حبيبتي هذي الطريقة ورديت حملت الصور..






شوفي انا ماجربت اخلطهم بس ينفع ، وجربي قبلها بكمية قليلة احسن وشوفي الطعم "بس دام ماعندج خادمة ليش ماتيبين الجريش والهريس من بره لانهم راح ياخذو وقت طويل ويحتاجون مجهون بالدق عشان تهرسينهم وحتى المعجنات، وانت بحاجة للوقت عشان عندج عزيمة ولازم تنوعين وبنفس الوقت لازم تكونين بحيلج عشان الضيوف ولان الهريس والجريش راح يشغلون الغاز عل الاقل 3 ساعات وانت اولى بهالوقت تسوين فيه اشياء وااااااااايد <<< هذا رايي " ..

نصيحتي لج اول شي سوي القوزي "واذا مو متاكدة من النتيجة عندج من اليوم ليوم السبت جربي الطريقة وذوقيها واذا ما بيضت الوجة تعالي وقوليلي ياغرومة انت ما تفهمين شي بالطبخ ،والله مو مدح بطريقتي بس كل من ذاقها جن عليها وترى احنا كل اسوعين نسويها وراح تشوفيها برمضان جم مرة نسويها للذتها :22: " ..

معكرونة بالبشاميل اللي موجودة برابط العزيمة..

وسمبوسك منوعة وكبة

وتشريبة ومرق الكوسا لاني اموووت فيه واحسة احلى من القرع <<< ما احبها ..

سلطات انا حاطة اهنيه كذا نوع اختاري منهم الأسهل عليج وعلى حسب المقادير اللي متوفرة عندج وترى كلهم لذيذين وسهلين

المشربات :
سوي كل المشروبات اللي موجودة عندج ودامها عزيمة ما تعرفين شنو اذواق الحضور وخلي كل واحد تختار على ذوقة..

المشروبات الساخنة:
قهوة عربية
شاي بالزعفران
دارسين

بالنسبة للحلويات :
سوي حلو الرافيلو للغالية ام عزيزان سهل والكل يطلبه
لقيمات الغالية ام عزيزان مضبوطة ومقرمشة
وسوي هالحلويات قبلها بيوم "عشان ماتزيد عليج الصحون سوي من كل نوع طبقين كبار وخلي اللي يطلب قطعيله وحطيه بصحن ، مثل طريقة البوفيه":
كريم كراميل العلب لاني ما احب اسوي الكريم اللي بالفرن برمضان لانها تضيع كل وقتك ..
جلي طبقات ملونة بالفواكة راح اسويه ان شاء الله الايام الياية..
تمر محشي حشوات مختلفة "مكسرات ، حلوى ، جوز هند ، وسادة لان الناس اذواق"
فواكه

وهذا رايي عاد الله يعينج لاني جربت المعاناة يوم سويت العزيمة لامي وابوي بدون خدم وطيرت معاش خدامة على خواتي عشان يغسلون الصحون لاني افضل اكسرهم ولا اغسلهم :hahaha: ..

وهذا الرز اللي نستخدمه..

افااااااااا يا غرومة....

ما شفنا فطوووووووووور اليوم ..

مـــــــــــاشــــاء الله تــبـــارك الرحــــمــــن..




خامس ايام رمضان :) ..
اليوم اخواني فديت قلبهم ويانا لان محد عندنا عشان جذي السفرة مليانه لله الحمد والشكرعلى نعمته..

هذي صورة السفرة "ماشاء الله تبارك الرحمن" أول مرة اصورها جاهزة ..



شوربة العدس اللذيذة :) ..

المقادير:
1 ك عدس أصفر
علبة صلصة طماطم
الماء يعتمد على السمك اللي انت تحبينه "مابين 8 اكواب ماء "
كمون وفلفل أسود ومكعب ماجي وحبتين لومي
2 م ك بصل مفروم

الطريقة:
يغسل العدس جيدا ويسلق بالماء..
نطحنه بالخلاط الكهربائي طحن خشن وبعدين نحمس البصل المفروم بجدر بشوية زيت لحد ما يتغير لونه ونصب خليط العدس..
نضيف البهارات والمعجون ونقلب وخليها لحد ما تغلي ونطفي النار عنها..
وقدميها مع الخبز المحمص والليمون وبالعافية :) ..
وهذي صورها بالترتيب..







سلطة خضراء..

المقادير:
2 ك خس مفروم
1 ك خيار مفطع ناعم
1 ك طماطم مفروم ناعم
2 م ك زيت وعصير 2 ليمون وملح
رشة دارسين وفلفل اسود ونعناع مجفف

الطريقة:
تخلط المقادير ويرش خليط الصلصة وتقدم..

المعكرونة باللحم المفروم خفيفة وسهلة ولذيذة :) ..

المقادير:
معكرونة أي نوع
لحم مفروم خشن
بصل
طماطم
فليفه ملونه
صلصة طماطم
بهارات وملح وماجي
ماء
شويه جبن مبشور

الطريقة:
احمسي البصل واللحم المفروم والبهارات ثم الطماطم والفليفله ثم الماء وصلصة الطماطم خليهم لحد ما يغلو وبعدها ضيفي المعكرونة وقلبي وخليها لحد ما تشرب الماء وتستوي وبعد ما تستوي ضيفي شويه جبن موتزريلا مبشورة واخلطيها معاها وخليها لحين التقديم ..
وهذي صورة عملها بالترتيب..









مرق اللحم بالقرع ، كل اخواني حبوه ويقولون لذيذ بس انا ما احب القرع ..

المقادير:
لحم بعظم
قرع مقطع مكعبات
طماطم مفرومة
بصل
صلصة طماطم
ملح وماجي وبهار لحم
ماء ساخن
2 فلفل حار بدون تقطيع للنكهة الطيبة

الطريقة:
قلي البصل ثم اللحم والفلفل ويقلب لحد ما يتغير لونه ثم الطماطم وشوية ماي وقلبيه ثم القرع وباقي الماء والصلصة والبهارات وخليه لحد ما يستوي على كيفه..
وهذي صور عمله بالترتيب..