غرومة..
•
سمبوسك خضار وجبن وباكورة ومعجنات أمس :) ..
هريس بالدهن العداني..
التشريب الأبيض يمي مع الروب..
المقادير:
خبز ايراني
مرق سلق اللحم الأبيض
الطريقة:
قطعي الخبز الايراني على الحجم اللي انت حابته وصبي المرق عليه "بدون اي شي " وخليه يطبخ لمدة ربع ساعة وقدميها بوضع قطعة لحم مسلوقة عليها ، ماحطينا لان اللحم كله حمرناه بالفرن..
الدقوس بحمسة البصل والفلفل الحار..
المقادير:
4 حبات طماطم مقشر
2 ك ماء سلق الدجاج
ملح وماجي وفلفل اسود
ثوم مهروس
بصل مفروم
صلصة طماطم
فلفل حار للنكهة
الطريقة:
نسلق الطماطم بماء لحد ماتستوي..
ونطحنه بالخلاط..
وبعدين نحمس الثوم والبصل والفلفل الحار وبعدين نضيف خليط الطماطم والصلصة والبهارات على النار لحد ما يغلي مرة ثانية..
وهذي صور عمله بالترتيب :) ..
يــتــبــع :)..
غرومة..
•
تكملة طريقة عمل الدقوس :)..
وهذا برياني لحم بالرز الملون من جدتي اهيه مسويته ويايبته لنا فديت قلبها وعمرها "اذا تبون الطريقة قولولي عشان اييبها منها"..
يــتــبــع :)..
غرومة..
•
الطبق الرئيسي اليوم قوزي لحم يمي يمي كان لذيــــــــــــــــــــــــذ بشكل مو طبيعي والله :32:..
الطريقة موجودة برابط العزيمة "طريقة سلق و تحمير اللحم وعمل الرز وعمل الحشو"
رابط العزيمة :)
وحمرت بيض مسلوق حاطه عليه كركم بالزبدة للتزيين :22: ..
وهذي صور عمله بالترتيب..
يــتــبــع :)..
الصفحة الأخيرة
سلطة المعكرونة بالدجاج والذرة ررررررررررروعة..
المقادير:
2 صدر دجاج مقطع مكعبات "مسلوق ب4 حبات ثوم كاملة بدون دق وحبة بصل متوسطة بدون قص وفلفل اسود وملح بس"
كيس معكرونة ملونة مسلوقة "مسلوقة بملح وشوية زيت ومغسولة بماء بارد عشان نوقف استوائها"
1 ك خيار مقطع مكعبات
1 ك فليفلة خضراء مقطعة مكعبات
1-2 ك ذرة
3 ك خس مقطع صغير
صلصة السلطة:
3 م ك مايونيز
1 ك او علبة كريمة سائلة "انا استخدمت KDD"
1 علبة روب "زبادي"
1 م م ماسترد او خردل
1 م م بابريكا
1 م م فلفل اسود
1 م ك زيت زيتون
ملح
الطريقة:
نخلط المقادير كلها ونصب عليهم الصلصة ونقلب حتى تحسين ان كل حبة اخذت من الصلصة..
واتركيها على طاولة المطبخ تتشرب الصلصة على الأقل نص ساعة ثم قدميها وبالعافية..
وهذي صور عملها بالترتيب :) ..
يــتــبــع :)..