حبيبتي الف صحة و هنا و لا تخلي شي بخاطرك من وقت للثاني خذي لو نص بسكوته و بالهنا
انا اليوم مررره اشتهيت النوتلا و اكلت لانها صار لها كم يوم بخاطري :)

بس يا ريت حبيبتي تكتبي يومك بعد ما تنهي لانه ممكن تخططي شي و تاكلي شي ثاني بس اذا ظروفك ما تسمح اوكي اكتبي بالوقت اللي يناسبك



صحة و هنا يومك حلوووو



ما شاء الله تبارك الله يومك رائع و شبه مثالي خاصة الرياضة اللي تغطي على الايسكريم و م العسل :) لا تزعلي و اعتبري نفسك لعبتي نص ساعة اقل و عوضيها بكره بنص ساعه زياده
مثل ما دايما اقول الرجيم حرب نفسيه و اجتماعيه قبل ما تكون غذائية الناس عندها هواية لما تشوف حد مسوي رجيم اما تحبطه و تسم بدنه او يسوا المستحيل لتخرب نظامه منهم كيدا و قهراا و منهم محبه و رحمه انه يمكن مشتهيه و حارمه حالها شويه ما راح تضرها و منهم مجرد نفسيات :)
طبعا اكيد اخوك و اختك من زود المحبة خايفين عليك حارمة حالك الله يخليكم لبعض و يديم الحب و الود

اهلين

اليوم
فطوري
نص خبز لبناني
وبيضه و جبنه وزيتون

والغدا
خبز +وبيضه وجبنه نفس الفطور :biggthump بس ماكثرة ولا شبعت

المغرب ضفت صاحبتي:upsidedow

شربت قهوه ماعديتهم
واكلت حلا
وبعده شاهي
ومعجنات

والساعه11
رز وسمك
شبعانه الحمدلله:41:
وبعد مارجعت البيت شربت مويه مع خل التفاح ويارب ياكريم نحفنا بصحه وسلامه امين يارب



بنات كيف بكره الميزان
متحمسه
:icon30:

صدقي يا أم نوره ما حد طفش من الرجيم قدي و خاصة اليوم حسيت خلاااص لكن رجعت للشعار و قراته و بدون مبالغة رجع لي عزيمتي علشان كذا اطلب من جميع بنات التجمع الالتزام بالشعار في توقيعهم
لما اسرار انسحبت الله يوفقها و طلبت من البنات ينسحبوا
احبطت جدااااا لمتى بنضل في هالحلقة المفرغة اللامتناهيه رجيم + رياضة + و شوية التزام = ننزل كم كيلو بعدين نتكاسل + ملل + ضعف اراده + انهزام = نوقف رجيم + نرجع اللي نزلناه الضعف
فعلشان كذا حسيت خلااااص ما ضل في مجال للاستسلام ضاعت احلا سنين من عمرنا و احنا طامسين نفسنا في دهون خربت ارواحنا و نفسياتنا قبل اجسامنا
من هنا جت العزيمة و لله الحمد
و قررت اني و برغم انشغالي لازم اعمل شي مو بس لي و للجروب كمان و ما اخلي فشل او تراجع او انهزام ياثر علينا و احتسبت الاجر عند الله في ان يكون المعلومات اللي اوفرها او اساهم فيها تكون علم ينتفع به و يكفيني و يثلج صدري دعواتكم الطيبه و جزاكم الله كل خير عنها و لكم بالمثل ان شاء الله
لازم يا ام نورة و الكلام للجميع تلاقي بداخلك هالدافع باي طريقة لازم تلاقيه لو تحفري بالصخر لازم تلاقيه لانه طوق نجاة لنجاحك و استمرارك لتحقيق الرشاقة و الاهم منها الصحة و الجسم و العقل السليم جاوبي نفسك بصدق
انا بنحف علشان ايش
علشان مين
تعرفي قرات مره مشاركه لعضوه في موضوع انه بنتها تخجل منها لوزنها لما تروح لها المدرسه
بجد حزنت عليها و على بنتها و تخيلت نفسي و بنتي مكانها هل اقبل على نفسي اكون مدعاة لخجل بنتي مني او اني احس نفسي بموقف الغير مرغوب فيني من فلذه كبدي موقف لا اتمناه لعدوي فما بالك نفسي
مثل ما قلت قبل الرجيم حرب شرسه على السمنه حرب نفسية و اجتماعية و عقليه قبل ما تكون غذائية
خلي هذا يكون
فعاليتنا لهذا الاسبوع
ما هو دافعك الحقيقي و الداخلي و السري اللي ما حد يعرفه لاتباع الحمية و الرجيم ؟؟
بانتظار الجواب و المشاركة من الجميع و بكمل دوافعي في مشاركة منفصلة :)

هلا و غلا بصدي تسلمي حبيبتي على الدعوة الحلوه و لك بالمثل ان شاء الله
تصدقي من شوي كنت اقرا عن كتاب المدرب المشهور بوب هاربر اللي صار له سنين يدرب في البيغيست لوزر (الخاسر الاكبر)
يتكلم فيه عن رجيم ١٠ ك في ٣ اسابيع و يقول بخصوص القهوة الامريكي انها تسرع الايض و الكافيين ينشط خلايا الجسم لتحرق الدهون فبالتالي ينصح بتناول ٣ اكواب من القهوة العادية (الامريكيه او المفلتره ) او النسكافيه و شبيهاته
اول كوب الصباح الباكر قبل الفطور
الثاني بعد الغدا
الثالث في اي وقت يناسبك
شخصيا اشوف انه بين الفطور و الغدا افضل شي علشان نعرف ننام بالليل
طبعا كثير من الدراسات في الفتره الاخيره تاكد هالكلام و انه القهوه و خاصة العاديه يعني مو الخاليه من الكافيين ( ديكاف) سبب لنزول الوزن
و تكلم دكتور اوز في اكثر من حلقة عن القهوه و فوائدها لنزول الوزن

بالنسبة لتحضير النسكافيه احط م ص او م ص و ربع في كوب ماء ساخن و احركها و اضيف لها شويه حليب قليل الدسم و مرااات نادره م ص سكر بني بس بالاغلب اشربه بدون سكر او حليب ساده تعودت على طعمه :)

بالنسبه للميزان شخصيا جبت ميزان اوميرون الالكتروني و سعره حوالي ٢٣٠ او شي قريب للرقم هذا بس بصراحة ندمانه لانه جدااا محبط و يعطيك بالغرامات و كتله الجسم و نسبه الدهون مسوي لي احباط كل ما اشوف هالارقام
فرجعت استخدم ميزان الحمام العادي اقل تفاصيل و اقل وجع قلب :)

ما هو دافعك الحقيقي و الداخلي و السري اللي ما حد يعرفه لاتباع الحمية و الرجيم ؟؟

اول شي اكسب صحتي هذا اهم شي ... واقدر اتحرك مثل الناس بكل راحه

ألبس واتهنى بالي باقي من شبابي اللي ضاع بين اكوام الشحم

واكون جميله في عين نفسي اولاً ثم زوجي ...

أولادي الله يحفظهم ويعيني ع تربيتهم اقدر اللعب معاهم وانبسط معهم

في طفولتهم قبل لايكبررون ..

اتوقع دوافعي عاديه ومتواضعه لكل ام سمينه تتمنى انها تكون

عايشه ومتواجده في كل لحظة او مناسبه مع عيالها ...

السمنه موت بطيء ...