عزيزتي ام توته الله يسعد قلبك يارب لا زعل ولا تطاول ولا شي فديتك هذا دورنا هنا النصيحه احيان والزجر احيان المهم تعم الفائده

اليوم مابي اكتب يومياتي لانها تفشل ام ام التخبيص عمتي مسويه حفله للاطفال وانا سويت مثلهم طفله واخذت راحتب بالكل مره حاولت اعوض بشاهي اخضر وزنجبيل

امتوته من خلال ردك فرحت شوي واستغربت شويتين فرحت ان مقاساتنا قريبه وزني 60 وطولي 149 بس ما شاء الله عليكي نزلتيه 5 برافو

واستغربت من اهل زوجك ترى احنا مودبب مربربين تدرين الكل يقول ياهبله لاتنحفي والله كذا حلو وروعه خصوصا عندي ماشاء الله ثلاث اطفال فيقولوا حلو لوحده عندها 3اجل ايش لون انتي مقاساتك اقل والله غريبه انهم يتمصخروا عليك

عارفه اول ما جيت البيت جيت انا وخهي اقيس وزني لقيته 60 صرخت اااااااااااااااه قلت ولا كيلو يعني خففت ورياضه وبعد ولا نص حتى تحطمت انا تزوجت وع 18 والحين ما شاء الله علي 25 يعني 8 سنوات احاول انحف حلمي كذا بس ماني قادر شفتي المعاناه مع اني عندي صرامه واراده وشخصيه قويه في امور حياتي الاذا التنحيف كاسر خشمي رافض يتزحزح بل يقول هل من مزيد

فيه لقافه شوي بس عذرا ممكن اعرف كم عمرك وكم عندك اطفال وكم احتجتي لتنقصي 5كيلو وايش المشاكل الي عندك بجسمك انا الحمد لله الي خصر وماعندي كرش مجرد زوائد بسيطه والزوائد الكبيره بصدري وزنودي تكفى تكفى تكفى اوقفي جنبي وسانديني حتى لمن تخلص المسابقه يمكن هذا الي كنت افتقده سابقا الدعم المعنوي ولكي دعوات في ظهر الغيب