غرومة..
•
مـــــاشـــــاء الله تـــبـــارك الــرحـــمـــن
اليوم الثامن عشر من شهر البركة ..
الحمد الله كلنا موجودين واخواني فديت قلبهم لله الحمد والشكر عسى الله لايغير علينا..
هذي صورة السفرة ولله الحمد والشكر على نعمته ويحفظها من الزوال..
شوربة العدس الصفرا الخشنة بالشعيرية لذيــــــــــذة..
المقادير:
1 1\2 ك عدس أصفر
1\4 ك شعيرية مكسرة
كمون وفلفل أسود وملح
2 م ك بصل مفروم
1م م ثوم
الطريقة:
يغسل العدس جيدا ويسلق بماء نظيف ب 4 كوب ماء ..
نطحن نصه بالخلاط الكهربائي وبعدين نحمس البصل المفروم بجدر بشوية زيت لحد ما يتغير لونه ثم الثوم والعدس اللي ماطحناه والبهارات ونقلب ثم نضيف الشعيرية و نصب خليط العدس المطحون عليه..
ونقلب وخليها لحد ما تغلي ونطفي النار عنها..
وقدميها مع الخبز المحمص والليمون وبالعافية :) ..
فتوش..
طريقة عمل الفتوش
سمبوسك خضار و جبن وكباب هندي..
هريس من اللي سويته امي امس "لانها تسوي كمية تكفي يومين أو ثلاث "
المرق الدجاج بالكزبرة زاد شوي من أمس..
التشريب بالمرق الدجاج..
غرومة..
•
فوتوشيني بالثوم والكريمة ماتاخذ وقت بالمرة ولذيذة ..
ممكن تخلطي معاها روبيان أو دجاج مع حمسة البصل تطلع ألذ وأروع بس أنا مشتهيتها جذي اليوم..
المقادير:
فوتوشيني "انا استخدمت اللي بالسبانخ"
1 م ك بصل مفروم ناعم
1 م م ثوم مهروس
100 مم كريمة
2 م ك سور كريم
ملح و م ص فلفل اسود وم م حبق مجفف وم م اكليل الجبل
الطريقة:
اسلقي الفوتوشيني بماء وملح وشوية زيت "أنا سلقتها بماء الدجاج" ثم صفيها..
اقلي البصل بشوية زيت ثم الثوم و ضعي الفوتوشيني فوقهم واخلطيهم عدل ثم ضيفي البهارات وقلبي..
ضيغي الكريمة والسور كريم واخلطي عدل وخليه لحد ماتبدا الفوتوشيني تتشرب السوائل..
وقدميها مع رشة حبق على الوجه ورشة جبن بارميزان مبروش ناعم..
وهذي خطوات عملها بالترتيب..
الطبق الرئيسي:
قـــــــــوزي لحم ودقوس..
نقس طريقة القوزي وحطينا معاه نص دجاجة لان اختي رنا ماتحب اللحم..
الطريقة موجودة برابط العزيمة "طريقة سلق و تحمير اللحم وعمل الرز وعمل الحشو"
رابط العزيمة :)
وهذ خطوات عمل الحشو:
غرومة..
•
تــكــمــلة الحشو..
الحلويات:
كتافة بالجبن "امس اخوي الله يهداه يابها وكان في كنافة فمحد اكلها وتمت"
كريم كراميل وجلي
تمر محشي لوز
فواكه
سلطة فواكه خفيفة ولذيذة ..
المقادير:
علبة فواكه الحجم الكبير بس صفي العصير من العلبة
كل أنواع الفواكه اللي تحبونها "احنا استخدمنا : شمام ، موز، تفاح احمر واخضر ، برتقال ، رمان ، مانجو ، بابايا ، اناناس ، الطماطم البرتقالية "الكاكا" ، خوخ وعنب احمر واخضر"
عصير مانجو
الطريقة:
اخلطي الفواكه بعد تقطيعها الحجم اللي انتو حابينه "احنا نستخدم ملعقة تفريغ البطيخ الصغيرة لانها تسوي دوائر شكل وحجم واحد " ثم صبي عليهم العصير وخليهم لحين التقديم ..
حلو بساندويش الآيس كريم كلمة روعة قليلة عليه والله انتوا اللي خسرانين ان ماجربتوهم "طريقته من بنت خالتي فاتن فديتها <<< من اختراعها وحلفتني اني اجربه وأنزله لكم"..
المقادير:
الطبقة الأولى:
باوند كيك شوكولاته
حليب كاكاو
الطبقة الثانية:
ايس كريم نوع الساندويش "العدد على حجم صينتج ، انا استخدمت 15 حبة"
الطبقة الثالثة:
8 حبات جبن كيري
1 علبة قشطة أو قيمر كبيرة
2 كيس دريم ويب + "اما علبة حليب أو كريمة سائلة <<< وهذا اللي استخدمته"
2 كريم كراميل
والكراميل اللي بعلبة الكريم الكراميل "اختياري مجرد لانه يعطي شكل رخامي"
صلصة كاكاو سائلة للتزيين
الطريقة:
قطعي الكيك وصفيه بقاع الصينية وشربيه بحليب الكاكاو ..
صفي الايس كريم كامل كل حبة بحبتها ..
اخلطي الخلطة الا الكراميل وصبيها على الآيس كريم وبعدين خططي الوجة بخطوط من الكراميل وبعدين وبطرف السكين واخلطيه لحد مايعطيج شكل رخامي ..
دخلي الصينية بالثلاجة وخليها على الأقل 6 ساعات "انا سويتها أمس بالليل" رشي صلصة الكاكاو على الوجه وقدميها وذوقي الطعم الروعة..
وهذي خطوات عملها بالترتيب..
اهنيه كتبت عليها بصلصة الكاكاو بعد ماحطيتها على سفرة الحلو..
الصفحة الأخيرة
أصبحت أدعو الله أن يؤلف بين قلوب أبنائي كما ألف بين قلبك وقلب أخوانك
لأنه أصبح من النادر أن نجد مثلك مع اخوانها وخواتها ياغرومه !!!!!!!
عموما أنا أدخل يوميا تدرين ليش ؟؟؟؟؟؟؟؟
أقولك ........
علشان أتذكر أيام جمعتنا أول بيت أهلي:( :06: قبل ما اتزوج
بس الحين مافيه إلا عائلتي الصغيرة
لا و كله يتدلعون ويبون طبخات جديدة وغريبة هذا وهم صغار الظاهر اني خربتهم :09: :eek:
وخربت :arb: أبو الشباب لأن ماعاد يرضى بالز ولا الأكلات الشعبية على الفطور
بس والله عذاااااااااااااابــــــــــــــــ:09: ـــــــــــــــ
وخاصة مع الدوام :09:
بس أنتوا ماعندكم دوام بالكويت في الرمضان ؟
يعني أنتي ولا الوالدة ولا الخوات ؟؟