غرومة..
•
التشريب..
المقادير:
خبز ايراني أو خبز رقاق
مرق
الطريقة:
قطعي الخبز الايراني على الحجم اللي انت حابته وصبي المرق عليه "بدون اي شي " وخليه يطبخ لمدة ربع ساعة ..
وقدميها وبعد التقديم ضعي على الخبز الكوسا وبطاطس وقرع واللحم اللي بالمرق..
وهذي صورتها..
لازنيا بالكريمة لذيذة بس دسمة..
المقادير:
لازانيا مسلوقة
1 ك طماطم مهروسة مع علبة طماطم وفص ثوم
1 ك كريمة سائلة
الحشو:
لحم مفروم خشن
بصل
طماطم مفرومة
1 ك طماطم مهروسة مع علبة طماطم وفص ثوم
بهارات واكليل الجبل وفلفل اسود وملح وماجي
جبن مبشور
الطريقة:
احمسي البصل واللحم المفروم والبهارات ثم الطماطم والطماطم المهروسة خليهم لحد ما يستوي اللحم..
صفي طبقة لازانيا بالقاع ثم لحم مفروم وجبن مبشور و4 م ك كريمة و4 م ك طماطم مهروسة ثم طبقة ثانية لازانيا ثم لحم مفروم وجبن مبشور و4 م ك كريمة و4 م ك طماطم مهروسة ثم طبقة اخيرة لازانيا وحطي 1\4 ك الكريمة و1\4 ك طماطم مهروسة ورشي الجبن على الوجه..
دخليها الفرن لمدة 45 دقيقة على 180ثم حمريها لخمس دقايق ورفعي حرارة الفرن لل 200 وبعدها طفيه وقدميها وبالعافية ..
"انا خليتها بالفرن وقلت لاختي طفي الفرن بعد خمس دقايق رحت اصلي العصر لانه اذن وانا بالمطبخ ، تدرون جم خلتها الفالحة اختي خلتها 25 دقيقة على النار العالية لما مسكينة شوفو شصار فيها طبعا اختي راحت دارها تسولف بالتلفون مع بنت خالتي لما شفتها محترقة جذي رحت شخلتها زف وعصبت عليها لانها اقهرتني والله وحتى بنت خالتي دقيت عليها وسمعتها جم كلمة عشان ابرد حرتي، بس تدرون والله كانت لذيذة بس الوجه يبس وصار كأن المعكرونة ما نسلقت لحد الحين شلنا الوجه واكلناها :32: ، و ان شاء الله المرة الجاية انا اللي اتابعها "..
وهذي صورة عملها بالترتيب..
يحليلها بنت خالتج شو يخصها مع اني حاسة فيج طابخة ونافخة وتعبتي في الأكله بس درس اليوم
يقولج تابعي الأكلة من اول شيء لحد ما تخلصينها .........خخخخخخخخخ مسوية عمري أبله :22:
يقولج تابعي الأكلة من اول شيء لحد ما تخلصينها .........خخخخخخخخخ مسوية عمري أبله :22:
الصفحة الأخيرة
ماشاء الله تبارك الرحمن
تاسع ايام رمضان..
اليوم لله الحمد كلنا موجودين عساها لمه مباركة يارب والله لا يخليني منهم ان شاء الله ، المنيو كان خلطبيطة من كل بلد صنف :hahaha: ولله الحمد والشكر على نعمته..
هذي صورة السفرة صورتها قبل التكملة لاني مافضيت كنت اتهاوش مع اختي :024: لانها خربتلي اللازانيا وبتقرون القصة تحت <<< شعليكم صار مسلسل حكايات عالمية :hahaha: ..
شوربة ماجي بالشعيرية بدون اضافات..
سلطة المعكرونة الدجاج رووووعة والله ولذيذة جدا "طريقتها موجودة بسفرة اليوم الثالث ، بس انا حطيت 2 م ك خردل "مستردة" و1.5 روب لاني زدت الخس والخيار " ..
صينية دجاج رووووعة ولذيذة جدا جدا..
المقادير:
دجاج مقطع
2 فليفلة خضراء مقطعة شرائح
2 باذنجان مقطعة شرائح
2 بطاطس مقشرة و مقطعة شرائح
بصل جوانح وثوم مهروس
1 فلفل حار مقطع
2 فلفل حار للنكهة
1 م ك فلفل اسود
1م ص كركم ماجي
ماء سلق الدجاج
الطريقة:
سوي الدجاج واسلقيه عادي وبعد ما يستوي ثم اقليه وخليه على ورق ماص..
اقلي كلا من"البطاطس ، الباذنجان" وخليهم على ورق ماص..
صفي الخضار المقلية والبصل والثوم والدجاج بالصينية..
اخلطي البهارات بماء السلق وصبيه على الصينية وخليها على الغاز لحد ما ينشف مايها تقريبا وبعدين حمري وجهها بالفرن..
وهذي صورتها قبل لا احمرها نسيت اني ما صورتها بعد ما تحمرت..
مرق اللحم بالكوسا وبطاطس وقرع..
المقادير:
لحم بعظم
كوسا وبطاطس وقرع مقطع مكعبات
طماطم مفرومة
بصل
صلصة طماطم
ملح وماجي وبهار لحم
ماء ساخن
2 فلفل حار بدون تقطيع للنكهة الطيبة
الطريقة:
قلي البصل ثم اللحم والفلفل ويقلب لحد ما يتغير لونه ثم الطماطم وشوية ماي وقلبيه ثم الكوسا وبطاطس وقرع وباقي الماء والصلصة والبهارات وخليه لحد ما يستوي على كيفه..
وهذي صورته..