امة الخالق :

السلام عليكم ورحمة الله وبركاته يا ست الستات افرازات مهبليه بيضاء ثقيله (لونها بيضه مايله للصفره وثقيله كأنها كريم ثقيل) معني كده ان حضرتك مصابه بعدوي فطريه ودي في العاده بتتكاثر في الوسط الحمضي يبقي مع احترامي للاخت اللي قالت استخدمي خل ده غير صحيح لانه هايزودها ، حضرتك محتاجه تتشطفي بغسول قلوي ، مثلا محلول بيكربونات الصوديوم ( بودره بيضاء اللون من ضمن مكونات البيكنج بودر ) اسباب تكرار الاصابه وعدم استجابتها للعلاج ممكن يكون بسبب ان حضرتك بتاخدي اقراص منع الحمل او بقالك فتره بتتعالجي بمضادات حيويه شديده وممكن كمان تكون الحاله النفسيه سيئه او بتتعرضي للبروده او لا قدر الله لا قدر الله مرض السكر شوفي حضرتك العلاج هايعتمد علي كذا حاجه : 1- العلاج عن طريق كبسولات مضاده للفطريات ، عباره عن كبسوله واحده تكرر بعد اسبوع مثلا الديفلوكان "فلوكونازول 150مجم" 2- تشطيف قلوي مرتين يوميا " ممكن تسالي الصيدلي عن نوع كويس " عندنا في مصر ممكن تلاقي فاجيل او بيدالكين بتقومي بتذويب مكيال او كيس من البودره علي لتر ماء ساخن لاقصي درجة سخونه ممكن جسمك يتحملها ، واستخدمي اداة الدوش المهبلي 3- دهان للمنطقه الخارجيه مضاد للالتهاب والفطريات دهان مرتين يوميا بعد التشطيف مثلا دكتاكورت كريم "ميكونازول نيترات + هيدروكورتيزون " 4- لبوسات مهبليه "تحاميل " مضاده للفطريات تستخدم كلبوسه مهبليه قبل النوم بعد التشطيف والدهان الخارجي مثلا جينو دكتارين لبوس مهبلي " ميكونازول نيترات 400 مجم" تاني حاجه يجي دور حضرتك في انك تتبعي الارشادات دي : 1- غسل المنطقة المصابة بالماء والصابون الطبي جيدا ثلاث مرات يوميا ثم تنشف المنطقة جيدا أو تترك خالية من الملابس لمدة نصف ساعة . 2- دهن المنطقة جيدا بالكريم الموصوف بعد التشطيف وتترك خالية من الملابس لمدة من الوقت . 3- عند استعمال التحاميل المهبلية يجب إدخال التحميلة إلى أبعد ما يمكن ويفضل وضعها مساء عند الاستعداد للنوم . وذلك للبقاء في وضع الاستلقاء . 4- تجنبي الملابس الداخلية التي تحتوي على نايلون واستعملي الملابس القطنية . 5- اغسلي الملابس الداخليه بماء ساخن ويفضل انك تغليها وتجفف في الشمس او بمكواه حاره 6- ياريت توقفي العلاقه الزوجيه مدة العلاج ولحد ما تخفي علشان زوجك مايتعداش منك وممكن احتياطي تخليه ياخد الكبسولات المضاده للفطريات بنفس جرعتك ملحوظه / حاولت بقدر الامكان اكتبلك ادويه لشركات عالميه علشان ان شاء الله تلاقيها عندك في الصيدليات وبالشفاء ان شاء الله

السلام عليكم ورحمة الله وبركاته يا ست الستات افرازات مهبليه بيضاء ثقيله (لونها بيضه مايله...