بنات احنا عمليا بدانا اليوم الثلاثاء
كل ثلاثاء راح يكون فيه فائزه دبدوبه الاسبوع

الي نشوف وجباتها كثرت وايجابيه بردودها وتحمسنا هي الي بتفوز باللقب
اللقب يكون بالتصويت

وياليت يكون فيه مصداقيه عشان نتغير صدق للافضل
والتصويت يكون بامانه عشان نتغلب على النحافه الي احنا تجمعنا عشان نتخلص منها

التصويت يبدأ يوم الاثنين وينتهي صباح الثلاثاء ونبدا نعد الاصوات ونسلم الفائزه بهديتها الي هو شعار دبدوبه الاسبوع



والي تفوز بلقب دبدوبه الاسبوع هي تشوف من اقل وحده وجباتها ومن اكثر وحده محبطه وماتحسنت وتسلمها لقب عصقوله الاسبوع هههههه وهذا الشعار





يالله كل وحده تورينا شطارتها

صباح الخير توني صحيت من نص ساعه

ياحلو النومة بدري والقومة بدري من الفجررررررر :)

اكلت عسل رويال وشوي وبروح افطررررر

ماشالله عليك مراه الروح
الله يزيدك يارب

انا صحيت الساعه 8 و شربت مويه بس العسل خلص نسيت اشتري
الساعه الحين 8 و 24 دقيقه وانا اكل بيض بجبن مع حليب بهيل

مبهمه

بالعاااااااافية على قلبك

انا فطرت وجالسة اتقهوى الحين وبحاول اكل وجبة ثانية ع الساعه 10 لان الغداء بيكون 2

بالنسبة للعسل اشتري عسل رويال هو عسل سدر مع غذاء ملكات النحل من وادي النحل (2×1) وانا شريته من الصيدلية واحط عليه سمسم .. جربيه مراح تندمين
:)

انا شفتك تكلمتي عنه قبل ونويت اشتريه ان شالله

انا شكلي مابستنى للساعه 10 الساعه الحين 9 و5دقايق واحسني جعت ماشالله

عشان كذا احب قومه الصبح لان ارتب البيت فيها واتعب و اجوع بسرعه واكل اكثر من وجبه ماشالله

الحين بروح اسويلي توست مربى وزبده الفول السوداني

وبسوي تمارين البطن لي اسبوع مداومه عليها واحس بطني يعووووووورني منها مدري ليش احس القفص الصدري مشدود بينكسر بس بطني زي ماهو علما ان الترهل خفيف عندي بس ابي عضلات بطن خخخ نفسي فيها