مجروحه ,,,
•
:32: لا خلصتي علميني عشان ارد عليج
غرومة..
•
مرق لحم بالكزبرة لذيذ جدا..
المقادير:
لحم بعظم
خضار "كوسا ، بطاطس "
1\2 ك كزبرة مفرومة
1 ك دقوس "طريقته بالردود الأولى"
طماطم مفرومة
بصل
صلصة طماطم
ملح وماجي وبهار لحم
ماء ساخن
الطريقة:
قلي البصل ثم اللحم ويقلب لحد ما يتغير لونه ثم الطماطم وشوية الدقوس وقلبيه وخليه 10 دقايق ثم ضيفي البطاطس والكوسا والكزبرة وباقي الماء والصلصة والبهارات وخليه لحد ما يستوي على كيفه..
وهذي الصور :) ..
التشريب..
المقادير:
خبز ايراني
مرق
الطريقة:
قطعي الخبز الايراني على الحجم اللي انت حابته وصبي المرق عليه "بدون اي شي " وخليه يطبخ لمدة ربع ساعة ..
وقدميها وبعد التقديم ضعي على الخبز الخضار واللحم اللي بالمرق..
وهذي صورة تشريبة اليوم :22: ..
الطبق الرئيسي مطبق سمج "هامور وزبيدي مع بعض امي حبيبتي مالها خلق تسوي طبختين فدمجتهم هههههههه :hahaha: " بس والله والله والله يجنن لايطوفكم من جد..
المقادير:
كيلو سمك هامور مقلي
كيلو سمك زبيدي مقلي
5-7 اكواب رز
1 ك بصل مقطع جوانح
1\2 ك كزبرة مفرومة خشن
4 حبات طماطم مقطعة شرائح
2 فليفلة خضراء مقطعة شرائح
1 فلفل حار مقطع
2 فلفل حار للنكهة
علبة صلصة طماطم
1\2 كوب ماء
1\2 كوب كشمش "زبيب"
3 م ك بهار سمك
1 م ك فلفل اسود
1م م كركم
ملح
الطريقة:
نقلي السمك بزيت غزير..
نسلق الرز ماء وملح و عود دارسين وهيل..
نشخل الرز بعد مايستوي 3\4 الاستواء ونخليه..
تطبيق المطيق:
نقلي البصل بشوية زيت لحد ما يتغيرلونه ثم نضيف الطماطم والفليفة والقلفل والكزبرة ونقلب ثم البهارات ونقلب لما تبدا الخضار تذبل شوي نضيف الصلصة والماء ونخليه لحد ما يغلي الخليط..
نبدا نصف السمج عليه ونرش الكشمكش ونحط كمية قليلة من الرز وقلبه شوي شوي عيان ياخذ اللون ثم نضيف باقي الكمية ونغطيه عدل ونخليه يستوي على نار هادئة عشان يكمل الرز سواه بالبخار وبعدما يخلص يقلب وبالعافية..
وهذي صورة عمله بالترتيب :) ..
غرومة..
•
تـكـمـلة صــــور مــطبـــق السمج :42: ..
وهذي صورة مبينة طبقات الرز الملونة :22: ..
وهذي كانت للشباب فديت قلبهم :26:..
الحلويات كانت:
كريم كراميل "علب" من امس
جلى وكاستر
تمر محشي من امس
فواكه
حلو الرافيلو للغالية أم عزيزان يجنن "بس اخذ مني علبة كاملة حليب 375 غ"
المقادير:
1ك جوز الهند
1ك شوفان
1ك حليب بودر
علبة حليب نستله المركز المحلى
لوز للحشو
الطريقه :
تخلط المقادير الناشفه وتعجن بالحليب المركز ، حتى يصير عندي عجينه قابله للتشكيل ، وانا اخذ مني ثلاث ارباع الحليب ، تكور وتحشى باللوز ، وتدحرج بجوز الهند ..
المشروبات :
عصير برتقال
عصير ليمون ونعناع
فيمتو
قهوة عربية
دارسين
وهذي كانت سفرة اليوم ، انتظروني مع سفرة باجر ان شاء الله :) ..
دعواتكم لأبوي الغالي ان الله يشفيه وطولنا بعمره وعمر أمي الغالية..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
اللهم أميــــــــــــــــــــــــــن ..
الصفحة الأخيرة