يا ناس شجعوني مو قادرة التزم برجيم ولا حتى تخفيف...انصحوني

السلام عليكم ورحمة الله وبركاته
من الاخير انا اعرف الرجيم اللي ينحفني بس مو قادرة ابدأ فيه
خصوصا اننا برمضان ...السفره عامره ما شاء الله واكلي ملخبط مررررره
احس انه مستحيل ابدا برجيم برمضان ...والله احس بتعب خصوصا مع العيال الله يصلحهم يتعبوووون مررره
عندي ولدين الله يصلحهم حركييييين عندهم فرط حركه ... وطول يومي معاهم واذا جا الفطور اكل بسرعه ابي اخلص بسرعه عشان اوكل عيالي وانومهم
يومي ملخبط واكلي ملخبط وكل شي ملخبط مو قادره ارتب يومي ...ومالقى وقت اطبخ لنفسي طبخات رجيمي لان خواتي هن اللي يطبخن ومايبني اطبخ معاهن عشان عيالي يحوسون المطبخ..
فا اضطر اني اكل من طبخهن اللي ينفخني زياده
وزني 90 وطولي 151 والرجيم اللي يناسبني ثنين ( رجيم الجسم التناسلي و رجيم اللقيمات) والرياضه اللي تشدني تمارين جيليان (سبق وجربتها وروعه بس وزني ثقيل على الركبه فا تركتها)
قلت بنزل 15 كيلو وبعدين ابدا تمارين
ودي التزم ...ماني عارفه كيف ابدا ..كل يوم اقول اليوم ابدا ... فطوري حبة تمرة وكوبين ماء اروح اصلي وبعدها اكل السفره كلها ههههههههههههه خربت ابو ابو ابو الرجيم
والقهر القهر القهر اني اكل وانا مالي نفس عالاكل ... واتخم بعد ... من اكل اكله وانا مو مشتهيته ( اخذتها عاده اني اكل مشتهيه او مو مشتهيه لازم اكل)
بصراحه افكر بعمليه تخسيس ربط او تحوير او تكميم ... ابي شي يجبرني عالرجيم ...ابي ابدا ومو عارفه كيف ...جد والله ابي شي يجبرني اني التزم ...
نصايحكم تهمني ... الله يجزاكم خير