عزيزتي البطة السووووداء تصدقين اني اكثر شئ ركزت على رجيمك اللي هو فطرتي فيه 4 توست ولبنه على ما اذكر والغذاء لوز ووحدة بالعدد ورق عنب أنا وربي انقهرت عليكي بس انتي عارفة انا مرة رحت لأخصائية ونزلت معها في شهرين 15 كيلو ماشاء الله بس كان كله غلط لأنها عطتني سعرات اقل من احتياجي بكثير وهالشئ راح يأثر علي في المستقبل ما راح ينفع التزم برجيم سعراته الحرارية اكثر من اللي هي كانت معطيتني وعارفة لمن استشرت دكتورة راس المال وقلتلها ان الاخصائية اللي اروحلها عطتني 900 سعر حراري بس ومرات 850 قالتلي غلط واكبر غلط يعني الاخصائية كانت تعطيني اقل من احتياجي بينما انا كنت احتاج 1800 هي نزلتها للحضيض علشان كذا انا اقولك انتي احتياجك اكثر من هالشئ في السعرات انتي تقريباً ما تعديتي 500 سعر ؟؟ ويمكن اكثر شوي بس بالمرة قليل بالنسبة لوزنك وهذا راح يأثر على عملية الحرق عندك ( ما ادري ايش فيني اندمجت :( تحسب روحها خبرة ) الله يوفقك حبيبتي والله وتنزلين وكلنا ننزل بس والله ما قلت الكلام اللي علشان حبي للجميع وبالتوفيق ياقلبي

===================

فروحححححة يالغالية FROOOOHA انا نفسي اذبحك عن جد عجبتني سالفة جونا ضيوف واضطريت اخرب معاهم انتي عارفة هذاك اليوم جونا ضيوف قدمت لهم اكلهم وسخنت اكلي وجيت جلست وكليت معاهم ايش فيها يعني لو كليتي اكلك انتي الخاص بالتخفيف بدل ما تحطين هالعذر حجة للتخريب ولنفرض خربتي يوم او يومين ما انتهت الحكاية لهنا ولا هي آخربالعكس انتي قومي ثاني يوم وانسي اليوم اللي قبله ولأ كأنك خربتي وكملي الرجيم عادي ولا كأن شئ صار وقومي بعزيمة أكبر مافي شئ اسمه يجيني احباط قوي إرادتك واستمري واحنا بنشجعك اعتبري اليوم يوم جديد واعتبر امس عمره ماصار وكملي الدايت وياليت لمن يجون الضيوف تسخني اكلك وكلي عادي لأن لو بتعتمدين على الضيوف عز الله ما سويتي دايت ابد يالله يالغالية الله يوفققققك يارب

==============

نبوضة الغالية ياليت وربي تصير المسابقة هذي شهرين على الاقل نشجع بعض وننزل قبل العيد علشان نلقى الملابس الحلوة ابي مقاسي يصير 16 يالله ممدوها خلونا نستانس :) أنا عجبت هالفكرة وممممبروك على اليوم الاخضر :)

================

يالله ياحلوات شدو حيلكم وقووا إرادتكم خلونا ننزل ترى الدددددهون ما راح تفيد والاكل ما راح يفيد بشئ تصدقون اول ما بديت في الدايت قبل سنة ونص كانت نفسيتي جداً محبطة وتعبانة جداً بس قالتلي وحدة قريبتي غالية عندي يوم كنت اشكيلها اقولها ان نفسيتي تعبانة من الدايت ومن هالكلام قالتلي ياشاطئ خلي نفسيتك تتعب شوي وانتي تصلحين دايت لكن بعده بتلقين نتيجة حلوة وبتستانسين احسن من انها تفضل تعبانة على طول وانتي طول عمرك تخربي وترجعي تسوي دايت من جديد والله كلماتها بجد لين الحين احطها رمز في قلبي لمتى وانا اسوي دايت واخربه وارجع له واخربه لا وما ارجع للدايت الا بعد ما ارجع كل الوزن اللي نزلته في الدايت اللي قبله وحاله فاحسن تشدون الهمة من الحين يالغاليات خلاص يعني اوزاننا مو ذاك الشئ الكثير كلها 40 كيلو اللي نبي نتخلص منها بالكثير و40 كيلو اهون من ما يكون 50 أو 60 أو 70 الحقوا على اعماركم قبل ما تزيد وما نقدر ننزل وقتها بجد الله يقوي الجميع ويجعل أيامهم كلها نعناع يارب :)

الى المشرفه الحبيبة نبـــــــــــــــــض

مشرفتنا الفاضلة والله نشكر جهودك وتعاونك ونشكرك اشد الشكر على المسابقة والله لولا الله ثم هالمسابقة كان ما فكرت بالرجيم او النزول فكنت اتصفح المنتدى ووزني وصل لمية وطفشانه اشد الطفش واشوف مسابقتكم الاولى واللي كانت الخطوة الاولى في التحرك..

وترى لما احنا نخبص مرة او مرتين هذا ما يدل الا على اننا نجاهد انفسنا ولكننا نقع !! يعني حتى بالدين الواحد يجاهد ويحاول يبتعد عن المعاصي لكنه يسويها احيانا لكن لازم ما تكون دائما ولازم يرجع ويتوب منها..

نفس الشي هنا لازم اذا خربطنا يوم نعوض باليوم الثاني وما ناخذها عاده ..

ولو حسبتيها انها رجيم طوال اليوم وخربطت مرة احسن من انها تقعد تاكل طوال يومها وترجع لعاداتها القديمة..

مشرفتنا الحبيبة احنا نبي تشجيعك نبي دعمك نبي ترفعين همتنا فوق فوق وصدقني ربي ما رح يضيع تعبك وصبرك معانا..

وعلى كل الاخوات المجاهده والصبر والالتزام قدر الامكان واللي تجوووع تروووح تشرب ماء كل شوي لين تشبعين تبين تخربين اكلي خيار جزر خس اي شي مو الا تخربينها بدسم..

بعدين خلاص رحتي عرس رحتي مناسبه مالك شغل بالاكل نهائي قهوة شاي ماي بس!!! انتي ملتزمه بجدول وبمسابقة وبرجيم وان الله يحب اذا عمل احدكم عمل ان يتقنه..

يالله يا بنات شدو حيلكم وونسوا مشرفتنا وروها اننا اقوى مما تتوقع..

والله يصبرنا ويصبر الجميع وياريت اختي نبض لو تكون هالمسابقة شهر بس نرتاح اسبوع ونرد بعدها شهر لان الواحد اذا شاف المده طويلة مثل 6 او 8 اسابيع قد يصاب باليأس ويبطل!

جزاك الله كل خير وجعل ما تقومين به في ميزان حسناتك..

السلام عليكم

شلونكم يابنات شدو حيلكم مابقى الا يوم ونشوف النتايج

ان شاءالله كلكم تكونون نازلين جم كيلوو

الحمدالله احس الاسبوع راح يعدي كله اخضر وعزيمتي قويه باذن الله

نوره الرايقه

الله يجزينا وإياك الجنه ياااااااااارب

ومشكوره ياعيوني على كلامك إللي اثلج صدري

احنا ماتواجدنا بهالمنتدى إلا لنفيد ونستفيد من تجارب وخبرات بعضنا

الود ودي اني اسكن بالمنتدى واتابعكم ليل ونهار

بس انتي عارفه كل منا له ظروفه وإلتزاماته وواجباته

بس بإذن الله راح احاول قد مااقدر اني اتابعكم واشجعكم على الإستمرار بالرجيم وبالذات فترة المسابقات

والله يوفقنا جميعاً ونتخلص من الكيلوات الزايده من خلال هالمسابقات

عندي إقتراح بخصوص مده المسابقة

إنها تبقى مثل ماهي 4 اسابيع وبعدها نتوقف لمده يومين

ونرجع ونبتدي المسابقة الثالثه على يوم الأثنين 13/6/2005 إلى الأحد 10/7/2005

اولاً : عشان مانخليكم تملون من طول فترة المسابقة

ثانياً: نعطيكم فرصه استراحه لمده يومين ترتاحون من النظام إللي كنتوا ماشين عليه وهي فرصه تكسرون الرجيم.

ثالثاً: نعطي فرصه الأخوات إللي ماحالفهم الحظ انهم يشاركون معانا في المسابقة الثانية (هذه)

شراااااااااااااااااايكم؟؟؟؟؟؟؟؟