جزيرة الكنز :

ورود الود شلونج يا الغلا ... عسا ماشيه صح بالرجيم ام محمد الخلطات حبيبتي انتي مثلي حلمج 60 كيلو الله يبلغنا يارب ام المهند1 هلا عيوني ... شخبار رجيم الموز والحليب ... ما ادري نوع رجيمج مخوفني ... اخاف عليج من الامساك حبيبتي ..... طمنيني مرشدة عفيه عليج عمري ... عيني عليج بارده ( مشي ساعه ) وااااااااااااااو umshareefa تمنياتي لج برشاقه عاجله وصحه وافره

ورود الود شلونج يا الغلا ... عسا ماشيه صح بالرجيم ام محمد الخلطات حبيبتي...

الامل مني وفيني :

TheTrue يلسي مع نفسج واقنعي نفسج ان لازم تضعفين ووقفي عند المنظره وشوفي عمرج ويلسي رمسي عمرج ان ها الجسم مب حلو وتخيلي كيف بيكون شكلج عيوني انتي مثلي انا غدا وعشى يادوب اكل بس تعالي ع باقي الاوقات الا غثايث وهاي اللي زادتني ما كنت اصدق يوم قالوا لي لكن احين صدقت وحاولت قد ما اقدر اني اقلل منها اهم شي انج تقررين قرري انج ما بتاكلين غير الوجبات الثلاث و الشاي الاخضر و الحليـــب واذا ع البسكوت كلي بسكوت دايجستف الدايت واذا بغيتي حلاوه سيري كيلي لج تمرتين او 3 او خذي من الجلكسي قطعه وحده بعدين حبيبتي يوم بتشوفين الاكل ع طول قولي انا متينه ولازم اضعف واغلب الباقين وعندج غناتي المشي امشي ساعه او ساعه ونص في اليوم وبعد سوي رياضة البوشوب وايد تعضف وتشد البطن وتقلل من الترهل وايد عيوني نحنا كلنا في ها الموضوع نتسابق ويا بعض منها نخسر وزن ومنها نشجع بعض ونصبر بعض ع فكره كلنا تعبنا من المتن وكلنا تعبنا من الرمسه اللي تنقال لنا علشان جيه نحنا هني علشان نثبت للكل ان هم مب احسن منا في شي بنحنا نقدر نستوي رشيقات وارشق من الكل ونلبس كل شي في خاطرنا وناكل ع راحتنا عقب ما نضعف ونسكت كل حد يقولنا يا متان صح ولا انا غلطانه عيوني والكل اللي سجلوا ويانا لازم ما نفقد الامل ونقنع نفسنا ان بيدنا نضعف ونضعف ونضعف غصب عن عين العدو ونستوي شرات الغزلان بس المهم العزيمه والقرار الكل يلس بروحه ويفكر لين متى بنتم جي لين ما كل ذراع يستوي قد الباب لين ما نروم نتحرك من ع الشبريه من المتن لين ما تختفي ريلنا بسس المتن لازم نتلاحق عمارنا قبل لا يصيبنا اللي ادهى من ما عليه نحنا احين كل مشارك يرمس حد من اهله اخوه اخته امه ابوه اي كان ويتفق وياها ان كل ما ينزل 5 كيلوا له جايزه من عندهم كنوع من الدعم يعني انا مثل اميه وعدني ان نزلت 3 كيلوا لي التلفون اللي اباه واليوم بيسيرون ياخذونه لي هذا الشي دفعني اني انزل اكثر علشان انحصل شي احلا شكلي وااااايد هذربت بس لاني ما اباكم تدخلون وتبداون وعزيمتكم ضعيف واتذكروا كلام كل ما ضعفت العزيمه تقدرون تسون شراتي طابعه مثل ها الكلام وحاطتنه في كبتي من الداخل معلقتنه كل ما تضعف العزيمه اقراه وارد افكر فيه واهون ع عمري السالفه واقول اتعب احين علشان مثلا شهر 4 اطلع روعه في عرس وحده من الاهل علشان اخليهم ينصعقون بكيف صرت واني رشيقه وان كل حد يسالني شو ها الرشاقه او كم نزلتي مثلا برد عليه 20 كيلوا حلوه يوم تقوليها وانتي منجزه ها الشي بس فكروا وصدقوني بتقولون كلامج صح ع فكره الكلام مب موجه لذا ترو بس بس لا للكل وانا اولكم والسموحه ع المحاضره بس لان صدق في خاطري كلنا نضعف والسموحه مره ثانيه

TheTrue يلسي مع نفسج واقنعي نفسج ان لازم تضعفين ووقفي عند المنظره وشوفي عمرج ويلسي رمسي عمرج...

ام محمد الخلطات :

الامل مني وفيني هلا وغلا الصراحه كلامك اختي يجي على الوتر الحساس وما في منه زعل شوفي عن نفسي على كل كيلو انزله اشتريلي شي مره لبس مره اكسسورات مره اشتري كريمات ويوم اوصل 60 راح ابدل كل ملابسي وما اجيب شي وسيع علشان اتم محافظه عليه بقلكم شو سر 60 بعد ماولدت صار وزني 97 تخيلو الجسم كيف فضيع وبعدها بشهرين اقدرت انزله لين 90 في العيد طبعا ما اقدرت لبس اشي لي عاجبني لبست جلابيه واسعه ونعال وانتم بكرامه ما لقيت مقاسي لنو رجولي متنفخه من المتن ولي احرجني اكثر انو زوجي كان معي وانا اتشرى وتخيلوا الاحراج لي انا فيه جربت كل المقاسات ت وصلت لين 42 :( قلي زوجي ما راح تلقي مقاسك انتي متينه بعد العيد دوري على راحك طبعا اتمنيت الارض تنشق وتبلعني وقتها وقلي بعدها بكم يوم اضعفي ولا راح اتزوج عليك طبعا كلام علشان يشجعني من يومها وانا في حاله من اجل انزل وزني هذي قصة حياتي من نزول ان شاء الله راح انزله موضوع كامل ومع كل الرجيمات لي سويتها بعد ما اوصل 60

الامل مني وفيني هلا وغلا الصراحه كلامك اختي يجي على الوتر الحساس وما في منه زعل شوفي عن نفسي...

جزيرة الكنز :

العفو قلبي بس آنه قررت اني اسوي تخفيف لمدة شهر يعني من اليوم 1/3/2005 الى 31/3/2005 واشوف شنهي النتيجه واذا حسييت انه ما فادني اسوي رجيم متبع

العفو قلبي بس آنه قررت اني اسوي تخفيف لمدة شهر يعني من اليوم 1/3/2005 الى...

باربي بغداد :

وانا وانا حبيت اشارك انا منتظرة المسابقة من زمان لانها الوحيدة اللي جابت نتيجة معي لم اكن اعلم ببدايتها الاسم : باربي بغداد الطول : 170 سم الوزن : 79 كغم الريجيم : لحد الان ماعرف *** اتمنى من المشاركات اللي نفس مواصفاتي ان تتجاوب معي ونصبح صديقات في الوزن هههههه للحماس والتشجيع ,,,,, انا احب المنافسة الاخوية

وانا وانا حبيت اشارك انا منتظرة المسابقة من زمان لانها الوحيدة اللي جابت نتيجة معي لم اكن اعلم...