السلام عليكم خواتي مشكورة حبيبتي دموع الشوق على تفاعلك وياي بصراحة هذا اللي قررته وإذا قالي طلعي نامي برة مثل كل مرة راح أقوله لأ هذي غرفتي والحين حتى لو زعلان مني دائما أروح الغرفة عادي وشنة ماكو شي وهذا سبب رجوعي أنام بالغرفة علشان بس أطلعها برة والله كنت ناوية من الأول إني أجيب سرير وأحطة بغرفة البنات وما أروح غرفتي بس صارت تستغل الوضع وشنه المكان مكانها شان أرد مع إني منحرجة مرة بغرفة البنات وبعدين أروح غرفتي بس الله كريم بعد هذا اللي أقدر عليه .

إلى الأخت أسيرة المحبة إن شاء الله بقوله كل هالكلام بس خلي الجو يتحسن عندي تدرين قبل ساعة كان بالمطبخ وياها قاعد يطبخ لأنه بوقت العطل يحب يطبخ ويتفنن بالأكل مو مشكلة عندي أبدا . المهم شان تجي الخدامة عندي وتقولي شنو أسوي حق الجرح أحط بانديج وبلاستر وفهمت إنه في شي صار رحت المطبخ ولا أصبع إيدة الصغير كان راح يانقص بالسكين وقالي شنو تبين قلتله شنو صار قالي انجرحت بالسكين جرح كبير وأبي كريم ورحت أجيبله القطن وهالسوالف وقالي خلاص أنا ألف أصبعي . وخليت بنتي الكبيرة وياهم بالمطبخ وشوي شان ترجع وقالتلي الخدامة قالتلي أروح شان أقولها منو ليش تسمعين كلامها لا تطلعين إلا إذا البابا قالك ما إلها شغل قولي تبين تشوفين البابا وفعلا ظلت هناك وبعدين قالتلي الخدامة هي اللي لفت أصبع أبوي وقاعدة تدلع عليه . شفتي الله كبير . بس شنه حس إنه عقاب من الله لأن طريقة كلامه كان غير . هي الحين بشهر 11 بتكمل ثلاث سنوات . ومن ناحية زوجي كم مرة سافر برة مرتين لدبي كل مرة يومين بس من زمان أكثر من 5 سنوات وبسنة 97 راح تايلاند 10 أيام . ترى وايد أصحابه يقولوله خلنا نسافر تايلاند مرة ثانية أو دبي أو البحرين بس هو ما يحب وإذا كان بوده دائما يكون في مشكلة توصيلة البنات للمدارس منو يوديهم ويجيبهم يعني ما يصير الوقت مناسب . ومشكورة مرة ثانية والله يعطيكي العافية وراح أقولك كل شي يصير إن شاء الله وأتمنى أتخلص من الخدامة بأقرب فرصة . دعواتكم الله يخليكم لا تنسوني .

ما اقول الا الله يعينك على هالزوج المتسلط ............؟؟؟

بس انا اقول ان زوجك ما يصلح له وحده طيبة وعلى نياتها مثلك تصلح له وحده عقربة تلسعه بسمها ؟؟؟

وانتي المفروض اتقوين شخصيتك واتحسسينه انك تقدري تعتمدي على نفسك بدونه ؟؟؟ وانك ما ترضين على الخطأ اللي يصير لك ؟؟؟


حرام يا اختي اللي يصير في بيتك وقدام عيونك ؟؟؟ هذا قدامك ويسوي وياها جذي عجل شبيسوي من وراك ؟؟؟

وشنو دور اخوك من السالفة ؟؟؟


وانا اقول انك اتغيرين من نفسك وشكلك روحي الصالون تعدلي وتلبسي وتكشخي لبسي له لبس مثير ودلعيه بالكلام واذا على الشغالة قعدي وياه بغرفتكم واغلقي الباب وحذريها من الدخول ؟؟؟

طبقي بعض الافكار الرومنسية الموجودة بالمنتدى وهي كثيرة ؟؟؟

حتى لو ما شفتي منه اي تشجيع ما على يا اختي اصبري واستحملي منه ؟؟ واشوي اشوي بيحب حركاتك اللي اتسوينها ؟؟

اذا كان عندك مناسبة خاصة احتفلي فيها بطريقة مذهلة ورومنسية واذا حبيتي تنفردين فيه خلي اخوك يحجز لك غرفة في فندق او اي شاليه بروحكم فيه بدون بناتك واخوك والشغالة ؟؟؟

انتي محتاجه التجديد وكسر الروتين وكذلك زوجك ؟؟؟

اذا على التدليك شوفيها اشلون اتسوي له تدليك وانتي تعلمي الطريقة وسويها له ؟؟؟

يمكن اهو يرتاح للمساج اللي اتسويه ؟؟؟

خلي عنك الهواش والصراخ لان الرجال ما يحبون الزوجة النكدية ؟؟؟

غيري بحياتك حاولي تطلعين على الاشياء الجديدة والافكار الموجودة بالمنتدى بقسم الاناقة والجمال بالافكار والتجارب ؟؟؟

ابهريه بشخصيتك وبنفسك خليه يحس انك تغيرتي وما عدتي الاوليه الطيبة اللي على نياتها ؟؟؟

شخصيتك خليها اقوى من جذي وخليها اتكون متزنة وصارمة والمفروض تتعلمين منه الصرامة والخشونة لا ان تتمادي في اللين والطيبة اللي ما منها فايدة في معاملتك معاه ؟؟؟

أدري انك ما تقدري اتسفرينها الشغالة بس تقدرين تتحكمين فيها مو هي اللي تتحكم فيك وتمشيكي على هواها ؟؟؟ سوي لها على طول مشاكل لما اتطفشينها وخلي بناتك واخوك يساعدونك على هالشئ ؟؟؟

مثلا غسلت ثياب بنتك تروح لها بتنك تقول لها مو عاجبني هالغسال غسليه مرة ثانية ومرة ثالثة ورابعة ؟؟؟ وبعدين لما تجي تكويه بعد تطفشها ؟؟؟

مثلا اخوك اتخلينها ترتب غرفته وبعد كم ساعة يرد يعفسها فوق تحت ؟؟ وترد تعدلها ؟؟؟

مثلا اغراض زوجك لما اتنظف شئ يخص زوجك مثلا نعاله او جوتيه روحي انتي وردي وسخيه طبعا زوجك بينقهر عليها ليش انه مستعجل ونعاله وسخ ؟؟؟

مثلا غسلت ثوبه قومي حطي لها لون في الثوب وخليها تبقع اهني بيحمق ويستحرق فيها ؟؟؟

مثلا طبخت طبخة وكانت حلوة وعجيبة حطي لها ملح زيادة او سكر زيادة فيها عشان تخرب الطبخة ؟؟ وما يحسون ان هي احسن منك في الطباخ ؟؟؟
يعني طفشيها تطفش خليها تكره القعده في البيت لما اهي اللي تطلب انها اتسافر لبلدها مع اني ما اعتقد انها تفوت على نفسها هالفرصة الدسمة مثل بيتج ؟؟؟

خليها مثل الخاتم بيدك ؟؟؟ خليها تخاف وترتهب منك واتحس انك انتي ربة البيت مو هي ولا زوجك ؟؟؟ كوني انتي الامرة والناهية ؟؟؟ فرضي نفسك وفرضي شخصيتك على الجميع ؟؟؟

على زوجك وبناتك وشغالتك واخوك ؟؟؟ لان اللي اشوفه ان الكل مستهين فيك وحاسينك طوفه هبيطة ؟؟؟؟ لا بناتك حاطين لك اعتبار ولا اخوك ؟؟؟ والشغالة قايمة قومه في بيتك ولاعبه لعبتها مع زوجك وانتي ساكته ؟؟ وزوجك يهينك ويحط من قدرك ومسويك مداس له ؟؟؟ وانتي راضية وبالعة وساكته ؟؟؟

ليش يا اختي انتي عندك كرامة وانتي انسانة لازم ما ترضين على نفسك بهالاشياء اللي تصير لك ومن من من اعز الناس لك واقربهم لك ؟؟؟

زوجك يحتاج للتغيير والتجديد بحياتكم ؟؟؟ ويحتاج للشخصية الحازمة القوية معه ؟؟؟

وحتى لو سويتي خطأ لا تعتذرين منه عامليه مثل ما يعاملك ؟؟؟

والله انك قاهرتني وسببت حزن كبير من مشكلتك ؟وترى والله حسيتك مثل الاخت لي وحبيت انصحك فرجاءا اختي لا تزعلين لصراحتي معك ؟؟؟

ولي طلب منك ان تتغيري وتجددي من حياتك ؟؟؟ وتعليمينا وتطمنينا عنك اول بأول ؟؟

الله يعينك ويهديه لك ويسخره يارب ويبعد عنكم الشغاله الملعونه هذي
وان شالله يعوضك خير

قاهرتني انت مره احس ان كلامك مره موطبيعي ومايصدقه عقل فاانت يامسحوره اوبك مرض نفسي اذا كان كلامك صحيح فاعذريني على هالكلام
تدرين ليه لانك تاركه الشغاله بالمطبخ لحالها معاه كان صرتي عنده ولاارسلتيها تنظف اي شي برا المطبخ
وليش ماوقفت مع زوجك وطبختي معاه اوكنت حوله عللى الاقل
وليه مالفيتي اصبع زوجك غصب عليه وليه طلعتي وتركتيه يعني البنت تبي تحرس
ياشيخه خافي ربك وصلحي نفسك وبيتك وزجك
اعطي زوجك حنان واقعدي دلكيه من غير مايطلب وسوي الاشياء الي يحبها من غير مايطلب
وغسلي ملابسه بنفسك ولاتخلينها تقرب لاي شي له واذا طلب شي منها قومي انت جيبيه له لورفض حبيه وقولي اغار عليك ومابي احد يلمسك واصلا لمسها لك حرام ترضى لوكنت اشتغل شغاله وامرني كفيلي اني ادلكه ترضاها تخيل الموقف اواني اكل معه اواسولف معه اواضحك قولي اساك بالله فكر بالموضوع ولادمر هالبيت
قولي له راح اسوي الي تبي وما ارفض لك طلب بس ريحني وسفر الشغاله

السلام عليكم
اهم شي في حل مشكلتك لا تدخلي أحد من اهلك
حاولي أن تجلسي معه وتقولي له نريد ان نجدد حياتنا ونبدأ من جديد ، قولي له انت زوجي ...... وستري وابو بناتي ، فكل شيئ في الدنيا يهون لأجلك ، ولكن لماذا تعاملني هذه المعامله من 16 سنة ، لماذا لا نكون ككل الأزواج ؟؟؟؟؟؟ هادئين ، متعاونين ، لأجل بناتكم حتى لا يتعقدوا وتنعكس الصورة عليهم في المستقبل ، فأنت صبرتي كل هذا الصبر فلا تجعلي بناتك يذوقوا نفس المرارة التي ذقتيها ، وحاولي ابعادهم عن مشاكلهم .
يعني بالعربي اذا لم يتغير لا تحاولي ان تتمشكلوا امام بناتكم وانني يا ........ اختي اثق كل الثقة أن عقلك كبير ولديك ثقة بنفسك لأنك صابرة كل هذه المدة واعلمي أن البيوت أسرار ، فلا تندهشي من جارة أو صاحبة اذا قالتلك انها مبسوطة ومرتاحة مع زوجها فكثيرات مثلك ويكابرن ويعملن انفسهن ست الفهمنات ، وأيضاً لا تردي وتصغي الى احد ولا تقارني نفسك بأحد صدقيني ما حك جلدك مثل ظفرك ، واعلمي ان الله معك وكوني الزوجة المخلصة التي تتمنى من العلي القدير أن يوفقها في حياتها هي وعيالها ولكن عندي كم سؤال ..........
1 - هل زوجك ملتزم بالدين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
2 - من هم رفاق زوجك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
3 - كيف احوال أهل زوجك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
4 - كيف احوالكم المادية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
5 - هل انت مشبعة رغباته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا تستغربي من هذه الأسئلة فالضغط يولد الانفجار .
مع تمنياتي لك بالسعادة