غرومة..
•
معكرونة بالبشاميل ، بطريقة مختلفة :) ..
المقادير:
للبشاميل:
4 م ك طحين
2 م ك زبدة
3 ك حليب
ماجي
المعكرونة:
معكرونة أي نوع
لحم مفروم خشن
بصل
طماطم
فليفه ملونه
صلصة طماطم
بهارات لحم وملح وماجي
ماء
الطريقة:
طريقة البشاميل:
احمسي الطحين مع الزبدة وقلبي لحد مايتشرب الطحين كل الزبدة ويتحمر وبعدها ضيفي الحليب مع التحريك المستمر والسريع عشان مايتكتل وضيفي الماجي..
المعكرونة:
احمسي البصل واللحم المفروم والبهارات ثم الطماطم والفليفله ثم الماء وصلصة الطماطم خليهم لحد ما يغلو وبعدها ضيفي المعكرونة وقلبي وخليها لحد ما تشرب الماء وتستوي ..
بعدين صبي المعكرونة بصينية وفوقها البشاميل ، وضعي على البشاميل بيضة مخفوقة مع شوية خل ابيض ودخليها الفرن لمدة نص ساعة على 160 درجة وبعد ما يتحمر الوجه ضيفي جبن موتزريلا مبشورة ..
وهذي صورة عملها بالترتيب :) ..
يــتــبـــع الصور :) ..
غرومة..
•
وهذي صورة المعكرونة بعد التقطيع :)..
مرق لحم بالكوسا والبطاطس المفضل عندي يمي يمي ، بالصور بالتفصيل :22: ..
المقادير:
لحم بعظم
خضار "كوسا ، بطاطس "
1 ك دقوس "طريقته بالردود الأولى"
طماطم مفرومة
بصل
صلصة طماطم
ملح وماجي وبهار لحم
ماء ساخن
الطريقة:
قلي البصل ثم اللحم ويقلب لحد ما يتغير لونه ثم الطماطم وشوية الدقوس وقلبيه وخليه 10 دقايق ثم الماي والصلصة والبهارات وخليه لحد مابيدا يغلي ثم ضيفي البطاطس والكوسا وخليه لحد ما يستوي على كيفه..
وهذي صور عمله بالترتيب..
يــتــبـــع الصور :) ..
الصفحة الأخيرة
عدنا مع يوميات بيتنا بهالشهر الفضيل :40: <<< حشا يوميات طاش ما طاش :22: ..
اليوم الثاني من رمضان ، كان عندنا شباب ربع اخواني فديت قلبهم فراح تلقون السفرة مقلصة عشانهم مو ويانا عساني ما افقدهم يارب ..
بس حبيت أوضح شغلة انه هذا الشغل كله ما ياخذ وقت اذا انت عاملة حسابج وحاطة كل المقادير المطلوبة جدامج يعني بالكثير 2 ساعتين بالكثير والباقي عبادة وكفاية انج تخدمين الصيام هذي بروحها عبادة وترى عايلتي ما شاء الله كبيرة يعني هذا مو اسراف لان نعمل اكثر من صنف بس كميات صغيرة نسبيا وترى هذا فطورنا وعشانا واللي يزيد يضل لليوم الثاني مع التغيير عليه يعني ما يتم شي ولله الحمد..
هذا المنيو اليوم لثاني يوم رمضان....
وهذي صورة السفرة..
شوربة العدس مالت أمس بس ضفنا عليها 1 ك ماي دجاج لانها صارت وايد سميكة وخليناها تغلي :42: ..
تبولة بطريقتي ..
طريقة التبولة موجودة بالرد الثاني
ستيك لحم مشوي شويته على الغاز مو الشواية الكهربائية..
هذي طريقة الستيك
سمبوسك خضار وجبن وسويس رول الجبن وميني كبة "طريقة جدتي فضيعة :32:"..
يــتــبـــع :) ..