السلام عليكم يا أغلى الناس عندي والله ما أدري اشلون أجازيكم والله ما راح أنساكم بدعائي أبدا والله يقدرني ويمكن يكون يوم من الأيام وأقدر أساعدكم مثل ما ساعدتوني .
أولا باعتذر وااااااااايد على الغيبة بس أنا عندي أخبار حلوة إن شاء الله . الحمد لله بعد جهد جهيد تصالحنا يوم الجمعة بس اشلون صارت كالتالي الصبح زعلان حده وده يطلع بس لأنه مو مرتاح ما له خلق يروح مكان وأتاري أخوه اللي كان ما يتكلمون مع بعض سنتين رجعوا لبعض ما أدري اشلون وتصالحوا المهم أخوه كان بالمستشفى صارت عنده جلطة بعيد عنكم وزوجي يبي يروح عنده البيت المهم كان قاعد يتكلم مع أخوي الصبح وأنا حابسه نفسي بغرفة بغرفة البنات وما أبي أشوف أحد وقاعدة أكتب شنو صار وياي وأخوي قاله اطلعوا مكان الجو حلو وشني سمعته يقول مع منو أطلع علشان يصير مشاكل مرة ثانية ومن هالكلام ولما طلع أخوي قعد زوجي مع الخدامة يتكلمون بالصالة بروحهم وأنا كل شوي أبعث بنتي لعندهم شذي للعصر وقال لبنتي خلي أمك تلبس علشان نطلع والله ما صدقت بالأول المهم لبست البنات ولبست وسوه نفسه معصب وللحين زعلان ويطالعني وجهه مكشر وشافني أنظف الجوتي وقالي بعصبية وخري خليني أمشي والله تضايقت ما كنت أبي أكمل وشافني اشلون واقفة معصبه قالي شنو مو عاجبك قلت لأ مو شذي قاعدة أنظف جوتيك وشوي شوي لقيته صار هادي ونبرة صوته تحسنت وقالي إنت عارفة وين رايحين قلت بنتي تقول عند أخوك قالي إيه عند بيتهم وما كثرت أسئلة أدري مو وقته ومشينا عندهم والله استانسنا والخدامة كانت مدايقة حدها ليش أنا قاعدة وياهم وكل شوي أطالعها بنغزة من فوق لتحت وما أضحك وياها أبدا وكانت تبي تطلع برة تتمشى بالحوش وسألتني قلتلها اسألي زوجي وهو منعها وتدايقت زيادة وناداها علشان تفرد شوي وجهها لأنه صار مثل الجوتي أعزكم الله وقعدت بجنبة وطالعتها بحقارة وقلتلها اقعدي مكان ثاني والله ما عطيتها وجه أبدا هالحقيرة . ولما رجعنا البيت تكلمنا عادي وقعدت وياه ومسكت يده ودلكتها وبعدين فهمكم زيادة بس شنو بحرارة هالمرة غير عن الأول تماما وناااااااااسة بس الخدامة شوي بتجن وبهاليوم ما عرفنا ننام وثاني يوم مدارس والله ما راح للدوام بس وصل البنات ورجع ينام بس هم الظهر اشتغلنا مرة ثانية ههههه . الحين الخدامة مدايقة وما تكلمني مثل أول وتناديني مدام مدام مو بالعادة يس مدام نو مدام والله سخافة .

إلى الغالية غلا الروح فعلا حبيبتي أنا طيبة وزوجي ما يبيله واحدة مثلي ومن ناحية أبدل شكلي حاولت أصبغ شعري بس زوجي مو راضي بس قاعدة أحاول دائما أغير قصة شعري بس المشكلة مافي أحد يوديني لما أبي تعالي نطري لما يفضونلك . ومن ناحية الأفكار الرومانسية بالمنتدى علطول أنا أفتح هالمنتدى وشنة ما في غيرة متعلقة فيه بشكل غريب وأكثر وقتي عليه من كل المواضيع وخصوصا أركز على التغيير والترتيب والتنظيم والديكور والأفكار للزوج الله يعطيهم العافية واااايد استفدت منهم . بس صعبة شوي أخوي يحجز في فندق وأخلي البنات عندها زوجي ما يثق أبدا فيها . بس إن شاء الله عندنا تخطيط للسفر للخارج ويبي يسوي عمايل إن شاء الله يتحقق ونغير هالروتين الممل دعواتكم . ومن ناحية التدليك أعرف أحسن منها بالتدليك بس هو باعتقاده يبي يريحني وشنه قاعد يروح النادي ويسووله مساج بالساعات أنا 16 سنة وأدلكة من الصبح لليل ما يقول لأ بصراحة شي ممل والحين قاعدة انشغل بدراسة البنات ويحب لما ينام أحد يلعب برجله ويدلكة وعنده مشكلة الصداع المزمن دائما أدوية وتدليك من ناحية الرقبة والأكتاف . عجبتيني لما قلتيلي اشلون أطفش الخدامة بصراحة أخوي كل شوي يقط عليها كلمة وجدام زوجي . وقولي كل شي بصراحة مستحيل أزعل من الناس اللي قاعدة تكتبلي وتعطيني من وقتها بس علشان تساعدني الله يسعدكم يارب . ومشكورة على السؤال وآسفة لأني سببتلك قلق بس لما يكون في عطلة ما أقدر أكتبلكم وبس بالأمس الظهر أخوي دفع الإنترنت لأن الاشتراك كان خالص يوم الخميس . وهذا سبب تأخيري وآسفة حبايبي .
وإلى الأخت دموع الشوق الغالية أشكرك على الدعاء .
وإلى الأخت أسيرة المحبة الغالية أنا عندي شك يمكن أحد مسويلي سحر لأن النسيان اللي فيني وتشريد الذهن اللي فيني مو طبيعي ترى عندي واااايد يغاروا منا وحقودين . ولما تركت الخدامة وياه بالمطبخ لأني ما أقدر أروح عندهم وخصوصا وهو زعلان مني يعني لما يكون في زعل ما يبي يشوفني أبدا وإذا رحت المطبخ بسمعني كلام ويقولي طلعي برة خليني أعرف أشتغل . ومن ناحية أصبع إيده لما عرفت إنه مجروح ما خليته بروحه وياها اللعينة مسوية نفسها دكتورة وقاعدة تسويله وتلف أصبعها شنها حكيمة زمانها وتعطي نصائح سوي شذي وشذي فهيمه خانم والله ظليت وياه وحتى قالي بس خلاص خليني وما خليته وحست هي وشان توخر وتخليني بروحي وياه عمه بعينها إن شاء الله وقلت له سلامتك ما تشوف شر .
وإلى الأخت ابنة القدس من ناحية الروتين والمشاكل هو دائما يحملني الخطأ وأنا السبب بالمشاكل ويحملني المسؤولية تماما وهو ولا شي إنه كل المشاكل مني أنا ومن غبائي . وبجاوب الحين على أسألتك هو ملتزم بالدين بس بطريقته يعني يخاف الله واايد بس ما يصلي إلا نادرا عنده عقدة من الصلاة وهو يقول يبي يصلي بس مو قادر ويحط أشرطة قرآن ويسمع بالدوام بروحه بس بالبيت لأ ما يحب أحد يشوفه إذا صلى أو يقرآ قرآن . وأصحابه كلهم زينين ما عدا في واحد أنا ما أواطنه هو اللي خلاه يسافر تايلاند وإنت عارفة شنو بتايلاند وما عندنا أحد وايد يزورنا كلهم بالدوام ومن شهر لشهر يالله أحد يزورنا . وأحوال أهله هو ما يحبهم ومتفرقين وأحوالهم المادية أبوه غني بس بخيل وااااااااااايد . وأنا الحمد لله مشبعه رغباته لأقصى الحدود وكل ما يخطر ببالك أسويه وياه إذا طلب بس أحيانا أحس يبيني أنا أطلع بفناتك من عندي وحتى لو كنت تعبانة ومريضة ويبي ما أقوله لأ أبدا .
وإلى العزيزة سنيورة الأفندي الظاهر ما فهمتيني من ناحية الريجيم أنا مو وايد متينة وزني الحين صار 55 كيلو بس أنا من النوع الصعب اللي يحرق لأن ما في حركة وما أطلع مكان علشان أمشي وكنت أسوي رياضة بالبيت بس مليت لأن النتيجة مو سريعة يعني تقريبا سنة كنت ألعب رياضة سويدي أحط شريط وألعب بس ما كو فايدة واااايد بطئ وهو السبب باللي أنا فيه لأنه ما خلاني أربط بطني بعد الولادة الأولي وما خلاني ألعب رياضة بعد الولادة قالي لما تخلصي الأربعين مشكلتي بس الحين ببطني بس الأماكن الثانية ضعيفة بروز بطني معذبني ومخجلني بنفس الوقت وأنا مستمرة بالريجيم للحين وعلشان أضعف كنت أشرب أعشاب سرمكة كل يوم ثلاث مرات بس لأنها وااايد قوية الحين بس مرة واحدة باليوم . وكنت أشرب شاي رويال للريجيم وااايد زين وأشتري حبوب بس ماكو فايدة سريعة والحين قاعدة أستخدم كريمات للبطن وإن شاء الله تنفع وياي . حاولت أشتري جهاز ممشى على الكهرباء بس زوجي ما رضى وجبت الجهاز الهزاز وقاعدة أستخدمه . ومشكورة على الوصفة المهبلية بس وين ألقاها اهني بالكويت بس هم بحاول بخلي أحد بسوريا من الأصحاب يبعثولي .
وإلى الأخت دموع الشوق مشكورة على الدعاء وآسفة إذا سببتلك قلق .
سنيورة الأفندي ألوووووو أنا هنه .
وإلى الأخت خبر خير مشكورة على الدعاء .
حبيبتي غلا الروح قولي بعد ما أزعل منك حبيبتي والله . \
مشكورة للجميع والله يعطيكم العافية وأخباري راح أقولها لكم أول بأول بس أخاف تملون.

هلا اختي أم البنات ........

والله من طول الغيبات جاب الغنايم .........

أي جذي نبغيش دائما ترضين زوجك وتلبين له رغباته عشان يرضى عليش ........

ولا اتخلين هالسوسه تخرب بينكم ؟؟؟؟؟؟

احنا اختي ما ملينا منج بالعكس تعاطفنا وياج وحابين انساعدك .......

وان شاء الله على طول نسمع الاخبار الحلوة منك ......بس سؤال انتي كم عمرك وكم عمر زوجك ؟؟؟

ليش ما يصلي زوجك والله حرام ؟؟؟ الصلاة تجعل الانسان يعيش في حياة ضنكى ؟؟؟

وتدرين يا اختي عقاب تارك الصلاة يأتي بالدنيا قبل الآخرة ومن هذا العقاب الموت المفأجئ ياريت تنصحين زوجك عن الصلاة وما تتركينه يهملها لانها ركن من اركان الدين ؟؟

الله يهديه ويرشده للطريق المستقيم .......ويهدينا معه .........ان شاء الله

السلام عليكم عزيزتي غلا الروح . الحمد لله رب العالمين على كل حال بس تدرين والله حاطة إيدي على قلبي وخايفة نرجع نتهاوش إن شاء الله ماكو شي والله قاعدة أحاول إنه ما يزعل مني الحين علشان ما أفتح مجال للعقربة اللي عندي . تصدقين أمس شنو صار شوفي .... ما لقيتها إلا زعلانه ومعصبة بدون سبب يذكر وأنا مو مسوية شي وأصلا مو قاعدة أكلمها مثل أول إلا إذا أبي شي المهم لقيتها زعلانة ومعصبة ووجهها معفوس مثل الجوتي العتيق أكرمك الله . .. .. سألتها من باب المجاملة لأن شوي كان زوجي صارخ عليها لأنه يبي ينظف أصبعه بالشاي وقالها أبي شوي وهي شان تحطلة بماعون الشوربة شنه بيتسبح فيه شان يعصب عليها بس هذي العصبية عادية عنده يعني نبرة صوته عالية بس دائما شذي وكانت أخته عندنا اهني شافها معفوس وجهها ولما راحت أخته رحنا غرفتنا علشان ننام وقعدت أدلكة علشان لا يناديها بس الظاهر شوي متضايق منها وهي قاعدة بالصالون ومعلية صوت التلفاز المهم زوجي ما يحب الصوت العالي وقالي خليها توطي الصوت ورحت أقولها ولا شفتها تدايقت وسكرت التلفاز مولية وراحت الصالة أو المطبخ ما أدري والله ما شفتها وأنا سكرت الباب ونمنا والصبح لقيتها معفوس وجهها ما أدري يمكن علشان اللي صار بس سألتها من باب المجاملة ليش زعلانة شان تقولي ما يحتاج أقولك ماكو داعي وهديتها وصرت آمرها سوي شذي وشذي وهي تناديني يس مدام يس مدام طبعا مو بالعادة والله ما اهتميت فيها وقاعدة أقولها روحي رتبي الفراش مالي قبل لاييون من الدوام والله وخلته قبل لا ييون بربع ساعة وأنا أقولها اتركي الغسيل وروحي غيري الفراش ولما راحت قالتلي لا تخافين عبالك برتبة لما زوجك يروح الحمام يتسبح لا تخافي ما راح أروح هناك وأشوفه يتسبح لا تخافي ما راح آخذ زوجك شان أقولها تدرين إنك مريضة ولما راحت رجعت وقالتلي ما أقدر أرتب فراشك وطلعت برة البلكون تبكي ومدايقة قلتلها ما يخالف مو مشكلة ورحت أنا رتبته وظلت برة وقلتلها هذا وقتك تسوين مشاكل حق شنو الحين يكون هو راجع من الدوام تعبان يشوف مشاكل وتركتها لحد ما رجعوا من الدوام وقلت لزوجي كل اللي صار وشنو قالتلي وقلت له لا تزعل ولا تعصب وترهق أعصابك علشان واحدة مثلها خلها تولي وخليك بارد هي تسوي شذي علشان نتزاعل مرة ثانية قالي لا خلها تولي ما راح أعصب ولا شي بس أنا قرفان منها وودي أمشيها وما أبي خدم بالبيت أولا لأني قرفان وثانيا لأنك ما تعرفين اشلون تتصرفين وياهم . وقلت له وأنا ما أبي وإذا تبي تسفرها الحين ماعندي مانع . وراح شافها بالبلكون وما أدري شنو تكلموا بس ما سمعته يصارخ وهي كلمته ولا شنه في شي وجت وكلت ويانا عادي وبالليل صاروا يتكلمون مع بعض بالصالة ما أدري عن شنو بس الظاهر عن الوضع اللي صار الله يستر منها ومن ألاعيبها .

مع احترامي لك بس ليش لما هو يكلمها ماتكونين معاه
ليش بينهم اسرار؟؟؟؟؟؟؟؟

سلام عليكم
الحمد لله بان رجعت المياه الى مجاريها . ولكن ارجوا ان لا تتهاوني وتخافين .. هو هذا الخوف الي بيجيب لك المشاكل مادام الحق معاج ليش تخافين حبيبتي خافي بس من ربك ولا تخافين من احد مادامك على حق..
والله مااادري انتوا ليش لهدرجه مسوين حساب للخدامه وتخافون على زعلها وبس تردون ترضوها .. اذا زعلت من كيفها وبلا سبب .. ليش تترضوها وتحجون معاها .. وبعدين عجيب تخلوها معكم تاكل ليش هي من بقيه افراد عائلتج والله امركم عجيب مع هذه الخدامه المفروض تخلوها تاكل وحدها وبالمطبخ او اي مكان ثاني ليش تخلوها تشاركم بكل شئ حتى بالطلعه خارج البيت اول مره اسمع هشكل دائما معكم معكم ما يصير هاي صارت خدامه لو ملكه ؟
وبعدين شون تسمحين لها تتكلم معاج بهذه الطريقه عنج وعن زوجك لمن امرتيها تروح ترتب فراشكم لالالا والاكثر من هذا تقول لج مااكدر ارتب فراشكم وتروح تبجي بالبالكون شنو هذه الوضعيه ؟
اني لو منج والخدامه تكلمني بهذه الطريقه المفروض اهجها هجه محترمه يعني ارزلها رزاله قويه اخليها تعرف حدودها وماابقيها ببيتي ابدا ومااخليها تدخل غرفتي بعد وانتي بنفسك رتبي الفراش مادام هي هيجي حقيره وغيوره . تروح اتخلي شئ بفراشكم من سحر او غيره... والحمد لله اني ماعندي خدم ولا مدخله ببيتي اي نوع من الخدم ولا سادخل انشاء الله .. استغفر الله ياربي .. والله ماادري واحد شيقول شيكتب لمثل هيجي تصرفات .
انتي وزوجك هوايه منطيها مجال واعتبار على شنو هي خدامه ومن واجبها تخدم وتنفذ وبس ولمن ترحون لبيت احد تزوره مو شرط تاخذوها معكم واذا اخذتوها المفروض مكانها بيصير مع الخدم الي ببيت الاشخاص الي تزوروهم صح لو اني خلطانه ؟
ارجوا منك يااختي ان لا تتساهلي معاها وتخلين زوجك معاها بمفردهم.. ولا وفوق القهر يروح يرضيها ويتكلم معاها حتى تروق وترجع طبيعيه ... اووووووف.. قهر.. والله موتينا انتي ما يفيد معاج الكلام .. لا تزعلين مني بس انتي ولا عبالك احد بيعلمج ويفهمج ولا عبالك انتي امراءه متزوجه ووالده وعندها حتى لو قليل من الخبره بالحياه الزوجيه والعامه .. المفروض تحزمين وتقررين وتصميمين على مواقفج الي هي من حقج ومحد بيلومج عليها.
على كلا خليج على اتصال معانا وخبرنا عن اخبارج ونحن بامل ان نسمع خبر تسفيرها الى الابد