السلام عليكم ورحمة الله
اختى صراحة مشكلتك صعبة نصيحتى ليكى من كل الى شفتة من اقاربى وصديقاتى انك لازم تغيريين من نفسك يعنى اول شى لازم تحافظين على كرامتك بكل هدوء ومن غير صراخ يعنى زعل تطنشية وتشتغلينة يعنى لا تحاولى توريه انك حزينة لانة مخاصمك وتهدلى نفسك لا البسى واتسنى قدر ما تقدرى خصوصا الملابس المغرية حاولى طلعى محاسنك وتخفى عيوبك وبعدين فى اسلوب اتبعتة مع زوجى يوم يعصب لكن درجة العصبية ما تكون مرة يعنى ببدايتها يكون نص نص يعنى اعطيك مثال يكون بينى وبينة نقاش وبعدين يصرخ وانا اكلمة بكل هدوء وثبات يغلى يحس نفسة مثل المجنون وبعدين اشوفة فى عيونة يقول ايش فيك ساكتة تطالعينى كذا اقول تعرف حبيبى انك بتصير تهبل وانت زعلان واقرب منة بخطوات هادئة واحط ايدى على صدرة واقول احبك وقت تكون حمش تكون جذاب وطبعا انا عارفة الجواب اذا معصب مرة يسيبنى ويروح ويقول مجنونة لكن انا عارفةانة تاثر واذا معصب نص نص يبتسم ويقول
مااحد يقدر عليك حاول تتابعى معاة ها الاسلوب يقولك مافى طلعة من البيت قولى على عينى وراسى انت تامر
لانة زوجك من النوع الى يحب الى يكبر راسة وحاولى انك تتعلمى اكلات جديدة غيرى ترتيب البيت ولازم تفرضى احترامك على بناتك لانة الزوج يحب الزوجة تكون ست بيت تعرف تربى عيالها وتمسك مصاريف البيت حاولى انك تسلبية كل شى من غير ما يحس يعنى تفرضى نظام مثلا ابداءى بالبنات لازم يكون كل يومهم منظم اكلهم دراستهم ونونومهم بعد كذا المصاريف ترتيب البيت مواعيد الاكل كل شى لازم يكون مرتب ولا تحاولى بها الفترة تقولى ابى اخرج او اى كلام تعرفى انة راح يزعلة لانة اعتبرى هاذى مرحلة انتقالية وما تتكلمى معاة بصوت ضعف وذل اتكلمى معاة بثقة والله انا لاحظت انة اغلب الحريم الى متحكمين بازواجهم هم الى يحسسوا ازواجهم انهم ما يفهمون شى يعنى انا مرت ابوى تورية دائما انة ما يفهم والله ابوى صار خاتم بايدينها انا تعلمت منها كثير يوم تزوجت قالتلى لازم تصيرين صبورة وزكية وقوية لانة الجال ما يحبون الزوجة الضعيفة عندى كلام كثير لكن ايدى وجعتنى لازم اروح اشوف بنتى
واهم شى مثل ما قالوا الاخوات الدعاء وان تجعلى كل شى تسوية لله وحدة مو لنيل رضا زوجك فقط والله يعينك ويهدية لك

السلام عليكم . مشكورة أختي luna2000 على هذه النصائح بس كان نفسي إيدك ما اتوجعك الحين أبي أقرأ بعد عن خبرتك اللي أقدر أستفاد منها فأرجو منك أن تعملي تدليك لإيدك وبعدين كتبي ( سلامة إيدك حبيبتي ) . بالنسبة لأسلوب إني أطنش والله صايرة أطنش على أشياء كثيرة وما أعتقد في واحدة تقدر تطنش مثلي وبأيام الزعل ما بهمل حالي بالعكس بس الشي اللي بيتغير إني ما أقدر آكل أبدا أحيانا أسبوع ما أحط في حلجي إلا الماء وبس ما لي نفس على شي بس ما أهمل نفسي وشكلي بالعكس وبظل بالغرفة مع البنات وما بيطلع صوتي أبدا وبصير نظام أكثر بناموا البنات بكير وبدون صوت وصراخ وأكلهم منظم أكثر بس ما أقدر إني أضحك وأقوله بيكون شكلك حلو وإنت معصب جربت هالطريقة وما نفعت إذا ضحكت أو ابتسمت أي شي بإيده على وجهي على طول لأنه بقولي الجد جد أنا مو قاعد أتغشمر . صدقيني في أشياء وايدة جربتها بس ما نفعت أحس نفسي عاجزة عن فهمة وهالشي مسويلي اكتئاب للحين نفسيتي تعبانة وايد يعني معقولة للحين أنام بغرفة البنات ما تصدقين هذي أول مرة أحس فيها بالاحراج قررت إني ما أروح الغرفة إلا إذا أخذني من إيدي جدام الكل مثل ما أهاني جدامهم وخلاني أنام برة لازم يرد كرامتي ولا شنو رايك مع إن هالشي قاعد يونس الخدامة لأنها بتظل معاه بالغرفة مساجات إلى أن ينام لا تفكرين إني غيرانه ماكو شي يخليني أغار منها وزجي مشكلته بس إنه يحب التدليك وااااايد وما يقدر يستغني عنه وخصوصا الحين قاعد يتعب من المفاصل بشكل فظيع . معاش حق الرجال يحب الواحدة تكون ست بيت بس أنا أشوف نفسي مو مقصرة وياه بشي بس على ما أعتقد إنه في ملل من بعض يمكن هالشي عادي ويحصل بكل الأزواج يمكن محتاج إنه يسافر بعيد عن المشاكل والمسؤولية يجوز هالشي صحيح ما أدري . بس المشكلة لما تقوليلي تكلمي وياه بثقة اشلون تصير مو أنا ما أدري ليش حتى إني ما أقدر أدافع عن نفسي أبدا وكلامي وياه كله خوف وأرتبك حتى لو هو وياي المطبخ قاعدة أطبخ أرتبك ما أدري شنو يصيرلي . أبي أتعلم أصير قوية لازم أتغير لازم يصير عندي شخصية أنا الحين قاعدة أقرأ كتاب عن الثقة إن شاء الله ينفع .
أبي منكم خدمة لما أكتب الرد يصير عندي رسالة بالبريد الألكتروني إنه في رد وأنا كم مرة قلت وبعثت رسالة للمشرفة علشان ما يبعثون لي رسالة إذا في عندي رد لكي لا بالصدفة مثلا يكون زوجي موجود ويقرأ وطبعا بعدين الله يستر فشنو أسوي بهالحالة وشكرا .
ناطرة ردكم . بحفظ الله .

السلام عليكم . وينكم أشوف مافي أحد رد علي ولا مليتوا مني ومن سوالفي . والله ما تصدقون اشكثر تعبانة نفسيا حاطة في راسي أنفصل عنه شنو رايكم خصوصا بعد ما سمعت كلام من الخدامة إنه قالها ما يحبني ووجودي بالبيت علشان البنات وبس تصدقون أمس على السفرة بنتي الصغيرة عمرها 5 سنين قالتلي يا بقرة إنت ما تفهمين وهالبنت حاولت بشتي الطرق أن أبعدها عن جو المسبات وما تتعلم هالأشياء بس ماكو فايدة إذا أبوها بالبيت شنو لازم أتوقع المهم صارخت عليها وزوجي ابتسم ونزل راسه وقاعد ياكل وهالشي خلاني أغلي من الداخل وكملتها وقالتلي إنت غبية ما تعرفي شي واستمر زوجي بالضحك وعصبت عليها وصارخت وتركت السفرة ورحت المطبخ ودموعي على خدي( الله يجازيك ) . بدل ما يقول لها عيب ويسكتها لأ أبدا وهذا اللي خلاني أنقهر وأبكي . الخدامة وايد قاعدة توصلي كلام مو زين عنه وشنو يقول عني ويوم عن يوم تخليني أغضب زيادة وأحط في راسي إني لازم ما أرجع للغرفة إلا إذا حسسني إني مهمه عنده شنو رايكم . بس أنا الحين مدايقة ونفسي أتكلم معاه وأقوله إذا ما يبيني ننفصل أحسن بس الحين تفكيري مع بناتي شنو أسوي صبرت وايد وزهت والصبر زهق مني اعطوني حل سريع ترى ما فيني ولا ذرة صبر حالتي راح توصلني لشي مو زين ساعدوني الله يساعدكم كلكم وييسر أموركم .

اختي الله يعينك والله مادري شقول لك بس انتي صبرتي كل هالسنين لا تتوقعين انه في يوم وليله بتقدرين تغيرين زوجك مستحيل طبعا انتي ثقتك بنفسك ضعيفه جدا حاولي تقوين قلبك بالصلاه والدعاء وقيام الليل وثقي ان الله ماينسى عباده
اما بالنسبه لبناتك لازم تفرضين احترامك عليهن ولا تعطيهن الفرصه يطولن السانهن عليك واذا كررت بنتك هالتصرف عاقبيها بانك ماتكلمينها لفترة وقوليلها مو انا بقره ولا افهم خلاص لا تكلميني بس حاولي تشرحين لها انك امها ولازم تحترمك وان المشكل اللي بينك وبين ابوها ماللبنات دخل فيها
الخدامه اختي تلعب باعصابك اصلا وضعها بالبيت كله غلط في غلط ولا تسمعين لها ابدا اسمعي لعقلك واتبعي قلبك اللي الله انشالله بيهديك وبيدلك لاحسن طريق :26: :26:

سلام عليكم عيني اشلونك انشاء الله بخير...... لا حول ولا قوه الا بالله العلي العظيم....
طبعا حبيبتي اني مراقبه رسالتج اول باول وردود البنات عليج .. وطبعا قلت هذه المره لازم اسلم عليها .
ياعيوني كم مره نصحناج اني والبنات وعلمناج كم طريقه وطريقه وانتي ما نفذتي ولا وحده منها ونسيتيها اكيد اول شئ قلنا لج تخلصين من الخدامه الحيه العقربه الشيطانه الي تتخرب بينج وبين زوجك بحيث قامت توصل كلام الج وياعالم انها بتوصل كلام موزين منج وكذب منج لزوجك وهكذا حتى تحتل مكانج بس انتي ضلي هشكل ما تسمعين نصيحه وكلام احد منا
ياعيني الخدامه طلعيها من بيتكم باي طريقه ولا تجلبين بعد خدم للبيت مادام زوجك هذه اخلاقه ..... لا والي يقهر اكثر واكثر ويفور الدم انك تعوفيهم وحدهم بالغرفه تعمله مساجات مع ضحكها وسوالفها الرقيقه ..... شنو انتي مو لهدرجه ما تسوين قدر واحترام لنفسك ...... تحملي مني كلامي القاسي واعلمي انه بمصلحتك زين ارجوا ان لا تزعلي من كلامي القاسي لاني فعلا مقهوره وايد عليج اوكي..
وين وصلت....ها بابا صحيح انتي ما تغارين عليه بس هذا تصرف من الخدامه وزوجك لازم اتسوين قدر واحترام لنفسك وتصيرين قويه .... مو تقولين شون اصير قويه.... لا انتي حاولي قدر المستطاع في سبيل قدر وكرامه نفسك .
اول شئ ارفضي الخطا وبكل صلابه فكري بنفسك وبراحتك ولا يهمك زوجك وبناتك ابدا شفتي تصرف ما عجبج ارفضيه وانطي رايج بكل ثقه ولا تقبلين احد يهينج . مثلا بنتج مادام اهانتج امام ابوها ومااهتمت تاخذيها بكل برود من ايديها و بالغرفه وتتكلمين معاها واذا ما نفع احرميها من الاكل وعاقبيها بس بهدوء تتكلمين معاها وليس بعصبيه..
بعدين تعالي انتي معقوله ابد ما عندج احد تلجئين له يساعدج من اهلج . اختج عرفنه زوجك زعلان منها وما يقبل تحجين معاها زين غير اختج ماكو .
اذا ماكو ما عندج غير الشرطه تشتكين لهم بان زوجك يضربك ويهينك ومعيشك عيشه جحيم خلي ايخاف من احد
على الاقل الشرطه تهديده بيهم اذا عاود الكره وخلي ياخذ جزاءه ما يصير هذه الوضعيه انتي ما بتساعدين نفسج ولا تخلين احد ايساعدك وتقولين اريد الحل والحل كله موجود بايدج بس انتي للاسف ضعيفه وما عندج غير الله سبحانه وتعالى لا تنسين الدعاء عزيزتي ولصلاه الحاجه وادعي وانتي تبكين وتطلبين من ربك الله يصلح الوضع ويهدي زوجك امين
اهم شئ الخدامه ال الحيه الصفراء الي تريد تعوض الشئ الي ناقص عندها وذلك بافساد حياتج وعلى حساب حياتج
شون تخلين مثل هيج وحده تحطم حياتج سيطري عليها وعامليها بقسوه وبقوه وامري وانهي بالبيت ولا تسمعين اي كلام منها اتجاه زوجك لانها مخربه وحياله وطفشيها وخلصي منها ولا تجلبين خدم للبيت . جاوبيني على هذا الكلام ولكن بعد تصرف قوي منك وليس كلام خائب بالفشل لالالالالالا اريد تصرف قوي منك اول شئ يضب الخدامه والخلاص منها وبعدين نرجع لزوجك الي متونس وقاضي وقته مع الخدامه وانتي ولا مهتمه ..... ليعلمج لو ما الخدامه واسلوبها وكلامها الحلو كان زوجك فكر بيج وحاول ايصالحج بس هو بيشوف البديل الي بيريحه بالكلام والاهتمام الحلو مو شرط فكرج يروح لبعيد ..... بس هذا يكفي انه بيشوف منها المعامله والدلاعه والرقه حسب ما تقولين انتي والله يستر من القادم اذا ما تلحكين على نفسج .
والله اني هسه ميته قهر ودمي مفور عليج ودائما افكر بيج وصايره اعصاب بالبيت اكول الله ايساعدج ويكون بعونج بس ياحبيبتي اهم شئ انك تتصرفين فعلي وليس كلام بدون جدوى زين
اخليج بسلام والله يبعد عنكم المكر والسحر والحسد