومها مو مثل أول فيه شي ماأدري شنو وهالكلام صار قبل ما نسافر بأسبوع تقريبا ومن يومها ما شرب وإن شاء الله يتركه مثل أول بس أنا كل خوفي لما يسافر ويكون في مجال ويرجع يشرب . ما تصدقين مثل الكابوس يظل في راسي وعندي خوف من هالشي وما أدري شنو الحل وياه . ويعطيك العافية حبيبتي .

أرجو من الأخوات لما يقرؤوا اللي كتبته لا تزعلوا مني ولا تنسوني بالدعاء لي وله أرجووووووووووووووكم .

سلامي الحار للجميع .
الظاهر الكل تخلى عني وزعل . أنا كنت صريحة جدا لحل مشكلتي بس ليش مافي أحد كتب للحين .
إذا خطأت بشئ سامحوني .
الوضع عندي بالبيت كما هو وكل واحد بصوب وللحين أنا عند البنات أنام . بس لمدة ثلاثة أيام متتالية سمعت آية الكرسي كاملة ونفسيتي الحمد لله ارتاحت وايد وحطيت في بالي ليش هما مستانسين وأنا حزينة وكل وقتي أبكي حق منو أسوي بروحي شذي ولا واحد فيهم سائل عني وعن مشاعري وأكثر وقتهم مع بعضهم بالمساج وصبغ البيت والحمد لله إني لم أساعدهم ولا أحد طلب مني مساعده لأنه ماأخذ رايي بشئ وشنه البيت بيتها حتى باللون ماعرفت شنو اللون اللي يبي يحطة ( الله يسامحه ويهديه ) .

حبايبي وينكم ترى أنا محتاجتكم وياي .
نسيت أقولكم من قبل ثلاثة أيام فكرت وايد بالخدامة ولقيت فعلا مثل ما قلتولي إن عدم وجودها أفضل بكثير لهالسبب عند رجوعه من الدوام وهو يستعد للصبغ وياها كنت حابة أتغشمر وياه كنت واقفه شوي بعيده عنه وكانت هي بجانبه لخلط الصبغ والله العظيم كانت اطالعني ومو عاجبها وقفتي وشنها قاعده تقولي وخري من هالمكان وخلينا نشتغل وطبعا هو شافني قاعده أطالعهم فتضايق وصارخ علي وقال روحي داخل فقلت له ليش ما سويت شي ليش تخليها تستانس تري هي مستانسه بهالوضع وقاعده تضحك علي ليش تخليها شذي إذا المشكلة بسببها وخصوصا إني ما سويت شي ترى أنا ماأبيها وخليها تروح أحسن فقالي إذا راحت ما راح أييب غيرها وخلي أخوك هو ييب واحده ثانية فقلت له مو مشكلة ومن بعدها صرت أحط قرآن لمدة ثلاثة أيام والله العظيم ارتحت وايد وايد وحتى هو لقيتيه لما يكلمني إذا يبي شي يكلمني أخف من الأول . ( يارب العالمين إنك تساعدنا في محنتنا يارب ) .

شنو رايكم خبروني ترى أنا ناطرتكم .

آسفة يا أخواتي بدل ما أقول سمعت آية البقره قلت آية الكرسي أرجو المعذرة .

اختي الحبيبه ما راح نزعل منك بالعكس قلبي يتقطع عليك كلما قريت المصايب الي في بيتك
وحتى لو ما ردينا احنا نتابع موضوعك والله يعلم اني ادعيلك في ظهر الغيب
وبالنسبة للشغالة خليها تفارق الله لايردها ولا يجيي غيرها اختي انا لو ماني اشتغل والله ما تدخل بيتي ما جبتها الا بعد طفلي الاول فكنت اداوم واسوي شغل بيتي وانا حامل في التاسع وبعد الولادة جبتها
يا ام البنات يا بعد عمري ما في مسلم يرضى عن وضع زوجك والشغالة ... ابركها من ساعه لا عاد يجيب
اختي لا تجحدين نعمة ربك ترى عطاك الصحه تقدرين تسوين شغل بيتك وزوجك ..... لا تترددين وكل البنات مؤيدين انك تشيلي الشغالات من بيتك
وبا لنسبه لسورة البقره استمري عليها
اسأل الله العظيم رب العرش العظيم ان يهديك ويفرج كربتك وان يهدي زوجك ويسخره لك
وما يحتاج اذكرك بالدعاء ثم الدعاء وكلنا انحلت مشاكلنا بالدعاء لاننا بين يدي رحمان كريم قدير
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اختي امة الله جعل الله هذة الاشرطة في ميزان اعما لك يوم العرض الاكبر وقد استمعت اليها

الحمد لله إنك رديتي علي والله ارتحت لما قرأت اللي كتبتيه بصراحة أشتقتلك وايد وايد .
ما أطلب من الله إلا بس يعطيني الصبر والقوة وأكون أكثر ثبوتا يارب العالمين .
أشكرك وايد على الكلام الطيب وجزاك الله كل خير يالحبيبة .
لا تنسوني بالدعاء .