هااي يا بنات :D
أدري إنكم يوم قريتوا العنوان استغربتوا صح؟ و تبون تعرفون السالفة، لا؟
السالفة و ما فيها إن عدنا عرس يوم الإثنين الياي (الجاي، القادم) تاريخ 23/1/2006 و هو عرس عمي و خالوتي، و أنا واايد مواقف استوتلي من سمعت عن خطوبتهم (في الصيف) لين اللحين، فقلت ليش ما أكتب مواقفي حق البنات عشان يستفيدون، يلا بدينا بس بقولكم اللحين عن مواقف اليوم (الأربعاء 19/1/2006)
الموقف الاول
قمت الصبح الساعة عشرة و أنا بمووت من النعاس عشان البارحة سرت عرس حد من اهلنا (بعدين بكتب السالفة) و ردينا البيت متأخر و رقدت متأخر (أكيد ما يبالها كلام). سرت برشت اظرووسي عشان محد يقولي ريحتج خايسة (احححح، شمو ريحة ثمي، فيه ريحة خايسة؟) و سحيت شعري المسشور البارحة و نزلت تحت ببجامتي، و سرت المطبخ، لقيت ماما مناك، تتريق (خمير و جباب و جبن و عسل و عصير برتقال)، و أنا قلت "يلا يا حصة، أول شي سويلج كاباتشينو عشان تيبنين راقية و إنج كبرتي" و يوم كنت بحط الماي في الترمس، ماما تقول "حصيص، شو اتسوين؟" و أنا فجيت حلجي و قلت "ماما، بسويلي كاباتشينو عشان ما أنا كبرت"، قالت ماما: لا لا، لا تاكلين شي. يوم قالت ماما هاي الجملة قلت في عمري (ليش؟ حرام؟ تبوني أموت؟ تبوني أختفي؟ أنا ظعيفة، مافي داعي للرجيم) و كنت بصيح (تراني خبلة يا ناس) بس ماما كملت "عشان بناكل برع" و أنا دموعي اختفت و بوزي انفتح يوم تجوفيني تقولين أسد يالس يثاوب، المهم، سرت و اتكشخت و تلبست و يوم خلصت نزلت تحت عند الدريول بس لا ....
خواتي الهنتين و اخوية و البشاكير استلموني "وين بسيرين؟"، "مع منو؟"، ما خلو شي ما سألوه و أنا كأني صمخة ما أسمع و لا أتكلم، عقب يت ماما و قالتلهم، كلهم قالوا مابنسير، أنا استغربت ليش، من عادتهم انهم يصارخون لين ما يسيرون معانا، قلت في قلبي (الحمدالله، افتكيت من الحشرة) و يوم ركبت السيارة جفت البشاكير اييبون اكياس واايد، قلت أنا ما يخصني المهم أمزر بطني في المطعم، انطلقنا، بس ما سرنا المول، لا، سرنا بيت ربيعة ماما، عقب عرفت السالفة، ماما تبغي توزع البطايق الباقية حق العرس، و عشان جيه خواتي و اخوي ما يبغون يسيرون، مليت من الساعة عشر لين 12 و نص نوزع البطايق و ما خلصنا في باقي واايد، بس ماما رأفت لحالي و قالت خلاص بنسير المول، سرنا الكوفي شوب اللي في المول و يلسنا عشان نطلب و هالحوار اللي دار بيني و بين العاملة:
العاملة: good morning madam
أنا بس عشان أسوي عمري كبيرة قلت: good morning (جفت الاسم اللي على قميصها و قلت) jasmin, how are you
العاملة: fine, did u decide what to order
أنا: yes, my mom wants caffe latte light and
العاملة: how does she want it light
أنا: ya3ni put low fat milk instead of full cream
العاملة: oh now i get it, is that all
أنا: no, i didn't order, i want strawberry tart and
العاملة: sorry ma'am, we don't have strawberry tart, do u want to see the cakes we have
أنا: no, then i want cheese corrassoint with hot chocolate
العاملة: ok, is that all
أنا: yes, quickly i'm hungry
العاملة: ma'am u have to wait, the coffee shop is full
أنا انقرهت، الكوفي شوب كله انجليز و شباب (بنات و أولاد)، يلست أجوف الناس و ماما تكلم يدو في التليفون، جفت واحد انجليزي شايب يالس يتغدى، و أنا عيني على غداه، هو جافني و غير مكان كرسيه عشان ما أجوف أكله (اووف) و لفيت ويهي و جفت بنت مراهقة يالسة مع أمها يشربون كوفي، و في واحد ولد يبى يغازلها، هو ايأشرلها بس هيه تتجاهله (ونعم البنت) بس امها تقول جوفي الولد ليش ما تردين عليه و أنا افتح ثمي، في أم تشجع بنتها على المغازل، المهم، قلت برااية، عشان يابو اكلي، هجمت على الاكل، كأني أسد يهجم على فريسته (واايد أشبه عمري بالاسد) و ماما تقول "شوي شوي، ما بيطير الأكل" فأنا اتأدبت و كلت شوي شوي، ابطأ من السلفحاة (شو بلاني أشبه عمري بالحيوانات، صدق خبلة)، جفت حرمة تخلط القهوة و تشربها، قلت بقلدها، حطيت الشراب في ثمي بس فجأة جان أتفل (تففففففف) كان حاار، حرق لساني، بس الحمد الله محد جافني إلا الشايب اللي كان ما يباني أجوف أكله و ضحك عليه، أنا ما سويت له سالفة و شليت باكيت شكر (سكر) عشان أحطه في الشراب، كان مر، مافيه طعم، خلصنا من الريووق و انطلقنا للمهمة التالية...
عقب الفضيحة في الكوفي شوب، سرنا عند محل يصمم فساتين اسمه هزار عشان نجوف فساتينا حق العرس، ماما ما تبغيني أجوف فستانها أونه سبرايز، فهي قايست في حجرة بروحها، و أنا سرت أقايس، كان واايد حلو، بس قالو شوي وسيع (من حلاة جسمي و رشاقتي <<< لا تصدقوونها) فبي خلص يوم الاحد الصبح، ماما يوم السبت العصر، بس قلنا بنييبه نفس الوقت، اللي استوى إن يوم ماما كانت تقايس، أنا خلصت أقايس و يلست في مكتب المصممة و الشيلة على جتفي و كنت اقرأ المجلة، دخل عليه الهندي عشان يشل الأكواب، قلت أعوذ بالله، نسيت أحط الشيلة بس شليت المجلة و طويتها و سرت أظرب الهندي (صدق، عشان المجلة كانت سميجة(سميكة) شوي)، و الهندي يقول "ماما، هرام، أنا مافي سوي شي، بلييز ما في سوي هق أنا مشكل" بس أنا قلت "ليش تدخل الحجرة بدون ما تدق الباب" و أصارخ عليه، واحد لبناني يا عدنا و المصيبة إني ماعدلت شيلتي (خبلة) و يقول "شو المشكلة مدام" و أنا قلت "شل عني هالهندي و كسر راسه، ليش يدخل بدون ما يدق الباب، عشان ألبس شيلتي؟"
اللبناني: ليه، إنت بتلبسي حجاب؟
أنا: هيه، شو تتحراني
اللبناني: اوكيه، بس ليه مش لابسه دحين؟
أنا: هاه (أدق شعري، و أصارخ) وين شيلتي؟ منو صرقها؟
اللبناني: هدي، هدي شوي، ما تصرخي، حجابك على كتفك
أنا ويهي تلون و عدلت شيلتي و سرت الحمام (اكرمكم الله)
تميت مناك لين ما ماما زقرتني، سرنا البيت و تغديت عشان انسى المصايب اللي استوت اليوم :30:
"سنعود بعد قليل"
حصوصه و بس @hsosh_o_bs
محررة
يلزم عليك تسجيل الدخول أولًا لكتابة تعليق.
يااااااااااااااحليلك ياحصوص ....
اقراء وانا ميتة عليك .......
واللي ضحكتي دخلت الهندي عليك وانتي مو متغطية >>وتسولفين مع اللبناني ومو متغطية ....
خخخخخخخخخخخخخخخخخخخخخخخخ
نحتريك كملي يالله .....
وربي خفيفة دم .....
ههههههههههههههههههههههههه
اقراء وانا ميتة عليك .......
واللي ضحكتي دخلت الهندي عليك وانتي مو متغطية >>وتسولفين مع اللبناني ومو متغطية ....
خخخخخخخخخخخخخخخخخخخخخخخخ
نحتريك كملي يالله .....
وربي خفيفة دم .....
ههههههههههههههههههههههههه
هلا بمداد المشاعر ... هلا
إن شاء الله بكتب المواقف اللي بتستويلي اليوم الفليل، عشان أنا اللحين بطلع مع خالوتي و خالي عشان يجوفون فستان العروس و يعدلونه آخر مرة <<< أخيراً بنفتك من الكرف و التعب، كل فترة و فترة نسير نجوف الفستان، اااه، ملل
إتريوني!
إن شاء الله بكتب المواقف اللي بتستويلي اليوم الفليل، عشان أنا اللحين بطلع مع خالوتي و خالي عشان يجوفون فستان العروس و يعدلونه آخر مرة <<< أخيراً بنفتك من الكرف و التعب، كل فترة و فترة نسير نجوف الفستان، اااه، ملل
إتريوني!
اوه .. اوه ... ياللمفاجأة ... لقد شرفت بنت نجد2005 موضوعي المتواضع ... اخجلتيني <<< ما شاء الله، البنت تستحي، باركوولها :icon28:
شحالج؟
شخبارج؟
شمسوية؟
واايد فرحتيني بردج اللي مثل ما تقول بشكارتنا "سوي ماي هارت مأفوص!" <<< لا تسأليني عن العبارة، أنا أصلاً مافهمتها!
الحمدالله إن سوالفي عيبتج، بس أنا أجوف طريقتي شوي كانت ما تظحك، عشان كتبته الفليل، بس إن شاء الله إذا الله راد، بكتبلكم مواقفي الآتية بطريقة حلوة عشانكم!
يلا أخليج عشان أطلع!
فمان الله!
تحياتي
يابا دابا دوو <<< حصة فلينستون اليديدة
شحالج؟
شخبارج؟
شمسوية؟
واايد فرحتيني بردج اللي مثل ما تقول بشكارتنا "سوي ماي هارت مأفوص!" <<< لا تسأليني عن العبارة، أنا أصلاً مافهمتها!
الحمدالله إن سوالفي عيبتج، بس أنا أجوف طريقتي شوي كانت ما تظحك، عشان كتبته الفليل، بس إن شاء الله إذا الله راد، بكتبلكم مواقفي الآتية بطريقة حلوة عشانكم!
يلا أخليج عشان أطلع!
فمان الله!
تحياتي
يابا دابا دوو <<< حصة فلينستون اليديدة
الصفحة الأخيرة
طبعاً لازم نطلع العصر، بس ما سرنا أي مول، سرنا الدكتور، ليش؟ عشان حظرتي، مريضة من اسبوع و ولا حد سوالي سالفة (حرام عليهم)، سرنا الدكتور (أنا و ماما) و يلست اترياهم يقولون اسمي، زقرتني النرس "ماما هسه، يور ترن!" سرت عند الدكتور و قال "ها هسه (حصة) بنتي، شو إستوي هق إنتي؟
أنا: دكتور، من اسبوع عندي لوز و يعورني
الدكتور: اهااا، اوكي ماما
النرس حطت مقياس الحرارة في ثمي <<< ما عندي حرارة الحمدالله
عقب الدكتور ياب عصاته السحرية و ليت و قالي "يلا بنتي، فكي حلج مال إنت"
أنا: ااااااااااااااااااااااااااااا <<< مثال، خخخخخخ، خبلة لا؟
النرس سوتلي مال الضعظ و كان عادي، و الدكتور يسمع دقات قلبي "دبق دبق دبق"
عقب قالي: كحي شوي
أنا ظحكت ماعرف ليش: هههههههه ههههههه ههههه (عقب شوي) ههههكح كح كح كح كح <<< من كثر الظحك
آخر شي قال حق ماما: ماما مال هسة (حصة)، هسة فيه التهاب في لوز فعطي هي 3 دوا (و كتب في الورقة)
المهم، دفعنا و طلعنا، اتحريت بنسير البيت، بس لا، حتى لو أنا مريضة، ماما لازم تسير المول، سرنا وافي مول عشان نشتري حق اختي الصغيرة فستان، دخلنا و صلينا صلاة المغرب و سرنا shopping ، خخخخخ، امحق تسوق، اول شي، سرنا محلات حريم مب يهال، أنا أيلس أسولف مع العاملات و ماما تجوف البضاعة
نسيت أقولكم إن عمري 13
المهم، كنت أسولف ويا الهندي و اللبنانية اللي في المحل و أقولهم عن العرس، مع إني ماعرفهم، يوم كنا بنروح، العمال كان يودعوني "باي باي حبيبتي، عقبالك"
أنا اتعقدت من كلمة "عقبالك" بس بقولكم بعدين السالفة
المهم، سرنا نجوف ملابس اليهال و ندور و ندور بس لقينا لبس واايد حلو حق إختي الصغيرة و ماما قالتلهم ايودون الفستان حق باجر، عشان إختي بتي تقايس
عقب ما تعبنا من الحواطة، سرنا محل goodies شي واحد بقولكم عنه، كله شباب، ماخذنا راحتنا يوم كنا نتعشى، كان في بنات بس مب واايد، و الشباب ما خلوا بنت ما يجوفونها بس أنا كالعادة ما سويتلهم سالفة و هجمت في الاكل، واايد حلو اكلهم و كل مرة نسير وافي لازم ناكل شي من عندهم.
خلصنا، و قلنا بنسير البيت عشان كانت الساعة 9:00، يوم طلعنا في الparking ركبنا السيارة و كان في زحمة، فتمينا مكانا حق 5 دقايق، واايد شباب يدخلون المول هالوقت، و ماما كانت تسولف في التلفون و الدريول، آخخ يا الدريول، سوالي صداع في راسي، حاط عطر ريحته قوية، و كان في بعد ريحة بصل و ثوم، و كان يعلج لبان "اتج اتج اتج اتج اتج اتج" حشرة، افففف، الدريول كان يجوف الشباب و يعلق عليهم و أنا معاه (ما عدنا سالفة) كنت فاتحة نص الدريشة و أجوف، مرة لفيت و جفت ريال في ويهي "أعوذ بالله" (هاللي قلته) كان ياي بيمر من الزحمة عشان يدخل المول، تخيلي ريال في ويهج يعني جدامج، صدق فظيحة، صكيت الجامة و الدريول يضحك بس رد يعلج اللبان و خفت الزحمة و طلعنا من الباركنج في المول.
وصلنا البيت و افتكيت من الفضايح
هيه نسيت اقولكم، يوم كانت ماما تسولف في التلفون مع ربيعتها الصبح يوم كنا في الكوفي شوب، كانت تقول حق ربيعتها إن نحن عطينا بشكارتكم البطاقة عشان هيه قالت إنت محد و ربيعتها قالت: عرس منو، ماما: عرس إختي، ربيعتها: مبرووك، ماما: عقبال فهد و حصة، ربيعتها تسوي عمرها تتكلم مصري: من بؤك لباب السما يارب
و أنا أقول منو هذا فهد و يالسة أتحرطم، بس ماما تكمل سوالفها و يقولون، شو رايج يوم بناتنا يخلصون ثانوية، نشتري تفق (مسدس) و نصيد معرس (ريال عشان نزوج بناتنا) و أنا أقول مابا و مادري شو
صدق عاد، منو يبغي يصيد ريال
المهم، الدرووس المستفادة:
** ما تواجعين هندي عشان ما تتقفطين
** لا تجوفين أكل الناس في المطعم أو الكوفي عشان ما يقفطونكم
** لا تقلدين الناس في طريقة اكلهم او شربهم عشان ما ينحرق لسانكم
** لا تحشين في الناس و خصوصاً الرياييل عشان ما تتلصقين في ويوهم
و بس
يلا بقولكم شو باجر الفليل عن سوالف باجر
بس لا تنسون الردوود، أبغيكم تعلقون على راحتكم
و باي
تحياتي
يابا دابا دوو <<< حصة فلينستون اليديدة
"سنعود بعد قليل" :30: