غرومة..
•
تكملة طريقة عمل القوزي :) ..
الحلويات ..
تمر محشي جوز البلقان ومكور بجوز الهند "التمر معجون بدهن عداني ومحموس على النار تقريبا 10 دقايق لحد مايبدا التمر يلين "
غريبة الفستق
فواكه
يــتــبــع :)..
غرومة..
•
لقيمات أم عزيزان رووووووووعة ولذيذة لونها اصفر لان امي ضافت على العجينة زعفران..
عصملية نوعين "جبن وقشطة" جاهزة من برة
كريم كراميل "علب"
حلو سهل ومايخذ وقت وهذي طريقته..
حلو سهل بس ما ادري شسمه "كيك بصوص بطعم الآيس كريم" روعة
المشروبات:
شراب بيذان "بس هالمرة ضفت له كوب حليب"
عصير فواكه
عصير ليمون ونعناع
فيمتو
قهوة عربية
دارسين
شاي بالزعفران
وهذي كانت سفرتنا اليوم ولله الحمد والشكر ، انتظروني غدا بسفرة جديدة :) ..
دعواتكم لأبوي الغالي ان الله يشفيه وطولنا بعمره وعمر أمي الغالية..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
اللهم أميــــــــــــــــــــــــــن ..
غرومة..
•
حياك الله يا غرومه و سفره دايمه ممكن بعد اذنك طريقه الدجاج و الارز الاصفر اللى فى سفره اول يوم يعنى بعد اذنك التفصيل و المقادير التفصيل و كل سنه و انتى طيبه وان شاء الله السنه الجايه مع زوجك باذن اللهحياك الله يا غرومه و سفره دايمه ممكن بعد اذنك طريقه الدجاج و الارز الاصفر اللى فى سفره اول يوم...
سلق الدجاج..
المقادير:
دجاج منظف ومغسول عدل "1 كجم"
1 بصلة متوسطة مفرومة
2 فص ثوم كبير مهروسين
ملح ، 1 ماجي ، 1 م ص فلفل اسود ، 1 م م كركم ، 1 م م بهار دجاج ، حبتين هيل ، عود دارسين
2 لتر ماي
الطريقة:
احمسي بصل بشوية زيت ثم ضعي ثوم مهروس ثم ضعي الدجاج وقلبي لحد ما تبدا يتغير لونه..
ضيفي البهارات وقلبي لحد ماتختلط بالدجاج ثم صبي الماي عليها وخليها تغلي اكثر من مرة لحد ما تستوي..
صفي الدجاج وخليه بطبق بروحه..
طريقة الرز..
صفي ما الدجاج من البصل والثوم والبهارات ، وحطيه بجدر الرز وخليه لحد مايغلي ثم ضيفي الرز عليه "انا احط لكل كوب رز كوب وثلاث ارباع الكوب ماء مرق دجاج" وعدلي الملح ولما يبدا ينشف حطي عليه زعفران وخليه يطبخ على البخار..
قبل قلي الدجاج ضيفي عليه شويه كركم مع ماي الدجاج عشان يعطي لون للدجاج واقليه بالزيت الحار..
وقدميهم بالعافية :) ..
الصفحة الأخيرة
تكملة طريقة عمل القوزي :) ..
يــتــبــع :)..