غروومة حبيبتي وين صاير سوق المهند
مرة البنات قالو بالشويخ يم محلات التمر بس ما دليته
يا ريت اذا تعرفين .. توصفين مكانه والله يعطيج العافية خيتوووو
غرومة..
•
أنا موجودة يالغلا بس كانت مشكلتي ان قوقل فول وماعاد يتحمل احمل عليه ، فعلى مالقيت موقع ثاني :)..
دقايق وابدأ انزل السفرة :26: ..
غرومة..
•
غرومة.. :
أنا موجودة يالغلا بس كانت مشكلتي ان قوقل فول وماعاد يتحمل احمل عليه ، فعلى مالقيت موقع ثاني :).. دقايق وابدأ انزل السفرة :26: ..أنا موجودة يالغلا بس كانت مشكلتي ان قوقل فول وماعاد يتحمل احمل عليه ، فعلى مالقيت موقع ثاني...
مـــــاشـــــاء الله تـــبـــارك الــرحـــمـــن
اليوم الثامن عشرون من شهر البركة والخير..
منيو اليوم الغالب عليه الطابع الهندي..
اليوم لله الحمد الكل موجود عساني ماأفقد احد فيهم ، بس أخواني فديت روحهم كان عازمين ربعهم فماقعدوا ويانا ، واول مرة اصور لكم سفرة الديوانية لان اخواني وربعهم راحوا الصلاة طرت على الدوانية اصور بس الله لا يوركم خوفي من ان احد يدش علي فعشان جذي مو كل اطباق الدوانية صورتها خفت انهم يطيحون علي <<< عاد اخوي يكرني "يعني يذبحني مثل الخروف هههههههههههههههههههههه :hahaha: "..
هذي صورة السفرتنا صورتها قبل التكملة لاني رحت اصورسفرة الدوانية ولله الحمد والشكر على نعمته والله يحفظها من الزوال..
وهذي سفرة الدوانية..
شوربة البصل الفرنسية بالذرة واللحم المفروم لذيذة..
المقادير:
كيس شوربة البصل الفرنسية من كنور
1\2 ك ذرة
1\2 كوب لحم مفروم
شوية بصل وفلفل اسود وشوية كمون
ماء
الطريقة:
شوي شوربة البصل عادي..
وفي جدر ثاني نحمس البصل المفروم بجدر بشوية زيت لحد ما يتغير لونه ونضيف عليه اللحم المفروم ثم البهاران ونقلب لحد مايستوي اللحم ثم ضيفي الذرة والشوربة وخليها تغلي مرة وحدة ونطفي النار عنها..
وقدميها مع الخبز المحمص والليمون وبالعافية :) ..
شوربة كريمة الفطر من كنور..
سويناها علدي بدون اضافات..
سلطة خضراء..
المقادير:
خس مفروم
خيار مفطع ناعم
طماطم مفرومة
نعناع مفروم ناعم
بقدونس مفروم ناعم
زيت وليمون وملح
دارسين وفلفل اسود ونعناع مجفف
الطريقة:
تخلط المقادير وتقدم..
سمبوسك خضار وجبن وكباب هندي..
معكرونة بالبشاميل ، طريقتها برابط العزيمة ..
العزيمة :)
الصفحة الأخيرة
شخبارك غرومة
تقبل الله صيامكم وافطار شهي ان شاء الله
سويت البسبوسة على طريقتك وطلعت حلوة وتجنن زوجي خذها معاه لانه معزوم وان شاء الله تعجب اصدقائه
وننتظر صور اطباقكم بفارغ الصبر
موفقين