غرومة..
•
say yes :
ممكن طريقه اللقيمات حبيبتى وطريقه الهريس وكبسه جدتك الله يخليكممكن طريقه اللقيمات حبيبتى وطريقه الهريس وكبسه جدتك الله يخليك
هذي طريقة اللقيمات وترى لونها اصفر لان امي ضافت على العجينة زعفران....
الهريس ..
المقادير:
4 ك هريس مغسول عدل ومنقوع ليوم كامل
لحم عجل هبر بدون عظم "بس قولي لللحام ابي لحم للهريس راح يعطيج هالنوع"
4 لتر ماء
حبة بصل مفرومة ناعم
3 م ك سمن
عودين دارسين ، م ص فلفل اسود
ملح
الطريقة:
قلي البصل ثم اللحم ويقلب لحد ما يتغير لونه ثم البهارات وقلبيه ثم الماي وخليه لحد مابيدا يغلي ثم نضيف الهريس المغسول ثم نحرك حتى يبدا في الغليان مرة اخرى ..
نتركه على نار عالية مع التحريك المتقطع حتى تشعرين ان الماء يبدأ سطح الهريس يبين من السائل..
نغطي سطح القدر بقطعة من القصدير ثم نضع الغطاء ويجب استخدام قدر له غطاء محكم لاننا نبيه نطبخه البخار على نار خفيفة جدا لوقت طويل ..
نقصر على النار على اقل درجة ممكنة نضع قطعة من الحديد تحت قدر الهريس ونتركه لمدة ساعتين أو اكثر..
بس يستوي حاولي تهرسين الهريس بملعقة خشب كبير او جهاز هرس الهريس وعند التقديم حطي سكر و دارسين مطحونين وسمن أو زبدة وبالعافية على قلوبكم ..
البرياني باجر ان شاء الله ادق على جدتي عشان تعطيني الطريقة لانها الحين اكييييييييد نايمة :42: ..
غرومة..
•
لا يمكنك مشاهدة هذا التعليق لانتهاكه شروط الاستخدام.
ان شاء الله بس ما ادري متى بس اوعدج اني اسويلج اياها وعلى الطريقة المصرية واللبنانية بعد :22: ، شتبين بعد :) ..
بس عطيني وقت..
الصفحة الأخيرة
أدري انها مو موجودة لان الموقع اللي كنت محملتهم عليه لغاهم عشان جذي انا حاطة الطرق اهنيه بالتفصيل والخطوات :) ..