طيبة القلب تسلم يدينك
لكن هل من مطبق وازيد على كلامك الرقيه الشرعيه ارقوا نفسكم ولاتتهاونون وشغلي سورة البقره بالبيت واقريها بنفسك وادعوا ربكم والله يصلح حالكم ان شاء الله

سلام عليكم
الله يسلمج حبيبتي اسيرة المحبه .. والله واحد من قهره يحجي ويقسي بالكلام مرات الي يسمع ويقرى قصه الاخت اعصابه تصير نار وماكو شئ يطفيها ...... الا الفعل اي التصرف بحكمه وعقل وبسرعه قبل الوقوع بالهاويه
والسلام عليكم

اختي ام البنات السلام عليكم ورحمة الله وبركاته
انا حبيت اساعدك مع ان الاخوات ماقصروا كفوا ووفوا

لكن اللي حبيت اضيفه ان انتي جدا ذكيه بدليل طرحك لمعاناتك ومحاولة ايجاد حلول وما تركتيها واستسلمتي
مه اني عندي ملاحضه عليك هي انك تاركه كل الحياه ومتفرغه لزوجك لوحده ؟؟؟هذايااختي ما يعقل تبين تتغيرين اذن من ها اللحضه يبدا التغير

كيف ان تنضري اللى المرآه كل صباح ومساء وترددي انا واثقه من نفسي ولااعلني من أي شئ
صدقيني انتي تستطيعين الخروج من الوضع اللى انتي حطيني نفسك فيه بسبب ضعفك اما مه

انتي اعقل منه وبدليل احتوائك للمشاكل وعدم تكبيرها وانتي احسن منه اخلاق وبشهادة كل من حولك

اذن لماذا ترين ان كلامه صح مع انه خطأ في خطأ لاتجعلي نفسك ذليله هو لن يطلقك انما يحب التهديد وبدليل الستة عشر عاما اللى تشهد بها الكلام ,,,

اختي تبين الله يوفقك كيف وانتي تعاشرين رجل لايصلي يا اختي الصلاه عماد الدين

اذا لم يصلي يفرق بينكما القاضي انا لااقول هذا لك عشان تتطلقين لالالاانا ابيك تشجعينه على الصلاه وتقولين له الصلاه هي اللى بتخليك ترتا ح احنا الحمد لله اللى اكرمنا بالاسلام وجعلنا من امة محمد من ها الكلام

قولي وبحزم ان الصلاه بتريحه من المشاكل اللى تجيه وتريح باله قولي انت مو مرتاح لانك تعاني من بعدك عن الله

كيف تبي ربي يرضى عليك ويوفقك وانت تعصيه

وتمنعي عنه وبقوه اذا رفض الصلاه وقولي لا طاعة لمخلوق في معصية الخالق

كلما اذن شجعيه يقوم يصلي بالمسجد اذا شاف الموضوع يومي ومع كل اذان راح يحس انه لازم يتعدل قولي اذالم تصلي الله اعلم ايش بيصير لك قولي ربي يمهل ولايهمل يمكن يسلبك عقلك او صحتك او بناتك لانها كلها عطاء من الله ويستطيع اخذه متى مااراد

صدقيني ما راح يهدا لك بال وهو ما يصلي واني ما تزنين عليه انما هي متعه وقتيه ويعود لحاله لانه عا صي

اختي شوفي نفسك عندك تقصير من ناحيه الحجاب او الاخلاص لله في الصلاه او الدعاء اهتمي وبتشوفين التوفيق ووالله انك راح تشوفين السعاده مع زوجك لانه اذا صلى خاف الله فيك وراعا مشاعرك اصبر ي

اختي اذا بدأت بالجهاد في حث زوجك على الصلاه فا اخبرينا وجميعا نحن اخواتك في لله سندعي لك اللى ان يحقق لك الله ما تريدين ..اختي انا عني كم سؤال

زوجك يدري عن تسجيلك بالمنتدى ؟؟؟د

طيب اذا يدري هل يدري عن اسمك ؟؟؟

ارجوا انك تراعين انه ما يدري نهائي لانه لوعرف راح يعتبرها خيانه وتطليع اسرار ,,حسب ماعرفناه عنه ماراح يخليك ترتاحين ابد وراح يشوف نظرتك له

انتبهي تقولين ولو كنت واثقه انه لايمكن يشوف كلامك انتبهي كثير
اختي ارجوا انك تراعين الله اولا وراح تشوفين السعاده
انا اعرف انك متدينه لكن سكوتك عن ها لزوج واطاعتك له العمياء غلط كبير انتي انسلنه ولك حقوق ابسطها الاحتراه

من اليوم لاتخلينه يجرحك ولو بكلمه اذا غلط عليك لاتسكتين وتبكين قولي انا انسانه طبيعيه اللى مو طبيعي هو اللى ما يغلط قولي ولا اسمح لك بالآهانه تبي تنتقد بهدوء واحترام وين احنا بغابه ولابسجن لاذاغلط عليك اصحي تراضينه وقولي له والله انا ماغلطت على احد وضميري مرتاح

خليك قويه واذا شفتي الشفاله تتكام معاه اوتبي تروح له وقفيها عند حدها وقولي اكلك بروحك وما تجلسين معانا ابد وقدامه عادي وبكل قوه وقدامه تقززي منها وقولي انه وصخه وانك شفتيها ما تتنضف عن الحمام وتمسك الحشرات بيدها وقولي ماعندي استعداد اشوفها وسخه واخليها تطبخ لنا اوتلمس اشياءنا المهم طفشيها وخليه يتقززمنها هو بعد

عشان تروح بلا رجعه قولي له ان الانسان يتغير وانك نضجتي والغلطات الصغيره كل انسان يغلط

النسيان اختي من كثرة التفكير لاتدمرين نفسك

والله اذا طحتي ماراح يفكر الا في كيف يتزوج

اختي اللى انتي فيه من الاهمال تجاه الله وتجاه الرحم انتي قطعتي اختك عشانه والله هذا حرام بيني له ان قطع الرحم من اسباب غضب الرب

واذا استجاب لك في ما قلتي له عشان تبينين انك تفكرين في مصلحته اطرحي عليه فكره انه يسوي مشروع حتي يوسع دخله ولازم يصلي اذا يبي الله يوفقه ان الصلاه تنهى عن الفحشاء والمنكر واللى قاعد يصير من زوجك منكر ومع شغالته فحشاء

اسفه على الاطاله بس حبيت اساعدك والله يوفقك وننتظر الشخصيه الجديده وانا واثقه ان الانسانه اللى اسمها ام البنات تقدر وتقدر وتقدر بأذن الله تعالى

السلام عليك وعلى كل من كتبلي والله يعطيكم العافية يارب . والله مشاركتكم وياي بتخليني أقوى وأقوى .
أختي الحبيبة دموع الشوق الأسرار اللي بينهم ما أقدر أقول عليها أسرار معظمها أعرفها يا منه يا منها بس اللي يقهر إنه هو يقولها كل شي خاص بس فسرت السبب لأنها لما تقعد وياه ويسولف يرتاحلها بطريقة كلامها واستماعها ترى هي لعينة واااايد تعرف اشلون تجاري الواحد وتلعب عليه بس زوجي مو مغفل لهالدرجة عنده خبرة واااااايد بهالسوالف بس حسب ما يفسرلي طريقة معاملته لها من كثرة الخدم اللي يهربون ويذبحون الأطفال والمشاكل لما يحبون المعزب وهالأشياء فيقولي لازم المعاملة تكون عادية وما نحسسها إنها خدامة علشان تقوم بالواجب على أحسن ما يمكن بس حساباته بنظري طلعت خطأ لأنه علمني من الأول اشلون لازم أتصرف مع الفلبينيين لأن المعالمة غير إذا كان عندك هندية أو سيلانية بس من كثرة ما هم حساسين لازم يكون في احترام متبادل لما تبين تطلبين منها شي ويخليها تاكل ويانا علشان ما تحس بالفرق وبالغربة بس هالشي خطأ بس ما كنت أقدر أقوله لأنه أكبر مني ويعرف بهالأمور ودائما يقولي الخدم من المعاملة السئية يانحاشون من البيت أو ينتقمون من صاحبة البيت بس هذا مقصده مو أكثر بس قاعدة أشوف إن المسألة زادت عن حدها يعني ادلكه بالغرفة وتظل للساعة واحدة بالليل أو أكثر مو معقولة وهو يكون نايم علشان شذي بالآخر زهقت وما قدرت أتحمل تصرفاتها أكثر وقلتلها لما ينام طلعي برة شغلش خلص ونفس السالفة لما كانت بالغرفة وهو يتسبح طلعتها برة والحين ما تدخل الغرفة مثل الأول لأني قاعدة أطالعها من فوق لتحت وأزورها كل ما أشوفها راحت الغرفة وأنا مو داخل وتشوفني وتطلع برة بس هي بوزها شبرين لجدام يا حبيبي على بوزها وزوجي للحين ما قالها ليش زعلانه وهو حاسس راح تجن لأنه مو مهتم .
حبيبتي وروحي الزعلانة طيبة القلب لا تعصبين بس شوي شوي علي الحين وضحت السبب ليش يراضيها بس ما يراضيها بمعنى الكلمة يعني يتكلم عادي وياها شنه ما كو شي الحين حاطط بباله يسفرها بس نفسه يبيعها علشان تجرب غيرنا لأنها ما حمدت الله على العيشة اللي كانت فيها . وبعدين هو ما يثق فيها أبدا ولا يقدر يخليها بالبيت بروحها إذا طلعنا يخاف إنها تتكلم مع أحد وإنت عارفة سوالفهم . بس الحين مصمم يمشيها وأنا شجعته وأخوي بعد والله كريم ويعيني على شغل البيت والله زوجي ما يكفيه خدامة يبي عشرة من كثرة ما يجيبلك شغل فوق راسك والله ما كنت ألحق بشوف شنو يصير الله كريم .
حياتي سنيورة الأفندي الحين عرفتي من ناحية جسمي هذي المشكلة الله يعيني عليها بس الحين أحسن من الأول لأن وقت الزعل أسبوع ما كليت شي ونزل وزني يمكن 3 كيلو والحين باستمر على هالوضع والكريم اللي أستخدمه ومساج وإن شاء الله يروح وبافتك بس الترهل موجود .
أختي العزيزة أسيرة المحبة لا تكونين قاسية علي بس ما أزعل منك أبدا ولا واحدة فيكم كافي إنكم قرأتوا موضوعي وانفعالاتكم وياي صبري علي شوي وإن شاء الله خير .
حياتي غنى القمر مشكورة حبيبتي على مدحك والحين قاعدة أحاول فيه يسمع قرآن لأنه حاسس في شي مو طبيعي والله كريم وهو قاعد يفكر بمشروع لزيادة الدخل فعلا من زمان بس ناطر التقاعد ومن ناحية التسجيل ما يعرف طبعا إني أكتبلكم والله يذبحني ومن ناحية قطع الرحم كل كلامك صحيح وقلت هالكلام بس يبيلها صبر . ادعولي .

اختي ام البنات كلامك والله ريحني احس انك متغيره وباديه تحسين بقيمتك

والله يوفقك وانا واثقه جدا من انك قادره تكملين وتخلينه يصلي وان شاء الله بيحس انه ما فيه احن منك امراه بها العالم وين يلقا وحده بها الصير والقدره على الاحتمال

وارجوا انك ما تخلينها تدخل عنده بالغرفه بروحم ابد لانها تسوي اشياء تغريه وانتي ياغافلين ادخلي وقولي انا ابي انام وسوي لها حركه تطلعها او اامريها بالخروج وقولي له لنا ابيك بروحنا ما معانا عذول ومن ها لكلام المهم قززيه منها وفتشي اغراظها قبل تمشي بساعات قليله انتي واخوك لان الرجال عندهم معرفه بها الاشياء واذا لقيتي شئ يخصكم اوصور حتى لو كنتي قبل معطتها اياها اخذيها منها وسوي نفسك ما سويتي اي شئ قدامها

وغير كذا اصري على بناتك يصلون تراهم في ذمتك ترضين اذا كبروا يصيروا مثل ابوهم وتتحاسبين انتي على اهمالك لبناتك وترضين لهم النار اذا ما صلوا اعتقد ما فيه ام ترضى على عيالها القرصه مو النار الله يجيرنا وان شاء الله ربي يساعدك على زوجك ويهديه للصلاه قادر رب العالمين