كيفكم بنات واش اخبار الرجيم هاه غشيتوا ولا ماشين صح بالنسبه لي اليوم هو رابع يوم امس غشيت شوي اكلت اصبع تويكس لكن كل يوم اسوي نصف ساعه رياضه على جهازي الالترا ترك وما اقدر اسوي اكثر لانه متعب وكمان اسوي تمارين للبطن لمدة عشر دقائق ومشي نصف ساعه وما راح اوزن الا بعد 10 ايام عشان لو وزنت وما لاحظت مافي نزول في الوزن راح يجيلي احباط
يابنات لقيت كم معلومه يمكن تفيدكم وهي :
1-
لازم ماتبقي بدون اكل لفترات طويله يعني مو اكثر من 4 او خمس ساعات بدون اكل لانه الجسم يبدا يتعود علي كدا ويكسل بمعني انه يصير بطي في الحرق لدرجة انه قريت في بعض المواقع انه ماتجلسي اكثر من 3 ساعات بدون اكل لو تاكلي شي بسيط جدا لانه دا يساعد الجسم علي الحرق بانتظام ويزيل البطئ في الحرق الي ينتج عن عدم الاكل لفترات طويله.
2- لوحظ انه الاشخاص الي ياكلوا اكل مبهر اي سبايسي يعني حار بيحرقوا السعرات اكثر
3- لبن الزبادي اي الروب قليل الدسم او منزوع الدسم يساعد علي نزول الوزن اكثر
وانا ترجمت هادي المعلومات من مواقع انجليزيه لاني شغاله بحث كل يوم ادور معلومات تفيدنا في الرجيم ونزول الوزن واي معلومه مفيده اوعدكم اني اكتبها بادن الله وادعولي اني انحف لاني عامله تحدي مع نفسي ومع زوجي واخواتي كلهم يقولوا ماراح تنحفي لانه صراحه اول مره اسوي رجيم ودايما اقول بسوي ولا اسويه عشان كدا مو مصدقين وكمان انا دحين مغتربه وما راح ارجع الا بعد 4او 5 شهور للوطن وهي فرصه افاجئ اهلي اني صرت رشيقه زي زمان ادعولي ومعليش طولت عليكم
كيفكم بنات واش اخبار الرجيم هاه غشيتوا ولا ماشين صح بالنسبه لي اليوم هو رابع يوم امس غشيت شوي...
وادعيه اننا ننحف ونحافظ على صحتنا وعافيتنا . وادعي انو يشفي ولدك وينطق لسانه
اسال الله العظيم رب العرش العضيم ان يشفيك .
اللهم اشفه شفاء لا يغادره سقم اللهم اني اسالك باسمك الاعظم الذي اذا سألت به اجبت ان تشفي ولدها شفاء تاما وتنطق لسانه وتحفظو وتحفظ اخوانه واولادنا اجمعين
اميــــــــــــــــــــــــــــــــــــــــــــــــن