يوميات فطور بيتنا بهالشهر الفضيل وبالصور :) ..

حلوة مربربة • 18 سنة

وين فطورج مال يوم الاربعا؟ شو ماتفطروتوا؟؟؟؟؟؟؟ حسافه انا كل يوم ادش اطالع

غرومة.. • 18 سنة

مـــــــــــــــــاشــــــــاء الله تـبــــارك الرحـــــمـــــن

اليوم الثاني عشر من رمضان المبارك ..
اليوم كان عندنا خالاتي وجدتي وربع اخواني عسانا دايما متجمعين على الخير ، ولله الحمد استانسنا والسفرة كانت ولا اروع..
الحلو بالسالفة اني سويت حلو كيك بالكاستر وخالتي ام فيصل سوت نفس الحلو وجابته لنا فديت عمرها القلوب عند بعض ، وخالتي ان يوسف جابت مسقعة على الطريقة المصرية بدون لحم كانت روووووعة..

وهذي صورة سفرت اليوم قبل لا تكتمل :) ..

شوربة العدس بالقرع لذيذة :) ..

المقادير:
1 1\2 ك عدس أصفر
حبة بطاطس صغيرة"مقشرة ومقطعة قطع صغيرة"
حبة جزر متوسطة "مقشرة ومقطعة قطع صغيرة"
قطعة قرع كبر البطاطس مقشرة
1 م ك صلصة طماطم "للون بس"
شعيرية
الماء يعتمد على السمك اللي انت تحبينه "مابين 6 -10 اكواب ماء انا حطيت 10 وطلعت شوي ثقيلة مو وايد"
كمون وفلفل أسود
2 م ك بصل مفروم

الطريقة:
يغسل العدس جيدا ويسلق بماء نظيف مع البطاطس والجزرو القرع ب 4 كوب ماء ..
نطحنه بالخلاط الكهربائي وبعدين نحمس البصل المفروم بجدر بشوية زيت لحد ما يتغير لونه ونصب خليط العدس المطحون عليه وباقي الماء..
نضيف البهارات والشعيرية والمعجون ونقلب وخليها لحد ما تغلي ونطفي النار عنها..
وقدميها مع الخبز المحمص والليمون وبالعافية :) ..
وهذي صور عمها..

سلطة خضراء بالذرة لذيذة وخفيفة ..

المقادير:
خس مفروم
خيار مفطع ناعم
طماطم مفرومة
ذرة
نعناع مفروم ناعم
زيت وليمون وملح
دارسين وفلفل اسود ونعناع مجفف

الطريقة:
تخلط المقادير وتقدم..
وهذا صورتها..

غرومة.. • 18 سنة

هريس وجريش من برة :30: ..

وهذا "السمبوسك خضار وجبن وكبة ، وكبة بطاطا" وقت قليها واهيه على الورق الماص :) ..

الطبق الرئيسي :p ..

محاشي " ملفوف ، فليفة ، فلفل حار ، باذنجان وكوسة " يمي يمي لذيذة جدا..

المقادير:
ملفوف ، فليفة ، فلفل حار ، باذنجان وكوسا
10-12 حبة ثوم مقطع حلقات او مكعبات
10 ك صلصة طماطم "طماطم + ثوم + ماء معمولة بالخلاط = الدقوس العادي"
2 كوب تمر هندي
3-4 م ك نعناع ناشف
2-4 مكعب ماجي
لحم شرائح مع العظم لقاع الجدر "استخدمنا الريش"..

الحشوة:
4 ك رز مصري
2 كيلو لحم مفروم خشن شوي
6 بصل متوسط "مقطع ناعم"
2 كوب كزبرة " مفروم ناعم"
ملح
4 ك طماطم معمولة بالخلاط
2 مكعب ماجي
2 م/ك فلفل اسود ناعم

الطريقة:
أول شي سلق الملفوف بالماء المغلي ..

طريقة الحشوة:
نحط البصل وشوي زيت بالقدر وتقلية شوي ..
وبعدين نحط اللحم المفروم والفلفل الاسود والماجي والملح ونقلبة شوي لما يتغير لونه..
نحط عليهم الطماطم ونقلب شوي بعدين نحط الصلصة ونخلية تقريبا 5 دقايق..
نحط عليهم الكزبرة ونقلب شوي..
نحط الرز ونقلبة شوي و نطفي النار عليه ونحط باقي المقادير..

الحين نحشي "الملفوف ، فليفة ، فلفل حار ، باذنجان وكوسة" و نحشيهم للنص ثم نحطهم فوق شرايح اللحم المرصوصة بالقاع..
نحط طبق ثقيل نسبيا عليهم ونصب الصلصة " صلصة طماطم" والملح والنعناع والماجي والثوم ونحطة على النار..
وبعد ما يستوي نقلبه بصح التقديم بعد ما شلنا أغلبة السائل اللي فيه..
وهذي صور عمل الحشوة والمحاشي بالترتيب..