حياك الله حبيبتي الياسمين ...الله يرضى عليك يارب هذا من ذوقك و تسلمون على التثبيت

جربت اعمل النجتس طلعت روعة و سهلة جدا احلى من الجاهزة الي الله العالم ايش منضاف لها

عملتها بطريقة منال العالم

ايضا ممكن نعمل البهارات بدل الجاهز ...الله العالم لو غسلوها و نقوها قبل الطحن او لا

وحدة من زميلاتي ما شاء الله تعمل البهارات في البيت مرة من المرات صورت لي كمية الوسخ الي تطلع من البهارات !!

و الله بلاوي ..حبات حصى صغيرة ....تراب ...اعواد..حاجة مقرفة بصراحة

تاخذ البهارات كل واحد على حدة مثلا الكمون ...تنقيه ثم تغسله و تنشفه و تحمصه و تطحنه و لا اروع طبعا ما تطحن كل الكمية لاااااا تحتفظ بكمية محمصه صحيحة في الفريزر و تطحن كمية تكفيها لشهر و هكذا


بودرة البصل و الثوم تحضرها بنفسها ايضا و طريقتها سهلة ..ادخلي اليوتيوب في طرق كثيييرة

و بالذات بودرة البصل و الثوم روووووعة مع النجتس و البيرقر المنزلي


هالاشياء ممكن تحسي انخا متعبة و انا اولكم اتعيجز و اكسل بس يكفي نتذكر المخاطر من المواد الغذائية المصنعة في مواد تنضاف لها مخاطر صحية كبيرة تسبب امراض خطيرة و العياذ بالله

موضوع رائع وجميل :


أنا جربت اسلق العدس واقسمه بأكياس الي مثل السحاب حسب حاجتي وافرده زي الورقة وافرزنه
فوق بعض.
والزنجبيل تقشريه وتفرميه مع قليل من الماء وتفردينه نفس الشيء وبكذا ماياخذ حيز بالفريزر
واذا احتجت زنجبيل اكسر منه كسرة واسوي شاي زنجبيل او اضعه مع الطبخ.
وكذلك الكشنة اسوي كشنة مبهرة ومملحة وجاهزة وافردها باكياس السحاب واذا احتجت اسوي بيتزا
اطلع كيس او مكرونة بالصلصة الحمراء او كفتة او حتى الشكشوكة اول كنت اشتهيها مرة بس مافيني
الصبح اقوم اقطع بصل وافرم طماطم صراحة مرة وفرت علي اخذ كسرة منها واضعها بالطاوة على النار
واذا ذابت احط البيض واستمتعي بألذ شكشوكة..

هذا اللي يحضرني الآن .

ماشاء الله افكار حلوه تدل على ان عندنا في عالمنا حريم سنعات وقدعات
والله التفريز هذا عالمي احبه لانه يوفر الوقت والجهد ويفك ازمات
انا اطبخ الفول الاصفر واطحنه واكيسه او اعلبه
صلصة البيتزاء نفس الشي ولاذكر في حياتي شريتها مره وحده وتحسفت
اسويها اجيب قدر كبير واشتري طماط وقت الرخص ونضفه واقطعه واحط عليه بصل وثوم وفلفل بارد
واذا ذبل طحنته عندي الي الطحن وهو في القدر مدري وش اسمها واتبلها بملح وكمون وبهارات بديل الماجي وزعتر بري وريحان ونسيت الصلصه واخليها تتسبك وقبل لاطفيها بشوي اضيف كميه حلوه من زيت الزيتون وبس اخليها تبرد واعلبها وافرزنها
اسوي بهارات بديل الماجي تهبل اخذتها من المنتدى وعندي مكعبات ماجي بس استخدمها نادرا
خلطه القهوه انا احط مع القهوه حليب بدال المبيض
طبعا اقطع السبانخ وافرزنها والله ماكذب عليك ساعات اشتريها جاهزه
المولخيه من سابع المستحيلات اقطفها تقص الظهر قص اذا عندي خدامه شتريتها ماعندي شريتها جاهزه
افرم ثوم كثير مع ملح خشن وشوي زيت زيتون يجلس مده طويله بالفريزر مايتغير وممكن تفرمون معه زنجبيل او كزبره اول فلفل حار او فلفل بارد
اشتري كميه سمك وانوع وانظفها واتبلها وافرزنها متبله اطلع اذا بقلها اعفرها بدقيق وملح وفلفل واقلاها
اسوي النقت في البيت
البرستد اتبله وزبطها ببدون دقيق وافرزنها بس اطلعها وتبلها بالدقيق
الشاورما اقطعها واتبلها وافرزنها بس اطلعها تذوب واحمرها

ما شاء الله روعة حبيبتي البيلسان

بس لو تعطيني طرقتك المعتمدة لبديل الماجي لاني محتارة في وصفات كثيييرة محتارة ايش اخذ

موجوده بالمنتدى ادورها واحط ل رابطها
نسيت بعد شغله البقسماط اجمع اطراف التست ونشفه واطحنه
اوفر وانظف
الخبز العربي او امفرود اقطعه مكعبات واقلها واملححها واحط عليه سماق او زعتر وافرزنه استخمه للفتوش او اكله زي الشبس ههههه لاجعت