النصايح :
1 - الالتزام بالرجيم .
2- الرياضه وطبعا اهم شي مع الرجيم رياضه مشي او اي نوع رياضه زي ماتحبوا وفي البداية ابدأو بخمس دقايق وبعدين كل يوم زيدوا المده الين ماتوصلوا لساعه او نص ساعه على الاقل والله نصيحة عشان الترهلات لو عملتوا رجيم بدون رياضه راح تسير عندكم ترهلات .
3- ممكن شرب الليمون او الجريب فروت او الانانس فرش وبدون سكر يساعد على حرق الدهون .
4- ياريت كل وحده في المجموعه تدخل يوميا او كل يومين تكتب يومياتها .
5- نهاية كل اسبوع كل وحده لازم تكتب كم نزلت خلال الأسبوع او زي ماتحبوا ممكن الاتبغى تكتب وزنها في البداية وتخبرنا كم نقصت اخر المسابقة .
6- الابتعاد عن المشروبات الغازيه فتره الرجيم نهائيا وايضا الابتعاد عن الحلويات والشكولاتات والفاست فوود .
7- عدم التخبيص .
8- شرب الماء بكثره فتره الرجيم .
9- ممكن تشربوا كاسة ماء دافىء مع ملعقة عسل مع نص ليمونه على الريق اول ماتصحوا مفيده في انقاص الوزن وحرق الدهون في الجسم .
10- ممكن شرب الشاي الاخضر او الشاي العادي او النسكافه بدون سكر او حليب .
11- الابتعاد عن السكر والمحليات .
12- الجبن والحليب يجب ان تكون خاليه او قليلة الدسم افضل .
13- الابتعاد عن الرز والمكرونات والعيش (الخبز) .
14- نصيحة اخيره ومن تجربة شخصية عدم الاكل في الليل يعني كلوا طول اليوم اكل الرجيم و وقفوا الاكل بدري على الساعه 6 او 7 والله راح تنزل اوزانكم بسرعة .
15- استخدام الفيتامينات مع الرجيم لصحة افضل ولعدم تساقط الشعر مستقبلا.
:26::26: :27:
النصايح :
1 - الالتزام بالرجيم .
2- الرياضه وطبعا اهم شي مع الرجيم رياضه مشي او اي نوع رياضه...
الفتون مبروك النزول وان شاءالله الاسبوع الجاي تبشرينا بنزول وزنك اكتر واكتر ياعسل :26:
قطر الندى ان شاءالله يارب الاسبوع دا تلتزمي وينزل وزنك شدي حيلك ياعسل :26:
قطيوة الف مبروك ماشاءالله عليك انجاز 3 كيلو ايش كان رجيمك ؟ :26:
هند حاضر حبيبتي راح اكتب للبنات يحطوا مقاس الخصر والورك والصدر ابشري من عيوني :26:
ابنة القدس الف مبروك النزول وبالنسبة لتغير النظام عادي حبيبتي تقدري تغيري نظامك وتبدأي بنظام جديد تكوني مقتنعه فيه وان شاءالله جسمك راح ينزل على اي نظام اهم شي يكون صحي وتكوني مرتاحه عليه:26:
عتاب السنين معليش حبيبتي اكيد الواحد قبل الدوره يزيد الوزن ان شاءالله وزنك ينزل بعد الدوره لاتزعلي نفسك ياعسل خليك متفائلة لاتيأسي ابدا :26: