غرومة..
•
هههههههههههههه الله يفرح قلوبكم مثل ماضحكتوني والله تاخرت حلقة اليوم لان الصور واااااااااااااااايد واحتاجت مني وقت طويل ..
ام علاء فديت عمرج يالغلا على التميز والتثبيت هذا من ذوقج ياعسل..
يلا نبدا الحلقة اليوم :)..
ما شاء الله تبارك الرحمن..
سادس ايام رمضان..
اليوم كان عندنا ضيوف رجال فكل اخواني وابوي قلبي اهم كانو بالدوانية مو ويانا يعل عيني ماتفقدهم ان شاء الله ، عشان جذي سفرتها اليوم على قدنا حقنا احنا البنات ويا امي فديتها وترى حاول اخلي اخوي يصور سفرة الدوانية وساحلته بس مارضى قال استحي شيقولون الرجال..
الغالب على سفرة اليوم الطابع المصري بس بطريقتنا الخاصة بالتحضير :) ..
هذي صورة السفرة..
شوربة شعرية ماجي بالخضار اللذيـــــــــــــذة "سويتها قبل هالمرة بالخطوات اليوم الثالث وترى صورة التقديم مسحتها بالغلط ويا صورة السلطة <<< بنطق الحين"..
المقادير:
2 كيس شوربة ماجي الدجاج بالشعيرية
1 ك حبة بطاطس صغيرة"مقشرة ومقطعة قطع صغيرة جدا"
1 ك حبة زهرة متوسطة "مقشرة ومقطعة قطع صغيرة جدا"
1 ك خضار مثلجة
الماء المقدار المذكور غلى الكيس
الطريقة:
نخلي الماء يغلي اول شي وبعدين نضيف بودرة الشوربة ونقلب وبعدين نضيف الخضار وخليها لحد ما تغلي ونطفي النار عنها..
وقدميها مع الليمون وبالعافية :) ..
وهذي صورتها واهيا تغلي <<< :hahaha: يافرحتي فيج والله..
سلطة خضراء..
المقادير:
2 ك خس مفروم
1 ك خيار مفطع ناعم
1 ك طماطم مفروم ناعم
1 ك بقدونس مفروم ناعم
1\2 ك نعناع مفروم ناعم
1\4 ك زيت وعصير 2 ليمون وملح
رشة دارسين وفلفل اسود ونعناع مجفف
الطريقة:
تخلط المقادير ويرش خليط الصلصة وتقدم..
هريس وجريش من برة "لان ماكان عندنا وقت قعدنا متاخرين :30: "
المعكرونة باللحم المفروم والباذنجان لذيذة جدا..
المقادير:
معكرونة أي نوع
لحم مفروم خشن
بصل
طماطم
فليفه ملونه
باذنجان مكعبات مقلية
1 ك طماطم مهروسة بالخلاط
صلصة طماطم
بهارات وملح وماجي
ماء
شويه جبن مبشور
الطريقة:
احمسي البصل واللحم المفروم والبهارات ثم الطماطم والفليفله والباذنجان ثم الطماطم المهروسة والماء وصلصة الطماطم خليهم لحد ما يغلو وبعدها ضيفي المعكرونة وقلبي وخليها لحد ما تشرب الماء وتستوي وعند التقديم ضيفي شويه جبن موتزريلا مبشورة على الوجه..
وهذي صورة عملها بالترتيب..
غرومة..
•
تــكمــلــة صـــور عــمـل المعكرونة :) ..
مرق كوسا وبطاطس اللذيذ يمي يمي :32:..
المقادير:
لحم بعظم
خضار "كوسا ، بطاطس "
2 ك طماطم مهروسة بالخلاط
طماطم مفرومة
بصل
صلصة طماطم
ملح وماجي وبهار لحم ولومي
ماء ساخن
الطريقة:
قلي البصل ثم اللحم ويقلب لحد ما يتغير لونه ثم الطماطم والطماطم المهروسة وقلبيه وخليه 10 دقايق ثم ضيفي البطاطس والكوسا وباقي الماء والصلصة والبهارات وخليه لحد ما يستوي على كيفه..
وهذي صور عمله بالترتيب..
الصفحة الأخيرة
ننظرج بأطباقج الحلوه يا حلوه :27: