السلام عليكم . أولا آسفة لأني طولت الغيبة بس بصراحة اشتقتلكم كلكم ولهالسبب حبيت أرجع أكتب وأسلم عليكم . بالنسبة للأوضاع عندي لا بأس من شهر تقريبا والعون من الله أولا ومنكم ثانيا أحس نفسي الحين شوي أكثر ثقة وأقل خوف من السابق وشعرت أن طريقة كلامي أفضل قليلا من الأول مع إنه لا يخلو من الأخطاء في بعض الأحيان ما في شي بسرعة يتغير واحدة واحدة ولا أنا غلطانة .
بس صار لي شي جديد من يومين . زوجي عنده أخ من أم ثانية عمرة 18 سنة شوي ضاربه فيوزاته بسبب التسمم اللي صارله وهو صغير وطبعه إنه يتلزق بالحريم وين ما يروحوا وإذا شاف الخدامة أو شافني مع أحد لازم يقعد ويانا ويسولف وهذي طبعا راجعة للتربية الأب اللي ما علمهم من ضغرهم الأدب والعيب . المهم من كم يوم زوجي قالي إذا تشوفينه يتلزق وياكم لا تعطيه وجه وقوليله خلينا بروحنا وقلتله ليش ما إنت تقوله إذا شفته أنا أستحي وما أحب يطلع مني هالكلام . أصر لازم أنا اللي أقول . يوم السبت بالليل قالي خلنا نروح نزور الوالد في بداية الأمر لم يكن أخوه بالبيت الحمد لله ودخلت الصالة مع أمه وأخته وبنتي الكبيرة والخدامة وأخوه عمره 15 سنة وزوجي وأبوه في الصالة الأخرى المهم دقائق وإلا هذا الأخ يأتي من الخارج ومعه كتب سيارات وأخته تبي تشوف المجلات وتاخذ فكرة عنهم وأمه موجوده قاعدة تتكلم وياه ولما شفته الله يشهد إني ما عطيته وجه ولا كلمته مثل أول ولا ضحكة ووخرت شوي عنهم وهذا قاعد ومو مهتم المهم فجأة ولا ييجي زوجي ويقولي بعصبية ياللة نروح البيت وإحنا بالسيارة صار يهددني ويقولي أنا بعلمك الأصول وطول الطريق حاطة إيدي على قلبي وميته من الخوف ولما وصلنا بدأ الصراخ والضرب وحاولت أشرحله اللي صار وأنا ما كنت أكلمه وكان يكلم أخته وأمه ولهالسبب ما قلتله شي بس ما يبي يسمع ولا يفهم وناديت بنتي والخدامة علشان يوضحونله اللي صار بس ما خلا أحد يتكلم وكسر على كوب ماء وضربني كف وراح غرفته وسكر الباب وأنا حالتي بالويل اشلون أخليه يسمع ويفهم اللي صار اشلون أكلم الولد وأمه بجانبي وهو قاعد يكلم أخته اشلون أقوله روح وخلينا بروحنا .
ليش هالسوالف قاعدة تصيرلي ليش الحريم اللي يمتازوا بالقوة يقدروا ياخدوا حقهم وزيادة . لأني طيبة القلب ومن داخلي نظيف يصير فيني هالسوالف وأنظلم وما أقدر آخد حقي ليش ياربي . أحيانا أخاف أصير مثلهم وهو اللي يتندم . تصدقون قبل أسبوعين قعد عندي أخوه الصغير عمره 15 سنة أسبوع كامل وأنا أخدم فيه والخدامة متضايقة منه بس ما عطيتها أهتمام وخليته عندي وتحملته والله غيري ما يتحمله من كثرة ما ياكل لأنه ببيتهم بصراحة محروم من الأكل يبونه يخفف وزنه بس ما عرفت إنه جاي عندي بسبب الأكل إلا بالآخر زوجي انتبه عليه ورجعه لبيتهم . هذا جزائي إني أحب أخوانه مثل أخواني والله العظيم أخدمهم وأقوم بواجبهم وأساعدهم بكل شي . أسمع حريم ما يحترمون أهل الزوج وتصير مشاكل ويتمنى الزوج يشوف زوجته تخدم أهلة وتساعدهم وتحبهم وأنا عكس هالحريم ليش زوجي بهالطريقة يكرة إني أحبهم أو أساعدهم حتى لو ما فيهم خير هذا طبعي أحب أساعد وما أكره أحد . بس الخطأ اللي حسيت سويته كان من المفروض لما ييجي أخوه أروح وأطلع عند زوجي وأقعد وياه كان أفضل شي بس أحيانا المخ ما يشتغل . هذا اللي يصير فيني ما أعرف التصرف الصحيح في الوقت المناسب وبهالسبب تصير المشاكل . ما أقول غير الله كريم .
طبعا أنا الحين كالعادة نايمة بغرفة البنات والحين هو أخدهم يونسهم لأن بنتي الصغيرة ما تكلمه وزعلانه منه لأنه صارخ علي لو تشوفوها اشلون تقوله إنت مو حلو تصارخ على الماما أنا ما أحبك والله يومين ما تحاشيه يحاول يكلمها بس ماكو فايدة .
والحين بسلم عليكم وباعتذر منكم وأشكركم على صبركم وياي .

يا أختي أكيد هو سعيد لمعاملتك الطيبة لأهله ولا تظني أنه سينسى ذلك ولكن يبدو أنه يغار عليك كثيرا
وعصبيته مع غيرته أخرجته عن شعوره
لا تحزني يا ختي واحتسبي وإن شاء الله خير
والحمد لله قد بدأت ثمار صبرك تثمر فهذه الابنة الصغرى شعرت بك لا بل أظن أنها تضعك في بؤرة شعورها الآن وبالمناسبة فالبنات تتأثر كثيرا جدا بالأم كلما تكبر وتشعر أنها بحاجة إليها دائما بل وبحاجة إلى أن تراها مكرمة لأنها ترى فيها نفسها بعد ما تتزوج بعكس الأولاد دغالبا يقفون في صف أبوهم وهذا من رحمة الله بك ولطفه
وبعد ما يهدأ يمكنك أن تفهميه وتوضحي له ما حدث بلطف ومع التوضيح بعض العتاب أيضا وتقولي له أنا زعلانه منك لانك ظلمتني ولم ثثق في ..وفي حرصي على تنفيذ كل ما تطلبه مني بالحرف ورغم ذلك فعلت كل هذا معي ...كيف أنسى ما فعلته معي.... على أن يكون هذا بينك وبينه فقط

وبيني وبينك كلامك صحيح لو كنتي خرجتي من الغرفة كان دماغك ارتاح من كل هذا
والافضل من كل هذا أن تفصلوا دائما المجلس بين الحريم والرجال وبهذا تطبقون الشرع وترتاحون بالوقت نفسه من دخوله عليك نهائيا لأنه ليس طفلا بل يعد رجلا وأيضا ال 15 سنة رجلا لا ينبغي أن يجلس معك
ما رأيك ؟

السلام عليكم أسأل الله أن يهدي بال الجميع آمين .
أشكرك يا أختي العزيزة أمة الله على ردك ووقتك .
كلامك صحيح لو كنت خرجت من الغرفة لارتاح راسي من كل هالمشكلة بس مثل ما قلت أحيانا المخ يوقف عن العمل وما في تفكير صحيح في كثير من المواقف أنا لا حظت نفسي في كثير من الأمور . ما أقول إلا الله كبير هو كفيل بكل شيء . الخطأ الثاني أحطة على أهله إللي ما علموه من الصغر على العيب والأحترام كله من أبوه اللي كان يشجعه لما يشوفه وهو صغير مع البنات إذا كانوا يبوسونه أو يدلعونه وظلت هالفكرة في بالة لما كبر واللي قاعد ياكلها هو إحنا البعاد عن هالعيلة شنو هالحظ ياربي شنو ذنبي . أخوي كلم زوجي قاله ليش لما شفتوه دخل الصالة ما قلتوله تعال في حريم . زوجي رد عليه كنت أبي هالشي يطلع منها هي بس ما كو فايده . وبالأمس أخد البنات وعزم أخته بره على الغداء وسألته أخته ليش زعلت وطلعت معصب وقالها السالفه كلها وردت عليه أخوي مر علينا مرور الكرام وأخدت منه المجلات وكنت أسألة وكان يبي يمشي لا تكبر السالفه وكل هالسالفه ما صرلها دقيقتين وإنت طبيت علينا ترى ما تستاهل كل اللي سويته وزوجتك شفتها ما عطته وجه يعني ما كو داعي اللي صار . طبعا أنا عرفت لأن أخته اتصلت فيني لتطمئن وخبرتني السالفه . طبعا لما رجع ظل مثل ما هو على عناده . الله يسامحه .
أبي أقول هالسالفة سامحوني إذا طولت عليكم بس خلوني أطلع اللي فيني .
الأيام اللي طافت قاعدين نطلع بر وأهله يعزمون ناس وإحنا بعد المهم يوم الخميس أبوه عزم على الغداء جماعة أتراك وأنا والخدامة بس اللي قاعدين نشتغل ونشيل ونحط وننظف وأنا من طبعي ما أحب أقعد بدون ما أسوي شي لازم أحوس وأتحرك المهم هالجماعة شافوني اشكثر أقوم بالواجب من كل النواحي والمرة والله العظيم ما شالت عينها علي حتى كنت أقعد وخجلانه منها من كثر ما تطالعني بإعجاب وبالآخر صارت تقولهم كنتكم ما شاء الله عليها وايد حركة وتقوم بالواجب وما تقعد و............... طبعا أبوه استانس وقالوا هالكلام لزوجي ورد عليهم طبعا لازم . بس هالكلمتين قال . ولما صارت سالفت أخوه زوجي صار يتكلم مع أخوي إنه الناس تتكلم عني بالباطل ويفهموني وأنا ما أفتهم ويطالعوني بنظرات مو زينه لأني جاهلة ,,,,,,, شنو رايكم .
أخوي صار يضحك لما قالي لأن اللي يشوفه شي ثاني وهو بعد سمع الأتراك شنو قالوا . شنو تقولون .
أنا ما أقول إلا الله كريم .

أختي الحبيبة كيف حالك الآن أرجو أن لا تكوني لا تزالين زعلانة مع زوجك .. وأنا عندي شعور أن الفرج قريب جدا إن شاء الله وأن الله يجند لك الناس ليشهدوا لك ..
أسأل الله تعالى أن يفرج همك وهم كل المهمومات من المسلمات آمين ويبدل حزنهم فرحا وسرورا وقرة عين في الدنيا والآخرة
وأوصيك أن لا تنسي هذا الدعاء أبدا أبدا أبدا

" ربنا هب لنا من أزواجنا وذرياتنا قرة أعين واجعلنا للمتقين إماما"
وأخيرا أرجو أن تطمئنينا عليك دائما (تعرفين أني أدخل عالم حواء من صفحتك!!) ومعذرة إذا انقطعت الفترة القادمة لسفري
أختك المحبة

السلام عليكم حاولت أن أكتب كذا مرة بس ما تطلع الرسالة شنو السبب ما أدري . على العموم الحمد لله المياة رجعت لمجاريها بس مثل ما تقولين إن قلبي طافح منه وإلى الآن أنام بغرفة البنات صدقيني عندي خجل كبير من كل اللي بالبيت شني طرارة إذا صار زعل طلعي برة نامي وإذا متراضين يالله تعالي شنو هالسوالف ما صارت حياة والله شني ألعب وياه . المصالحة صارت يوم الخميس بسبب تدخل ابنتي الكبيرة بالموضوع وهي التي قالت لأبيها أريد أمي أن تذهب معنا إلى البر ولكني عصبت عليها لأنه سيفكر من قال لها هو أنا وانحرجت وقلت لها قولي له إذا كان زعلان فالأفضل أن أظل بالبيت وعندما قالت له قال لأ مو زعلان المهم لما دخل الغرفة حضنته وتأسفت منه يالله بعد شنو نسوي الله كريم بس ما أدري كل ما نتكلم بشئ مثل ما تقولين مو طايقني وأنا مو طايقته يعني حتى نقاش عادي مو قادر يستوعبني شنو أبي أو شنو أتكلم ويعلى صوته وأنا على طول أطلع من غرفتي والله ما إلي خلق أسمع شي وأقول والله أحسن أقعد مع بناتي ألعب وياهم لا واللي يغيز الخدامة تروح تقعد وياه ويسولفون ويضحكون ولما أدخل عليهم للمشاركة بالحديث يعلى صوته والله أقول ما لت عليه هو وياها إن شاء الله ياكلوا بعض وأهدهم وأطلع برة عند البنات .باشر إذا صار شي هو بحملني المسؤولية أنا أدري من الحين شنو بقول .لا تقوليلي شنو تبين فيها وخليها تولي وتطلع من البيت إذا الرجال هو نفسة ما يعلمها الأدب وهو راضي ومستانس بهالوضع وكلمتي بالبيت مو ماشية أبدا وإذا ما كانت هاذي في مليون واحدة برة على الأقل هاذي جدام عيني ولا شنو رايك أحيانا أحس إنه يبي تغيير ويسولف مع أحد ثاني وهي لعينة تعرف اشلون تكسبه وأي شي يبيه تقوله إيه ليش لأ نجرب مافيها شي وصوتها اللي غصب يطلع من حلجها يعني وايد ناعمة ماشاء الله عليها وحنوووووووووونة وااااايد . بعد شنو أسوي الله موجود .