رحبوا فيني قصدي ارحب فيكم في يومياتي الاقتصاديه
اممممممم حبيت اسدح لكم بعضا من مغامراتي اللطيفه الله يعينكم علي
ففي مساء يوم الاحد الموافق -/-/______<<<<<<عزيزي العميل انا تخرجت وماعرف لا للتواريخ ولا الايام فياليت تعذروني
المهم مالكم بالطويله...رحت عند الوالد اطال الله في عمره وطلبت منه ان ايذهب بي الى المول(تطورنا ماعاد نقول سوق) والحيت واصريت عليه انه يوديني ووافق بطلعه الروح
لانه يعرفني لادخلت السوق ماطلع منه الا لما يقول( كلاس ماما في سكر مهل)
الترجمه للاجانب اللي يدخلون منتدانا(خلاص ماما بيسكرون المحل) اما للاجانب السعوديين اللي مايعرفون يقرون يدقون علي بيجر واترجم لهم او يراجعون السفاره(اقول على شحم)
الموهيم يااخواتي عندما ذهبت الى السوق اللي ماني قايله اسمه(اصلا محد طلبك الاسم)
على اساس ماباخذ الا كماليات كريمات جسم وكريمات شعر ومشقر وخرابيط وخرابيط يعني كماليات بنات يجيبون للواحد مرض الاسقربوط<<<مرض شائع في شمال لبنان ولايتواجد في جنوب السعوديه يالبى الجنوب وة بث (الله من النصب)
وجيت خميت خم من هالقرمبعات وخرابيط البنات الا السله اصبحت ممتلئه كأن السله حفله جنادريه فيها كل ماهب ودب المهم جاء الوالد يحاسب...يافشيلتاه كنت احاسب لنفسي واترزز ببطاقه الصراف ايام العز والحين تخرجت ورصيدي تحت الصفر حسبي الله عليهم...المفروض يعطوني مكافأه نهايه الخدمه زي المتقاعدين
وللمعلوميه عزيزي المشاهد وعزيزي المستمع تراني احيانا( احاسب عن نفسي واحيانا قطه)
وعلى فكره ترى المحل فيه حاجات حلوة...واكثر شي جذبني الهدايا الرجاليه وقاعده اتامل يعني لو تزوجت ابهدي زوجي(ايه يتخسى اهديه ماعندي ذرة رومانسيه هو اللي يهديني الله لايهينه ولا بس عند الخطوبه يهدي ويترزز ويتميلح عند الباب
المهم طلعنا من المحل وكان والدي مستبشر ومستانس يحسبني ابروح اركب السياره ..مادرى اني ناويه على محل قنصته على بعد 19 قدم ميجا هرتز....
ورحت قلتله ابي هذاك المحل ووافق(طبعا المحل محل مواعين)لان عشقي الصحون والمواعين وكل مانزلت موضه بياله ولا صحن نزلت شريته(حسبي الله على منال العالم كل يوم تطلع لنا مواعين كشخه) وانا بس اناظر بهالطبخات وهالمواعين الله يقطع ابليسها وكانت مره تسوي عصيده عصدوا خشمها
<<<<تسذووبهالمهم اتجهت الى هذا المحل العظيم اللي كنه قصر المصمك وفي روايه اخرى وزاره الداخليه وقيل في كتاب اخر بنك البلاد بس ابسال الرواي وبرد لكم خبر__
ع العموم دخلت المحل وطلبت العامل سله عشان اجمع قرابيعي ومواعيني ويوم وصلت عند قسم القدور امشي بهدوء وحذر بسبب موقف حصل لي عندما هفيت بشنطتي المصونه مجموعه قدور حقت ذبايح وطاحت كلها ع الارض وجاني تهزئ محترم من الاخ الغالي قال بكل هدوء انتي حولا مالت عليك يالبدويه ماتشوفين,,,<<<اااااخ يالدنيا اخوي من امي وابوي يقط علي هالكلام بس مردوده يا........(موسيقى حزينه)
ووشسمه ياطويلين الكراع شريت ادوات مطبخ شفتها مع منال العالم(هاذي تطلع في النشره الجويه في القناه الاولى السعوديه)لاتفووتكم تهبل شوفوها
وشريت صواني تقديم وصواني فرن -كل مايسالون العامل قال هذا اصلي وربي انه تسذوب انا اعرف المواعين الاصليه من التقليديه لي خبره في السلك العسكري اكثر من 30 سنه<<<ياكذابه اصلا عمرك 23 _بس سلكوا السالفه
وطلع الحساب مبلغ وقدره بغى ابوي يتوطى ببطني ع الاغراض اللي شريتها..بس انا تعودت كعادتي السنويه لجلالتي اقوم بزياره تفقديه لمحل المواعين قبيل شهر رمضان المبارك
بس طال عمره عطاني نظرة محترمه خلاني اكره اليوم اللي دخلت فيه الكليه<<<وش دخل ذا فيذا
المهم ياحبايبي شريت وطلعت بامن وسلام وربي ماطلعت الا الساعه 11 ونص لييييين كل المحلات قفلت(طبعا اسواق الدمام تقفل بدري)عشان بيرحون يشوفون مباراه الاتحاد مع سريلانكا وكانت النتيجه فوز النصر امام البرتغال ب0-0
تحذير
_الرجاء من الحوامل والمرضعات والمطلقات والارامل والعوانس والعزاب عدم قراءه موضوعي لما تسببه من التهاب في الشرايين والقلب وحموضه في العين (هع موضوعي صار دخان) واذا اضطر الامر لقرائته فيرجى الابتعاد عن الكمبيوتر 99 قدم كيلو جرام
وللمعلوميه هذه القصه من الحقيقه والواقع والابطال اللتي فيها حقيقيون وليست من نسج الخيال)ومن تسول له نفسه تكذيب هذه القصه يراسلني ع الخاص واتفاهم معه فقط للبنات ممنوع مراسله الشباب
لانه قسم عائلاتكان معكم من قلب الحدث اختكم برتكانه فوشيه
للمعلوميه وربي ليست ملطوشه ولا منسوخه هاذي يومياتي انا وياليت اللي بتكتب ردود تسد النفس تحتفظ فيه لنفسها
روووووووعة
الله يعين الوالد
شكله بيسجلك بالجامعة من جديد ههههه
الله يوفقك.. كتابتك روعة ..
الله يجعلها شاهد لك لا عليك
لا تطولين علينا
اتحفينا بيومياتك
تقبلي وافر شكري