يومياتي مع الاتكوتين

السلام عليكم ورحمة الله وبركاته

اخيرا بعد سنتين من التفكير قررت اسوي رجيم توني استوعب اني سمنانه عن أول

صراحه انا من زمان سامعه عن نظام اتكنز وشايفه نتايجه بعيني على الوالد الله يطولي بعمره و على عمي وعلى اختي
كذا مره حاولت ابدأفيه لكن عجزت
قرأت تجربة الأخت سول رجعلي الحماس لكن هم بعد ما قدرت اطبقه
لكن بعد ما قرأت موضوع top fitness عن الاتكوتين اقتنعت وقررت اجربه
بدأت من أمس السبت 17-5
صراحه مرتاحه على الآخر لكن اشتهي الحلى احيانا واحس اني أجوع بسرعه
حابه اكتب يومياتي عشان افيد واستفيد
راح اكتب اليوم ايش اكلت
أخذت في الصباح حبه تمره وكوب حليب لو فات بالنسكافيه مع نص ظرف ستيفانا
على الساعه 1 الظهر سويت لي 3 حبات بيض خفقتها مع شوي حليب وفانيلا و ظرف سكر دهنت التاوه بشوي زيت الكانولا بعدين سويته اومليت ودهنت وجهه بجبنة فلاديفيا طلع طعمه مره حلو نفس طعم التوست الفرنسي
الغداء كان الساعه 5 العصر تغديت فخذين دجاج محمره في الفرن مع جرجير وفتوش تركي(باذنجان ارشه بزيت زيتون واحمره في الفرن بعدين اقطع بصل اخضر و بقدونس واحط زبادي خالي الدسم و شوي خردل و ملح وليمون وكمون وسماق )يطلع مثل السلطه هذا غداي
بعدين شربت كولا دايت
والعشاء كان الساعه 9 باقي الغدا شوي فتوش وفخذ دجاجه
طبعا شربت لترين مويه وعلى الساعه 12 راح امشي نص ساعه مع مدربه ماخذه المقطع من اليوتيوب مشي يحرك عضلات البطن كلها ويعتبر اني مشيت 2 ميل

ان شاء الله بكره اخلي المشي الصباح افضل

ها وش رايكم يااهل الخبره في الاتكوتين؟؟؟

لكم كل الحب