غرومة..
•
رز ابيض بشوية زعفران "لاتكثرون لان نبي الرز ابيض"..
المقادير:
رز مغسول ومنقوع
2 مكعب ماجي
شوية زعفران
بصل مفروم وشوية زيت
ماء حار
الطريقة:
اقلي البصل بالزيت وخليه يتحمر صبي عليه الماء والماجي والزعفران وخليه لحد مايغلي ، ضيفي الرز وغطيه وخليه على نار عالية لحد مايغلي ثم قصري عليه وخليه يطبخ على كيفه..
غرومة..
•
تطبيق المنسف :) ..
نقطع الخبز قطع صغيرة نسبيا بصحن التقديم ، ونشرب الخبز لبن ثم نضيف الرز ونرش شوية لبن عليه مو وايد ثم نضيف اللحم ونزين الطبق ببقدونس ولوز وصنوبر ويقدم مع صحن لبن وعليكم بالعافية..
وهذي صور تطبيقه بالترتيب "بس للأسف صورة اضافة الصنوبر واللوز وصورة الطبق النهائية ماكانت واضحة ولاصالحة للنشر المرة الجاية ان شاء الله اصورهم واتأكد من جودتهم "..
غرومة..
•
كـــبــة باللبن روووووووعة وسهلة وطبعا الكل يحبها :32: ..
المقادير:
كبة
لبن "نفس طريقة لبن المنسف ، انا اخذت منه شوي"
نعناع مجفف وبقدونس مفروم
الطريقة:
اقلي الكبة بزيت غزير وبعدها صيفيها منه ..
سوي اللبن و اقلي الثوم بالزيت وحطيه فوق اللبن ثم ضيفي الكبة على اللبن "بس ضيفي حبة حبة " وخليهم باللبن يغلون غلوة وحدة بس وطفي النار..
عند التقديم رشي شوية نعناع مجفف على الوجه وبقدونس مفروم..
غرومة..
•
وهذي الكبة باللبن وقت التقديم :32:..
الحلويات :7_18_2: ومعاها ماكو ملابس للعيد :hahaha: :
زلابيا ولقيمات وبسبوسة "كلهم من امس"
قطايف "جوز (جوز مجروش وشوية سكر وهيل ناعم وزعفران وشوية ماء ورد) وجبن (جبن عكاوي وجدايل وشوية موتزوريلا)"
كريم كراميل وجلي ومهلبية
رهش بالفستق
تمر محشي
فواكه
المشروبات:
عصيربرتقال
عصير ليمون ونعناع
فيمتو
قهوة عربية
شاي بالزعفران
شاي النعناع والزعفران "نعناع طازج وزعفران"
وهذي كانت سفرتنا لليوم ولله الحمد والشكر وانتظروني باجر بحلقة جديدة ان شاء الله من يوميات بيتنا :27: ..
دعواتكم لأبوي الغالي ان الله يشفيه وطولنا بعمره وعمر أمي الغالية..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
اللهم أميــــــــــــــــــــــــــن ..
الصفحة الأخيرة
تـــكــمــلة صور عمل اللـــبــن :)..