يد وحده ماتصفق ......معاناة بنتي !!!!!!!!

.
.
.
.
.
.
.
.
السلام عليكم ورحمة الله وبركاته
طبعا في البداية أح أعرفكم بوضع بنتي
عمرها 4 سنوات جات بعملية قيصرية بعد إختناق في الولاده سبب لها ضعف في اليد اليسرى والقدم اليسرى
ماكانت مثل الأطفال حتى لما بدأت تحبو صارت تحبو وهي جالسة كل مره تقدم رجل
لأنها أصلا ماتقدر تعتمد على يدها ورجلها
تخيلي نفسك بيد وحده!!!
كيف تلبسي ملابسك ؟؟
كيف تحملي أغراضك؟؟
كيف تسرحي شعرك؟؟
كيف تقومي بجميييييع أمورك بيد وحده ؟؟؟؟ والله ياجماعه يد وحده ماتصفق...
والله قطعت لي قلبي حتى علبة العصير أنا اللي أفتحها لها ....
إذا كانت تلعب مع الأطفال تصرخ صرخة قوية أجيها جري أقول يمكن أحد طاح عليها ولا ضربها ولما أسألها ووجهها أحممممر إيش فيك؟؟؟
تقولي : ماعرف ماعرف ماعرف ... وهي تبكي ((طبعا كانت تحاول تحمل لعبة كبيره وماقدرت))
طبعا اللي في عمرها يخدمك لكن بنتي أنا أخدمها ..حتى وقت النوم أنا اللي ألحفها بالبطانية
طبعا مو دلع .... لا .. لأنها ماتقدر تتلحف
كم مره تقولي ليه ياماما أنا ما أقدر .... فلان وفلان وفلان يدهم الثانية ماتعورهم
أقولها لاياحبيبتي إنتي يدك مو تعبانه بس بـتــنـام شويه وبعدين تقوم ياللا نقومها وأجلس ألعب معاها عشان نفسيتها ماتتعب
البنت صارت عصبيه مره مره لأنها حاسه بالنقص عن غيرها
والله يابنات إني مابالغت بكلمة وحده
طبعا لما تمشي فيها هزه خفيفه بسبب رجلها يعني مايلاحظها الا اللي يدقق
لكن يدها وااااضحه
طبعا ماجلست أتفرج عليها وديتها دكاتره أطفال و أعصاب و عضام وعملوا أشعه مقطعية للدماغ
الشئ الوحيد اللي أجمعوا عليه عمل العلاج الطبيعي ((التمارين))
بس بنتي في حكم سنها ما تدرك مصلحة نفسها وتطفش على طوووول حتى لما أقولها ياللا نسوي تمرين ونكون في الليل تقول : ياماما بكره إذا جات الشمس تسوين لي !!!!!!
سويت بحث في النت عن أعشاب أو خلطه أعملها مثل اللبخه على يدها ورجلها قبل ماتنام مالقيت!!!!!
فيه أعشاب للشرب بس خفت على بنتي منها لأنها صغيره وجسمها مايتحمل
وفي نفس الوقت الأعشاب هذي مو مخصصه لتقوية الأعصاب فقط مفيده لأشياء كثيره ومن ضمنها الأعصاب
واللي أطلبه منكم اللي تعرف خلطه أحطها لها تفيدني وأكون لها شاكره وتكسب أجر هذي الضعيفه
مو بس خلطه أي شئ... أي شئ ....أي شئ..!!!
واللي ماتعرف ياليت تفرح قلبي بدعوه صاااادقه من القلب إن الله يشفيها
والله يرفع قدر كل من رفعت موضوعي ويبلغها كل ماتتمنى ويسعدها في الدارين