ماشاء الله عساك على القوه ياغرومه انا اتابعك اول باول ونفسي اني مثلك اقدر اصور سفرتنا لان سفرتنا يوميا الطباق متنوعه مثلك واكثر بس مانسوي اطباق رز لان الرز سحور عندنا ومستحيل نحطه على الفطور واكثر شي عاجبني عندكم سفرة الحلى لوحدها .
والله يرزقك بالزوج الصالح الغني بدينه واخلاقه وماله ويحفظ لك ابوك وامك واخوانك وخواتك.

الله يعطيك العافيه بس بغيت اسل عن عيش السرايا مافهمت الطريقه زين ممكن بالتفصيل الممل يعنى احمص التوست ولا اشلون وبعدين اللقيمات روعه ممكن مقادير اذا احد من اقاربك يعرف يضبطهما

عسى ما شر وين غرووووووووووووووووووووومه ؟؟؟؟؟؟؟؟؟؟؟

مشكـــــــــــــوره يالغـــــــــــــــــــلا...

جربت مصقعتكم وعجبتنـــــــــــــــــــــــــــــــــــــــــــــي...

الله يعطيكم العافيه انت وامك وخالتك والعايله كلها...

مـــــاشـــــاء الله تـــبـــارك الــرحـــمـــن



اليوم السابع عشر من شهر البركة والخير..
منيو اليوم الغالب عليه الطابع الهندي..

اليوم لله الحمد الكل موجود عساني ماأفقد احد فيهم ، بس أخوي عادل فديت روحة كان معزوم عند رفيجه..


هذي صورة السفرة صورتها قبل التكملة لاني مافضيت والله عشان اصورها عقب ما رتبناها و اكتملت ولله الحمد والشكر على نعمته والله يحفظها من الزوال..





شوربة العدس على الطريقة الهندية لذيذة..

المقادير:
1 1\2 ك عدس أصفر
الماء يعتمد على السمك اللي انت تحبينه "مابين 6 -10 اكواب ماء انا حطيت 10 وطلعت شوي ثقيلة مو وايد"
كمون وفلفل أسود ولومي
2 م ك بصل مفروم

الطريقة:
يغسل العدس جيدا ويسلق بماء نظيف ب 4 كوب ماء ..
نطحنه بالخلاط الكهربائي وبعدين نحمس البصل المفروم بجدر بشوية زيت لحد ما يتغير لونه ونصب خليط العدس المطحون عليه وباقي الماء..
نضيف البهارات ونقلب وخليها لحد ما تغلي ونطفي النار عنها..
وقدميها مع الخبز المحمص والليمون وبالعافية :) ..







سلطة خضراء..

المقادير:
خس مفروم
خيار مفطع ناعم
طماطم مفرومة
نعناع مفروم ناعم
بقدونس مفروم ناعم
زيت وليمون وملح
دارسين وفلفل اسود ونعناع مجفف

الطريقة:
تخلط المقادير وتقدم..





سمبوسك خضار وجبن وكباب هندي <<< من برة..





هريس بالدهن العداني..





المرق الدجاج بالكزبرة لذيذ جدا..

المقادير:
دجاج مقطع
بطاطس نقشرة ومقطعة مكعبات
1 ك خليط طماطم
طماطم مفرومة
بصل
صلصة طماطم
ملح وماجي وبهار دجاج
1\4 ك كزبرة مفرومة
ماء ساخن

الطريقة:
قلي البصل ثم الدجاج ويقلب لحد ما يتغير لونه ثم الطماطم وشوية خليط طماطم والكزبرة وقلبيه وخليه 10 دقايق ثم ضيفي البطاطس وباقي الماء والصلصة والبهارات وخليه لحد ما يستوي على كيفه..
وهذي صورته..





التشريب..

المقادير:
خبز ايراني أو خبز رقاق
مرق

الطريقة:
قطعي الخبز الايراني على الحجم اللي انت حابته وصبي المرق عليه "بدون اي شي " وخليه يطبخ لمدة ربع ساعة ، اما خبز الرقاق شربيه بالصحن على طول لانه مايحتاج طبخ ..
وقدميها وبعد التقديم ضعي على الخبز البطاطس والدجاج اللي بالمرق..
وهذي صورتها..