غرومة..
غرومة..
ونسيت بعد اليوم جربت كرات اللحم بحبنه كرافت شيدر اللي من كتاب جبنه كرافت وطلعت حلوه بس الملح زايد يمكن لاني استخدمت حبه من مكعبات ماجي بالخضار واستخدمت علبه كامله من الطماطم المعلبه نفس الي في الكتاب 400جم وحسيت انها كثيره وان شاء الله ناويه اسوي الكريم كراميل والجريش بس عندي كمن سؤال الكريم كراميل نقلبه وهو حار ولا بعد مايبرد وتقريبا كم نخليه في الفرن واكيد نحطه في حمام مائي طيب المويه ماتنشف؟ وتقلية الجريش نحط زيت على النار وبصل مفروم ونطحن الليمون الاسود الجاف وبس ياريت توضحين لي بالضبط اسفه كثرت عليك الاسئله الله يجزاك خير ويعطيكي كل اللي تتمنينه في الدنيا والاخره
ونسيت بعد اليوم جربت كرات اللحم بحبنه كرافت شيدر اللي من كتاب جبنه كرافت وطلعت حلوه بس الملح...



تسلمون حبيباتي على توصلكم وكلامكم اللي احلى من العسل يالغلا كله :) ..







تسلم ايدج ياقلبي ، وعليكم بالعافية يالغلا :)..





ياقلبي انت والله خلاص تعالي عندنا واحطج على راسي يالغلا ، وبالنسبة للدارسين : 2.5 ك ماء حار و 1 م ك دارسين ناعم و2 عود دارسين وخليهم يغلون مرتين على نار هادية..

وشاي الزعفران ما ادري اي واحد فيهم ، بس الشاي العادي بالزعفران سوي الشاي عادي وحطي بالمطارة او الزمزمية زعفران وصفي الشاي عليه ..

شاي الزعفران بالنعناع : 2.5 ك ماء حار و 1 م ك زعفران ز 1\4 ك نعناع طازج وخليهم يغلون مرتين على نار هادية ، اتمنى اكون افدتج يالغلا ..





تسلم ايدج ياعمري ، وعليكم بالعافية يالغالية :)..





لا ياقلبي سالي كثر ماتبين يالغالية ، حبيبتي طريقة الخبز الفرنسي يعتمد على نوع الخبز اللي انت تستخدمينه واذا كان شو يابس طريه بشوية ماي راح يضبط وياج ان شاء الله ، لان الخبز اللي استخدمه صج فرنسي الطويل بس طري مو اليابس اللي ينفتت بالتقطيع :) ان شاء الله المرة الجاية بصورج الخبز ونوعه ، بالنسبة لريحان والمرقدوش ماياثرون اللي بزيادة النكهة والريحة بس..

بالنسبة لوصفات الكتاب تسلم ايدج وان شاء الله تجربين الباقي لانهم يستاهلون التجرية وانت لاحظتي اني اغير بالتركيبة والمكونات شوي واقلل وازيد على ذوقي يعني لا تلزمين فيها خليها على كيفج وان شاء الله المرة الجاية راح تضبطين الملح لاننا الحين صيام ومحد يقدر يضبط الملح لاني اضبط بالتذوق وكل شوي اذوق قبل رمضان اما الحين بالتقدير :) ..

بالنسبة لكريم الكراميل لاتجربينه الحين لحد ما اسويه واصورة بالخطوات لان كثير بنات جربوه وماضبط معاهم ماادري ليش :( مع انه هذي اول مرة اسوي كريم كراميل بالفرن وانصدمت بالنتيجة والله ، خليني لحد ما اسويها واشوف الغلط وين مني ولا من البنات لان مو معقولة الكل مايضبطه وحرام النعمة تنقط :09: ..

تقلية الجريش:
بصل مفروم وفلفل اسود شوي ولومي مطحون وشوية دارسين اقليهم بشوية زيت وحطيهم على الجريش..

اتمنى اكون جاوبت على استفساراتج وانا حاضرة لاي توضيح :26: ..




وذكرتيني بالجريش الله يذكرج بالشهادة "بنات امس سوينا جريش غير اللي احنا نستخدمه كل مرة اخذ ماء وايد ونشف اضطريت اني ازيد 3 اكواب سائل زيادة لحد ما وصلت للي ابيه فراعو نوعية الجريش وشوفوا شكثر يبي ماي :) ..
شمعةالمنتدى
شمعةالمنتدى
تسلم ايديك غرووومه والله يحفظ والديك من كل مكروه ويحقق لك اللي في بالك يارب عن جد حلتي ازمتي مشكووووره
غرومة..
غرومة..



ماشاء الله تبارك الرحمن




ثامن ايام رمضان..
اليوم كانت عندنا عيال خالتي الله يخليهم فعشان جذي اليوم المنيو منوع عشان الاذواق :42: الله يديمها علينا نعمة ويحفظها من الزوال ، اتمنى انه يعجبكم يالغلا :26: ..

هذي صورة السفرة صورتها قبل التكملة لاني مافضيت والله عشان اصورها عقب ما رتبناها و اكتملت ماشاء الله كانت والله روعة وان شاء الله المرة الجاية ماراح انسى :22: ..



شوربة العدس الصفرا بالشعيرية لذيــــــــــذة..

المقادير:
1 1\2 ك عدس أصفر
كيس شوربة ماجي شعيرية الدجاج
1\4 ك شعيرية مكسرة
شوية طماطم مفروم
الماء يعتمد على السمك اللي انت تحبينه
كمون وفلفل أسود
2 م ك بصل مفروم

الطريقة:
يغسل العدس جيدا ويسلق بماء نظيف ب 4 كوب ماء ..
نطحنه بالخلاط الكهربائي وبعدين نحمس البصل المفروم بجدر بشوية زيت لحد ما يتغير لونه والطماطم ونصب خليط العدس المطحون عليه وباقي الماء..
نضيف البهارات والشوربة والشعيرية ونقلب وخليها لحد ما تغلي ونطفي النار عنها..
وقدميها مع الخبز المحمص والليمون وبالعافية :) ..




سلطة خضراء عادية بالسماق..

المقادير:
2 ك خس مفروم
1 ك خيار مفطع ناعم
1 ك طماطم مفروم ناعم
1\4 ك زيت وعصير 2 ليمون وملح
رشة دارسين وسماق وفلفل اسود ونعناع مجفف

الطريقة:
تخلط المقادير ويرش خليط الصلصة وتقدم..





المرق الدجاج بالكزبرة..

المقادير:
دجاج مقطع
بطاطس نقشرة ومقطعة مكعبات
1 ك خليط طماطم
طماطم مفرومة
بصل
صلصة طماطم
ملح وماجي وبهار دجاج ولومي
1\4 ك كزبرة مفرومة
ماء ساخن

الطريقة:
قلي البصل ثم الدجاج ويقلب لحد ما يتغير لونه ثم الطماطم وشوية خليط طماطم وقلبيه وخليه 10 دقايق ثم ضيفي البطاطس وباقي الماء والصلصة والبهارات والكزبرة وخليه لحد ما يستوي على كيفه..





غرومة..
غرومة..



التشريب..

المقادير:
خبز ايراني
مرق

الطريقة:
قطعي الخبز الايراني على الحجم اللي انت حابته وصبي المرق عليه "بدون اي شي " وخليه يطبخ لمدة ربع ساعة ..
وقدميها وبعد التقديم ضعي على الخبز البطاطس والدجاج اللي بالمرق..






ملوخية..

المقادير:
2كيس ملوخية مثلجة
شوية كزبرة
بصلة مفرومة ناعم
4 كوب ماء سلق الدجاج
حبة طماطم مخرمة بسكين
ماجي وملح
ثوم وشوية زيت

الطريقة:
تحمسين البصل بشوية زيت والكزبرة ثم الماء لحد مايغلي وبعدين تحطين الملوخية الذايبة والبهارات وخليها لحد ما تغلي ثم ضعي الطماطم و بعدين سوي تقليه الثوم :اقلي الثوم مع الزيت وضيفيها على الملوخية وخليها تغلي مرة اخيرة وبعدها قدميها مع الليمون وبالعافية..
وهذي صور عملها..







حمص..
ترى المقادير على ذوقي يعني انت غيريها على ذوقج وسمك الحمص وسيولته على ذوقج..

المقادير:
1 ك حمص حب مسلوق
3\4 ك روب
1\4 طحينية
1 م ص كمون
1 م ص فلفل اسود ورشة ملح
1 م ص بابريكا
فص ثوم مهروس ناعم
عصير ليمون

الطريقة:
حطي كل المقادير بالخلاط وخليهم لحد ما يوصلون للسمك اللي تبينه واذا صار الحمص سميك زيدي شوية ماء بارد كل شوي م ماء لحد ما توصلين لللزوجة اللي تبينها او بالعكس اذا تحبينه جامد زيدي حمص ثم حطيه بطبق التقديم وزينيه وصبي علية زيت زيتون..




المتبل ..

المقادير:
حبة باذنجان كبيرة اشويها على الغاز وقشريها
3\4 ك روب
1\4 طحينية
1 م ص فلفل اسود ورشة ملح
1 م ص بابريكا
2 فص ثوم مهروس ناعم
عصير ليمون

الطريقة:
حطي كل المقادير بالخلاط لفة وحدة بس مو تهرسونه لانه مو حلو يصير او اهرسوه بالشوكة يطلع احلى احبه جذي :) يكون فيه قطع باذنجان حطيه بطبق التقديم وزينيه وصبي علية زيت زيتون..




همسه الشوق
همسه الشوق
ماشاء الله :)
تسسسسسسلم ايدج أختي غرومة والله يعطيج العافيه:)
ويعلها سفرة دايمة يارب:)