يوميات فطور بيتنا بهالشهر الفضيل وبالصور :) ..

غرومة.. • 18 سنة

تــــكــمـــلــة صور حلو بساندويش الآيس كريم ..

لاحظوا الطبقات شلون شكلها روعة..

وهذا بعد التقطيع..

المشروبات:
عصيربرتقال طبيعي مع جم حبة ليمون
كوكتيل مانجو وتوت وفراولة "كله مثلج"
فيمتو
قهوة عربية
ليمون بالزعفران
كركديه بماء الورد

هذي كانت سفرة اليوم ان شاء الله تعجبكم يالغلا وانتظر رايكم فيها ، انتظروني باجر في سفرة مختلفة وجديدة بإذن الرحمن..

دعواتكم لأبوي الغالي ان الله يشفيه وطولنا بعمره وعمر أمي الغالية..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
والله يكتب لنا المغفرة والجنة بهالايام المباركة..
اللهم أميــــــــــــــــــــــــــن..

غرومة.. • 18 سنة

اسيرة زوجها :

هلا ياقلبي ، عليكم بالعافية البسبوسة والدجاج والمرق واما لقيمات ام عزيزان ماعليها كلام أكيد روعة بس شلون تاكلين سلطة التمر الهندي والفلفل مع اللقيمات <<< شلون طعمه ؟ وأما حلا المارس مو لي .. الله يعافيك بالنسبه لساطة التمر الهندي طريقته : خذي التمر الهندي مو القاسي لا الذي يكون لين وانقعيه في الماء ثم ابدئي طلعي الفصوص منه ثم ضعيه في الخلاط الجك وضعي عليه فصين ثوم اوفص وقد ماتحبي من الفلفل الحار وبهارات وحبه طماطم وقليل جدا ملح وبعض الاحيان احط واحد فلفل رومي يعطي طعم حلو بعدين خذي اللقيمات وغمسي بالسلطه والله طعمها روعه اتمنى تجربيها وتخبريني

هلا ياقلبي ، عليكم بالعافية البسبوسة والدجاج والمرق واما لقيمات ام عزيزان ماعليها كلام أكيد روعة...

تسلمون حبيبات قلبي على تواصلكم العسل :) ..

تسلمين ياقلبي ، وان شاء الله راح اجربها ودامها منج يالغلا أكيد روعة :) ..

هلا حبيبتي ، احنا مانسوي العجين بالبيت لانه راح يضيع وقت طويل فنشتري العجينة جاهزة من حلويات الطبق الجميل "عنده أحلى عجينة قطايف في الكويت" ، بالنسبة تشرب زيت اقليها بزيت قليل وحار واهيه مثلجة وخليها تحمر من الوجهين بس وشليها ..
أما اذا كانت تفتح معاج اما العجينة اللي استخدمتيها قديمة أو اطرافها ناشفة ومستوية زيادة عن اللزوم وساعتها انتي حطي لها صمغ العجين "طحين مع ماء" والصقي أطرافها وثلجيها ، بس شنو نوع الجبن اللي تحشين فيه القطايف :) ..

هلا ياعمري ، بذمتج اذا انتو ماتحبون العدس شلون تسويلهم اياها :22: ؟؟ ، والناس أذواق أحنا نفضل العدس على اي شوربة خصوصا لما تزيدين لها الكمون تطلع روووووعة :32: وعليكم بالعافية العدس اللي ماتحبونه والخلية :30: ..
والخبز الأيراني للأسف الصور اختفت لاني كنت محملهم بموقع حروف <<< مالت على هالموقع مسح كل صور مواضيعي القديمة والجديدة :( ..
جربي بكمية صغيرة لاني ماجربت ولا مره بالفرن ..

هلا بنفوخة تسلمين ياذوق على كلامج ياعسولة ويسلم ذوق بنتج يالغلا :26: ..

هلا حبيبتي عواش ، عذرج معاج يالغلا وانا عاذرة الكل وان شاء الله تردين تشبكين من بيتكم ياقلبي وانتظر رايج فيها على أحمر من الجمر :32:

MISS_CHEF • 18 سنة

ما شاء الله ولا حول ولا قوة الا بالله
عندك افكار جميلة عجبتني
فحفظتها عندي

مهما قلنا او كتبنا لن ولن نوفيك حقك ابدا ابدا

اللهم ارزقها في هالشهر الفضيل احلى ما تتمنى
والله يطعمك من طعام الجنة ويرزقك من حيث لا تحتسبين

غرومة.. • 18 سنة

beautylady :

ما شاء الله ... تبارك الرحمن ... على فكرة يا غروووووووومة حبيبتي ... أنا كل يوم لازم أدخل ملفج ... و أسرق بعض المقادير ... وأتفنن عند ريلي ... ويعجبه الحمدلله ... حبيبتي ... الله يوفقج ... ويعطيج ولد حلال إللى يحبج و يموت فيج .... :) أختج .. أم عبدالله

ما شاء الله ... تبارك الرحمن ... على فكرة يا غروووووووومة حبيبتي ... أنا كل يوم لازم أدخل ملفج...

هلا يالغالية ، عسى دوم تفنين وتستانسين يالمدح يالغلا والملف وصاحبته تحت امرج وكل مافيه حلالج :) ..

هلا يالغلا ، شراب البيذان اخلط معاه ماء بارد وثلج مجروش ومرات اخلط لوز مبروش ، او اخلط وياه حليب <<< بس حق اخوي جابر فديت عمره لانه يحبه وياه والا احنا مانحب الحليب وياه بالمره :) ..

طريقة شراب البيذان..

لا ياقلبي ، لانه السور كريم حامض :42: ..

هلا حبيبتي ، وهذي طريقة الكبة..

طريقة الكبة بطريقة جدتي الله يخليها لنا روووووووووووووعة :)

تسلمين ياعسل :) ..

غرومة.. • 18 سنة

غرومة.. :

هلا يالغالية ، عسى دوم تفنين وتستانسين يالمدح يالغلا والملف وصاحبته تحت امرج وكل مافيه حلالج :) .. هلا يالغلا ، شراب البيذان اخلط معاه ماء بارد وثلج مجروش ومرات اخلط لوز مبروش ، او اخلط وياه حليب <<< بس حق اخوي جابر فديت عمره لانه يحبه وياه والا احنا مانحب الحليب وياه بالمره :) .. لا ياقلبي ، لانه السور كريم حامض :42: .. هلا حبيبتي ، وهذي طريقة الكبة.. تسلمين ياعسل :) ..

هلا يالغالية ، عسى دوم تفنين وتستانسين يالمدح يالغلا والملف وصاحبته تحت امرج وكل مافيه حلالج :)...

هلا بالغلا كله ، تسلمين يالغالية على ذوقج والحمد الله اعجبج مرق الروبيان وأكيد إضافتج هذي بتعطيه بعد ثاني وراح اجربه ، بس عمري ما دخلت المشروبات الغازي بالطبخ الا في نوع حلو ..

ياقلبي انت هذا من ذوقج يالغلاتي ، حياج عندنا والله تشرفينا بأي وقت يالغالية ، انا ماخذة اجازة شهر ونص ومرتاحة الحمد الله :22: ..

لا يــــــمه الله لا يغير علينا انا واهلي ان شاء الله وان شاء الله ترد جمعتكم مره ثانية ولا يغير عليكم يارب والله يخليج لهم وتفنين ياقلبي..
وبالنسبة للدوامات اكيد في بس انا ماخذة اجازة من قبل رمضان باسبوع وتخلص اجازتي 1\11 <<< وع ذكرتني بالهم وقعدة الصبح ، وامي دوامها وايد خفيف من 9 لل11 ومرات 11.30 ترد تصلي وتطبخ وياي وبعد صلاة العصر تنام ساعة او اكثر عشان تقدر تروح للتراويح اما اختي فمجرب ماترد تنام لصلاة العصر وبعدها تقوم وتسوي شغلها :22: ، وانا اضحك عليهم لاني انام الساعة 7 الصبح واقعد على صلاة الظهر :hahaha: ..

تسلمين حبيبتي انتظر رايج بالافكار :22: ..

على فكرة يابنات وين حبيبة مبارك وآلاء صارلي جم يوم فاقدتهم وينهم ، عسى المانع خير يارب ..