السلام عليكم وحشتوني وااااايد أنا بين فترة وفترة أفتح المنتدى بس ما أشوف أحد يكتبلي شان أقول حق نفسي ما راح أكتب شي إلا وعليه القيمة وشي دسم يسعدكم ويفرحكم . والحين يت اللحظة المنتظرة أبشركم الخدامة اللعينة بتمشي من عندنا اليوم المغرب إن شاء الله راحة بلا رجعة . بقولكم السالفة اللي صارت , أولا صار في خلاف بينها وبين زوجي كنا قاعدين نتغدي وطرح زوجي سؤال ولما جاوبت الجواب كان خطأ وزوجي يبي يقولها الإجابة الصحيحة ويوضحها مع براهين بس هي ما اقتنعت وصارت تأشر بيدها إنها مو مهتمة زوجي تدايق من هالتصرف إنها ما تبي تعرف الجواب الصحيح وتدايق منها واااايد وسمعها كم كلمة حلوين بسبة حركة يدها طبعا اشلون ترضى على نفسها وهي جامعية على قولتها وسؤال سخيف مثل هذا ما تعرف جوابه بس أنا لما عرفت إنه بسمعها كم كلمة وخرت عنهم علشان ما تحس بالحرج وفوق كل هذا مو عاجبها المهم وإحنا قاعدين نغسل المواعين شان تقولي إنها أخذت قرار تبي تسافر وقالتلي قولي لزوجك قراري أنا طبعا قلتلها هالموضوع إنت تقولينه أنا ما إلي شغل فيه وردت علي ليش إنت مو زوجة كفيلي المهم وخرت عنها طبعا أنا قلت لزوجي بس شنة هو ما يدري عن شي وخلاها من غير ما يكلمها وبنفس اليوم بعد ما خلصت غسيل المواعين شان تروح وترتب أغراضها كلها بالجنطة قلت لها لا تسوين من الحبة قبة هالشي ما يستاهل صار سوء تفاهم وإنت عارفة زوجي قلبه طيب طبعا قلت شذي علشان لا تحقد علي وعبالها الشي صار مني لأن تفكيرها وسخ مثلها . المهم ثاني يوم رتبت البيت على السريع وشان تجيب الجنطة الكبيرة مالتها وترتب باجي الأغراض والله قهرتني بس أنا ما كلمتها ولا كلمة وخليتها تسوي اللي تبيه وتلح على قولي لزوجك أبي أسافر وما عطيتها اهتمام وخليتها شان تروح وتقول لزوجي أبي أسافر واخصم التذكرة من معاشي وزوجي قالها بس خلاص أخذتي قرارك بروحك ماشي أنا مو فاضي خلي أخو زوجتي هو اللي يبحث عن مكان . المهم تضايقت لأنه شال يدة من هالموضوع وقالت لأخوي وأخوي قالها ليش ما تخلصين العقد باجيلك 5 شهور أو تروحين عند جماعة لأن ما عندك فلوس كافي لعيالك وافقت وثاني يوم ما أشوفها إلا ميتة من البكي وجيت عندها وهديتها شوي أحسن ما تموت علينا وقلتلها هذا قرارك لا تفكرين إنهم راح يتركوا أشغالهم والله علشان خاطرك وهالوقت امتحانات عبالك بتسافرين بنفس الوقت اللي بتقولين في الغاء إقامة في وايد شغلات لازم تسوينها قبل ما تهدين البلد والحين يمكن ما تلاقين مكان الكل بسافر الناس تحجز قبل بشهر وشهرين بهالموسم . في اليوم الثاني شان زوجي يتصل بمكتب سفريات والله ما حصل أماكن يمكن يصير في مكان بعد أكثر من أسبوع وقلتلها هالكلام . المهم في يوم السبت رحت السوق وما رضت تيي وياي وزوجي بالبيت ووقت اللي رجعت لقيتهم يتكلمون مع بعض شنة شي ما صار ولما سألته قالي صارت تتمشى بالممر وبالآخر سألتني متى بتسافر وصارت تتأسف وفهمتها على حركة يدها وتأسفت بس اتفقوا على أساس إذا لقى أحد تشتغل عندهم بس بدون ما أنا أعرف والحين بمساعدة صديق لقى جماعة يبونها والله وشافوها وأنا سويت نفسي آخر من يعلم وقلت لها قاعدة إنت وزوجي تخططون من وراي وما قلتيلي الله يعلم شنو بعد والحين خلصوا الأوراق للتحويل واليوم بتروح عندهم المغرب . بس ما أخبي عليكم أنا وايد مدايقة لا تزعلون مني فيني خوف راكبني ميتة من الخوف على الآخر خايفة تزيد المشاكل بيني وبينة ويحملني فوق طاقتي وما أقدر أخلص شغلي قاعدة أدعى إن الله يهونها على والله قاعدة أعصب على الفاضى والمليان أنا الحين صارلي أكثر من شهرين مريضة فيني كحة مو راضية توخر عني وأبي أسوي أشعة بس زوجي يقولي ما في داعي شفتوا اشلون زوجي يخاف علي والمشكلة إن كحتي قوية شنة ديك لأن فيني سعال ديكي وصدري تعبان حييييل ولما أكح يقعد يقول خلاص قرفتينا وفشلتينا صوتك عالي شني مستانسة بالكحة ومو أنا اللي صدرة تعبان وما في نوم من شهرين وطول الليل أكح الله لا يوريكم هالعذاب . هذي آخر أخباري . تصدقون لما رتبت أغراضها تقولي إنت الحين أكيد مستانسة لأني بسافر . فعلا ما ينعطون وجه . الله يعينا أحنا عليهم .

السلام عليكم
خلى أخوكى يشترى لك لبان دكر من عند العطار وتحطيه فى حلة على النار مع ماء وسكر نبات ومحلب يغلوا شوية ثم غطى الحلة وسبيها 3 ساعات وصفيها وتأخذى منها مقدار سرنجة 5 سم على الريق وفى منتصف اليوم وفى أخر اليوم ...وإن شاء الله يومين أو ثلاثة بالكتير وتطيبى وبالنسبة للشغل كتير كان عليهم أحمال والصحة مش مساعدة وربنا قدرهم من غير خادمة بفضل تسبيح اللى قاله الرسول صلى الله عليه وسلم لستنا فاطمة قبل النوم تسبحى وتكبرى وتحمدى الله 33 أو 34 مرة ....والله ييسر لك الحال ...
أختك هبهوبة
أختك هبهوبة

مدري ليه جيتي فبالي امس وحبيت اتطمن عليك
والله احس ان ربي يحبك من حسن خلقك وصبرك
الله يفرج عليك

مشكورة أختي هبهوبة إن شاء الله بجرب الوصفة وبدعيلك إن شاء الله .
أختي فوزانة مشكورة على سؤالك ويعطيكي العافية .

السلام على الحبايب ايش أخباركم مشتاقة أقرأ رسايلكم صار لنا زمان . آآآآآآآآآخر الأخبار . شي بفرحكم راحت الخدامة عند جماعة تشتغل من يوم 1/6 / بس بقولكم إيش صار بس أمانة لا تزعلون مني حبيت أكون صادقة بمشاعري وياكم وأنا على علم إنه شي ما يستاهل بس أنا شذي طبعي غير وقلبي وااايد رقيق حتى لو اللي جدامي عدوي . يوم اللي بتروح فيه جة الرجال علشان ياخذها عالمغرب طول الوقت بكى أنا وهي حلفتكم لا تزعلوا مني بس هذا اللي صار نفسيتي تعبت مع إني حابة إنها تفارقني بس ما أدري ليش صرت أبكي شنها أختي ولا من أقاربي وهي صارت تبكي بشدة وتحضني بقوة ومدايقة ولما راحت نزل وياها زوجي تحت علشان يساعد الرجال بوضع الحقائب ولما رجع لقيتة قاعد يبكي قالي حسيت شنها حيوانة وقاعدة تروح من بيت لبيت علشان تعيش عيالها وخايف هالبيت يكون مو شي وينحط الشي بذمتي وقالي قعدت ورا وقاعدة تطالعني طول الوقت وتبكي وانحرج لأن الرجال شافة عيونة مدمعة ومو قادر يتكلم وصرت أنا وهو نبكي شنة أحد ميت عندنا أعوذ بالله ومو قادرين نقعد طبعا هالشي صار بمساعدة شخص عارف بكل شي حاولنا نتصل فيه علشان يواسينا وننسى هالوضع بس طلع هو مشغول وحتى هو تأثر من نبرة صوتنا وتضايق علينا وصار يقول أنا ما راح ألاقي ناس مثلكم طيبين . وبآخر الليل زوجي حس براحة واتصلنا بالرجال وقال طول الطريق كانت تبكي وحاولت أضحكها وقلتلها تبين أرجعك وبعدين قلتلها بعد فترة راح أوديكي علشان تشوفيهم . اتصلت ثالث يوم وقالت ودها ترجع وخايفة ومن هالسوالف وتكلمت مع الكل . وأمس رجعت وبعثتلي مسج قالتلي إنهم يخلوها تروح بروحها وهي مع الأطفال ياخذوا درس سباحة وهي مع فلبينية بس هي خايفة لأن إحنا ما كنا نخليها تطلع بروحها وما عندها هالتجربة والخبرة . بس أنا الحين أريح وأحسن وأحس براحة أكثر من قبل وزوجي أمس يقولي حسيت نفسي غبي على شنو بكيت عليها . قلتله هو الموقف اللي صار مؤثر وإحنا بشر مهما يكون . بس هو الحين واااايد مرتاح لعدم وجودها ويقول ما في أحد مقيدنا بالبيت أو تخافين شنو قاعدة تسوي أو شي أو إذا تبين تروحين مكان ما تقدري تأمني عليها . الحمد لله على كل حال . أمانة لا تزعلوا مني تعودت أكون صريحة وياكم وأشاركم بكل شي وهذا عشمي فيكم يا خواتي . لا تنسوني بالدعاء .