السلام عليكم ورحمة الله وبركاته
هذا الموضوع قراته بااحد المنتديات اعجبني جدا .... ويتكلم عن واقعنا الاليم مع الطقاقات في الافراح ................ فهذه احدى القصص الواقعيه التي سردتها تلك الاخت التي كانت من اروع ماكتبت وكانت طريقتها جميله جدا في سرد هذه القصه التي تملاها ابتسامه وواقعيه جدا....
فهاهى القصه اقراءوها بكل تمعن ومفهوميه جدا ظريفه .. شكرا لها وشكرا لكم ..
********************************************************************
>>>> يوم طقتني الطقاقة >>>
يوم طقتني الطقاقة ........
هذا ماحدث فعلا ...... والله والله صدق من قال أن الطقاقات تطوروا لحد ماتحصل كل وحده منهم ..هامتها فوق السحاب ....
والغريب انهم دايم يجون ضايقة صدورهم ومكشرات ...والنفس على طرف الخشم .. طب ترا الاغاني يبيلها سعة صدر ونفس خفيفة من طاقك عشات تجين ...<= = = من جدها البنت ضايق صدرها....
تبدأ القصة يوم شرطت خالتي الله يهديها تجيب فرقة مشهوره عشان تطق بعرسها ..وتبيض وجها قدام أهل المعرس ...
قاموا الاهل واقنعوها ان مالة داعي تتعب نفسها وتتعب ميزانية رجلها وتجيب طقاقة بذيك الحسات( يعني بذاك السعر المبالغ فية) حيث ان اسعار الطقاقات يبيلها مهر ثاني ... وبصراحة وقفت معها انا وقلت لاعرس من دون طقاقة ,,
وشذا اجل محدب جايانا بيقولون ذا موب عرس ذا ماتم ...
قالوا لنا الرجاجيل ,, جيبوا لكم مسجل والعبوا لعب..محدب ماسككم..بس لاتجيبون طقاقة بذيك الحسات ماهيب طاقة الا ساعتين وماشية ولهافتن مكنم ذيك الغمطة(يعني غمطة ام خمس زرقاء...) ,,
قمت انا اطاق واصارخ قلت اجل مانيب عازمة صديقاتي ...وشذا عرس من دون طقاقة تشر المعازيم شر..(يعني ترقص البني رقص)...
المهم بعد طقاق عنيف....كنهم اقتنعوا وقالوا اجل كيفكم الدبره دبرتكم تكفلوا بكلش بس لاتقولون سلفونا ...قلنا لاماعليكم ازهلوها بنجيبها ومناب مستعينين فيكم ..
قام واحد من خوالي قال:موب بكره تجون تقولون لنا ودنا وجبنا لبيت الطقاقة ...ترا انا ماحب اتكلم مع ذا الالشكال ..تراهم ان زعلوا مسكوكم وفرشوكم ...
قلنا لاابد ماعليك بنصلح بس انتم مالك دخل...
المهم العروس انشغلت بتجهيز قشها ...وقمت انا برحلة البحث ..عن طقاقة مناسبة...لعرسنا وخصوصا ان حنا حجزنا القاعة واتفقنا على البوفية وسنعنا كلش...
بس بقى اربع شهور على الصيف..(وهذا الكلام بالصيف الماضي ..يعني تم لة سنة تقريبا...)
المهم قمت ادقدق على البني المشهورات بحب العروس ..(الله من كثرهم بعد) ...
قمت دقيت على وحده كانت تجلس معي بثالث ثانوي...(وذيك البنت من جد قصتها قصة ...لو اقصها عليكم ماصدقتوا ...خصوصا انها كانت طقاقة محترفة وعليها صوت يهبل ..والمدرسات يكلمونها ويقولون لها نبيك انتي وخواتك تجون تطقون بعرسنا ...ويعطونها والله درجات ..<= = = يخافون منها ..وفعلا كانت عماره شاهقة طول في عرض كنها ملعب كوره تنس< = = =( تعرف معنىملعب تنس يعني )..المهم كانت هالبنت تقولي ... انها تحب الطق والطقطقة وانها من كانت بزر وامها تسحبها بالعروس وانها كانت يوم صغيره تجهز لخواتها فساتين العروس وتحب تحفظ الاغاني ويوم اول ماطلعت احلام كان ودها تصير زيها وكانت تقول ان امها من زمان تعرف احلام يوم كانوا صغار... < = = = (تراني مدري صدزها من نصبها ..فلا تاخذون بكلامي همن تجيني احلام تقول مها مهيب فنانة العرب...ترا مابعد نسيت موقفي مع الطقاقات...بيجيكم الموقف بعد شوي)....
المهم بعد مانتهت امتحانات الثانوي انتهت علاقتي فيها يعني انا اصلا ماكنت اشوفها الا يوم الاثنين والثلاثاء(لاانها الاربعاء تكون مشغولة وتستعد
لعرس...وتجهز الطيران مع خواتها ويوم السبت ان جت الفصل بتكون تشخر على الطاولة عشانها مانمت لا خميس ولا جمعة تدوج من قاعة لقاعة....)...
المهم ..... اتصلت على الاستعلامات ..اتصلت على بنات ثنويتي...البنت انشقت الارض وبلعتها ...وانا ماعرف بيتها بس اني اعرف صوتها واعرف انة يقط الطير من السماء...المهم كان اسمها زينب ..بس في المدرسة كانت تلخ
(يعني تطق) اي احد يسميها زينب...(تقول نادوني أفنان ....) لاتستغربون لااني اذكر مره انها جابت امها ....وهي زعلانة ..تقول ان البنات يسموني زينب ..وهذا الموقف حدث فعلا...وبالعاده ..امها تجي كل سبت تجيب زينب عشانها تتاخر ...عن المدرسة ...لاانها ماتحب الدراسة بس..امها ..تبيها تكمل تعليمها (ياحسره تبيها تطلع دختوره الظاهر...ان الطقاقات ماكتفوا من فلوس الطقاقة ....يبون يصكون على الوظيفتين )...يالله تخيلوا مدرسة ودرس الطالبات الصباح وهي الليل تطق بالعروس
الله من الجيل الي بيتخرج ....بعد بيصير جيل يطق رقبة ....
< ===== قامت تنكت .... (اقول وين وصلنا للموضوع )...
ضعت والله
اية المهم ...دقيت على الاستعلامات ..قاموا قالوا لي عطينا اسم ابوها كامل ...المهم فركت كل قدراتي عشان اطلع اسمها من وحده من البنات كانت تقعد وراء من جنبها شعب الكسلاء الي يتسندون على الجدران.... المهم دقيت على البنت وعطتني الاسم ..كامل....
واتصلت على الاستعلامات وخذتة وجيتك طايره .....
طبعا اتصلت ...وردت علي سيلانيتهم ....قلت لها ان رجعت قولي لها مها ال فلان الي معك بالثانوي..اتصلت عليك وتبيك بموضوع عرس... < < = = = حلوه تبيك بموضوع عرس..
(وش اقول بعد) ....
المهم خالتي شبت علي وش سويتي وش سويتي..جبتي الرقم ...ولا لا ..معاد بقا على العرس شيء.......
قلت لها لايابنت الحلال كلش زين ...والأمن مستتب .... <= = = = ماتدرون وش بيجيها من الطق ذي....
المهم بعد 3 ايام من اللطع والتلحط تحت سماعة التلفون ...يدق التلفون و وتطمر اختي جعلها الي مانيب قايلة < = == = يتسابقون على التلفون ...
وقالت لي .....وحده تبيك ..اسمها أفنان ..قلت جاك الفرج ..واطير من الفرح.. ارض جو....
الو ... الو ..هلاوالله ..عاش من سمع هالصوت ....
افنان :ايوه أي خدمة ...
صوتها كنه صوت ( محمدالابراهيم(الوافي) :)
قلت؟؟: وش اخبارك يازينب ...
افنان :نعم ..اقول احترمي نفسك .. من معي..
قلت لها :لااسفة امزح معك ..
افنان :ماعندي وقت بالله عليك خلصينا ..
طيب طيب
قلت؟؟ :والله عزيزتي افنان عندنا عرس بعد ثلاثة اشهر...نبيك تطقين بعرسنا ...
افنان:خوش والله ..3 اشهر بس.....طب تو الناس ...لا بعد نبيك تطقين في عرسنا ..تمونين يامدري وش اسمك ...
افنان :الناس يقولون نبيك تتحفينا بصوتك ..نبيك تشدين لنا ..نبيك تغنين ..أما نبيك تطقين بصراحة انتي مدري وش اقول....(يعني كلامي ماعجبها) وسكتت ..
طبعا انا طق فيني عرق كل هذا عشاني قلت نبيك تطقين ..
المهم نفسي شانت ..(بس وش اسوي خالتي محتده ..وانا ناطة بحلق خوالي اني انا الي بتكفل).. فقررت انطل وجهي بالي هي بة
المهم قلت لها يعني مافية امكانية ...
افنان :والله شوفي اشهر الصيف...زحمة والحجز من رمضان ...
قاعده أقول في نفسي..(الله واكبر ..من رمضان يا افنان وشدعوه الناس تروكع وتهلل وانتي تسوين مواعيد ماعلينا... ..ضريبة الشهره )... (مالومك توك تفتكين من الثانوي وتوك تقومين سبت من دون امك ماتجيبك ..)
< = = = = هذي حقدها شين ان حقدت طلعت الاولي والتالي
قالت عطيني اليوم والتاريخ بالضبط واشوف وارد لك ..
قمت قلت لها ...(بس الله يعافيك ) < = = = = خفت منها ....
نبيك تستعجلين شوي ...
المهم أفنان على بال ماتطلع كلمة تقعد عشر دقايق عشان تطلع الثانية..
تبي تسوي ثقل .....
وانا قاعده اقول بنفسي...(ياريبية شكلها ماعرفتني ....نست اني كل سبت اساعدها وانقلها الواجبات لانها تكون هايتة بالعروس ...كنت رحوم والله اخاف من مدرسة الفيزياء..توقفها وخصوصا ان ذيك المدرسة مطوعة ومتسلطة عليها عشانها تطق بالفصل على الطاولات والكراسي وان مالقت شيء تطق علية طقت على السبووره ...وكنت اتعاطف معها ..بس كنها كفوا ...(وقعدت اقول وراني ماذكرها في نفسي يمكنها ناسية).......)..
المهم تشجعت وقلت اقول افنان تخبرين ايام الثانوي...(قالت تمونين والله )
وطربخ بسماعة.....طوط وطوط وطوووووووط..
(وش خلاني بس اسئلها ذا السؤال..وش لقفني بس ) كنها كفوا < = = = ماعندها غير ذا الكلمة عشان تواسي خشتها الي طاحت ....
المهم ...قعدت طبعا ادور على المشاغل والخياطات ...وادور لي فستان ... كان ودي افصل بس خلاص ..معاد عندي وقت ...مشغولة مع خالتي بترتيبات العرس..
ومن الرياض للدمام ومن الدمام للرياض كلة عشان ذا العرس...
وابوي يقول تراكم يابنياتي بتتحسوفن كلها ساعتين ..همن...بتصفطون الفساتين بالدواليب
المهم ذا ك اليوم ...جاء عريسنا يشوف مرتة ...ويسلم عليها ..قالها يابنت الحلال ...خلينا نسافر واجلي ذا العرس لبعد السفر وان رجعتي سويها حفلة ...المهم خالتي دخلت السالفة بمزاجها طبعا وش عليها هي العروس ..ماهيب راقصة ولا شيء..بترتز على ذا المنصة ..همن بتخلع لبتها ونقعد بها حنا نصب شاهي وقهوه
بس انا وخواتي وبنات خالتي الضعيفات نبي عرس نبي رقص...
هي بتطس وحنا بنقعد نصيح بذا الفساتين الي تكلفنا فيها ...كل فستان بذيك الحتسات ...
المهم ...قالت لة ابرد عليك واشوف و افكر....
المهم اتصل بعد يومين...يشوف وش قررت .._(عشان يحجز متى ويسافرون )
ومن الصدف اني اكون جنبها ...وكل ماقالت شيء نغزتها قلت لا قولي لا ....
وهي مسيكينة احتارت تسوي عرس ولا تهج وتخلي الدنيا تواسى ...
وانا ويا خواتي سهمتنا ...نغز خالتي وقرص وعض وهي تسولف..لين استاذنت منة ...وهي صايلة علينا ..وش تبون ..خلاص ضيقتوا صدري...
وكلنا بصوت واحد ....نبي عرررررررررررررس
نبي نررررررررررررررقص..
نبي نعزم صديقاتناااااااااااااااااااااااااا..
ماتحسين فينا انتي.... المهم الحرمة استسلمت ..وقالت اجل اعتمد عليكم خلاص عرس عرس...
(طبعا افنان العمة مابعد دقت) ..
وبعد عناء طويل..خذت السماعة وبنفخ طلبت افنان .....الو افنان موجوده
ايوه لحظة ...
ردت اختها..افنان في البركة ....(الله واكبر..وصار عندكم بركة بعد ..الله من الخريط بعد ...)
قول لها ماردت علينا بخصوص موضوع انها تغني بعرسنا ...(وجيت بقول تطق...وخفت يجيني واحد طوووووووط)
قالت والله ماعتقد ...حنا محجوزين بذاك اليوم ..
المهم ....قلت كان قلتوا لنا ..مايصير كذا ...عيب ... حنا ورانا ارتباطات ...
وبعدين حنا موب بحاجتكم ...يالله الف من يتمنانا,...ويحضر عرسنا ..مع السلالامة
(قهر سكرت السماعة قبلي ...كان ودي اخبط السماعة قبلها ...المهم بعدين اوريك ياافنانوه) وانا قلبي ينتفض ..من القهر....
الا اختي تسمعني.....اجل تقولين يامها الف من يتمنا يحضر عرسنا يالله اقعدي بها .. خلينا نشوف يوم مابقى الا شهرين ..احد بيوافق ...
ياحوووووووول يارب....
والحل......
المهم ...استعنت بالله ...ورجعت ادقدق على بيوت الربع ...وكل وحده تمدح لي فلانة وتعيب على فلانة وانا ادوج بينهم ...من اختار بس
المهم واجمع لي 4 ارقام او حول خمسة ...الي من الرياض والي من الشرقية والي من جده ...
المهم وحده اعتذرت قالت ابي ثلاثين الف ..وسكرت قبل ماتسكر في وجهي ..لاتسمع شهقتي همن يغمى عليها ...
المهم ..وادق على طقاقة ....دوسرية .....بس صوت مهوب صاحي < = = =على مدح البنات .....
الو..ام بندر موجوده ..
ايوه معك .. < = = =( الله من الفقر ماعندها سكرتيره زي افنان )......(متعقده )
ايوه... حياك الله ...
انا: والله الحاصل كذا وكذا ...وانا سمعت عن صوتك انتي واختك ....واتمنى انكم تشرفونا < - - -
للحديث بقيه ............ انتظرونا .......
:D :D :D
غيم2000 @ghym2000
عضوة شرف عالم حواء
هذا الموضوع مغلق.
فارسة
•
السلام عليكن ، هذه أول مشاركاتي معكن ،،
وسعيدة جداً لانضمامي إليكن ..
لفت موضوع الطقاقة انتباهي لأن واحدة أعرفها حصل لها موقف " مش معقول " معها ،،
تقول ..
.
( ذهبت إلى زواج قريبي ، وكانت الدنيا " تخترش " .. ناس ترقص وناس تصفّر وناس تصفّق ،، وقهوة وحوسة ، والطقاقات رافعات الصوت على آخر شئ ) ..
تقول ،،
.
أنا بكل براءة ، رحت وجلست " قدّام " مرة ، أمام المنصة مباشرة ،تعرفون ،، يصير الرقص واضح ، وتشوفين الناس ،، وجلست أناظر وإذا ..... " بسم الله الرحمن الرحيم " !!
جايبين مصارع ، يقالّي طقاقة !!
.
شعر ولادي مرة ، على الأقل بعض العيال يطولون شعورهم ، هذي شكلها حالقته " مكينة " !
وبنطلون جنز مثل بناطيل " الكاوبوي " ،، وفنيلة " علاقي " ، وسمراء بشكل مخيف ~ !
أختنا في الله " المصارع " استلمها الزار ، كأنها مشبوكة على 220 ، وبدأت تغني وتصافق و.... :
.
بالالالالالا ,, ترالالالااا هولي هولي هولي .. وراء وراء عاشوااااااااا يا ولد !
.
طبعاً .. رفقتنا حامت كبدها ، وطارت عيونها ، و" بلّمت " ،، وهي تشوف هالـ .. ــــرقص !
.
==> رقص !!! :confused:
.
المهم ،،
أخذت تنظر ~ مبحلقة ~ فظنت الأخت الكريمة المصارعة ، أنها أختنا معجبة بها :D وظلّت تستعرض أمامها طوال الليل ، ويمين ويسار وتطالع فيها ، إلى أن صارت معدة " رفيق مال احنا " تقلب :(
.
ولذلك ..
قررت صديقتي العزيزة أن تلقّن هذه الحمقاء درساً لا ينسى ..
فأخذت تنظر ، وتلك تنظر ،، وإذا برفيقتنا ترفع يدها أن ...... كش !
نعم ، بكل برود ، رفعت أصابعها الخمسة بعد أن باعدت بينهن ،، وبثقة متناهية و .. مالت عليك !
.
.
طبعاً ، المصارعون ،، جنونهم ولا ~ تكشّون ~ عليهم فصعقت من هذا الفعل !!
ووضعت كراعها أقصد يدها على ~ خصرها ~ :( وقالت والـ " مقرفون " عند فمها :
.
نعم ؟؟؟
.
.
وضج الصوت مدوياً في أرجاء القصر ..
يا قوي باسك يا ..... رفيقتي ،، اللي ما إن شافت حركة الطقاقة إلا وقامت ترقص عند طاولتها !!!
ورفيقاتها في الطاولة يصفقن لها !
وبعدين صارت ترقص ، وظهرها للطقاقة ..
~ إن كيدكن ~ :D
.
الطقاقة ، اعتبرت الرقص تحدي ، وقامت ترقص ،, وصارت الاثنتان ترقصان !!
.
وبعد انتهاء ..... الوصلة ~
.
أخذت رفيقتنا شنطتها واتجهت مسرعة نحو الباب ، بيد أن تلك لم تمهلها ، وأخذت المايك وصارت تصارخ فيه :
ياكلـ ... ! يا ملعـــ ... !! يا اللي ما تربـ ..... !!!
وهكذا .. الكل التفت على التي تنظر إليها الطقاقة وهي تتكلم " أي صديقتي "
.
" التفتي يا خوافة " .. هكذا صرخت الطقاقة ..
فالتفتت ، بنظرو رومانسية ، وابتسامة ثم أكملت الطريق !!
.
وهكذا ,, انفلت آخر ما كان في عقل تلك " المصارع " وصارت تجري بجنون وراء المسكينة " ماي فريند "
وهبّ الناس وراءها ،، وكان البعض يصرخ محذّراً الفتاة :
جت جت جت جت جت :D
.
لكن قضاء الله نافذ ، وحصل الحادث
.
وتابت صديقتي من بعد ذلك " الطراق " المحترم أن تحارش من هم أكبر منها سـ... حجماً !!
وتوتة توتة
.
.
يقال أن الطقاقة أصيبت بالتشنج من شدة الغضب وسقطت على المنصة ولم تكمل حفلتها الساهرة ، يقولون والله أعلم :rolleyes:
وسعيدة جداً لانضمامي إليكن ..
لفت موضوع الطقاقة انتباهي لأن واحدة أعرفها حصل لها موقف " مش معقول " معها ،،
تقول ..
.
( ذهبت إلى زواج قريبي ، وكانت الدنيا " تخترش " .. ناس ترقص وناس تصفّر وناس تصفّق ،، وقهوة وحوسة ، والطقاقات رافعات الصوت على آخر شئ ) ..
تقول ،،
.
أنا بكل براءة ، رحت وجلست " قدّام " مرة ، أمام المنصة مباشرة ،تعرفون ،، يصير الرقص واضح ، وتشوفين الناس ،، وجلست أناظر وإذا ..... " بسم الله الرحمن الرحيم " !!
جايبين مصارع ، يقالّي طقاقة !!
.
شعر ولادي مرة ، على الأقل بعض العيال يطولون شعورهم ، هذي شكلها حالقته " مكينة " !
وبنطلون جنز مثل بناطيل " الكاوبوي " ،، وفنيلة " علاقي " ، وسمراء بشكل مخيف ~ !
أختنا في الله " المصارع " استلمها الزار ، كأنها مشبوكة على 220 ، وبدأت تغني وتصافق و.... :
.
بالالالالالا ,, ترالالالااا هولي هولي هولي .. وراء وراء عاشوااااااااا يا ولد !
.
طبعاً .. رفقتنا حامت كبدها ، وطارت عيونها ، و" بلّمت " ،، وهي تشوف هالـ .. ــــرقص !
.
==> رقص !!! :confused:
.
المهم ،،
أخذت تنظر ~ مبحلقة ~ فظنت الأخت الكريمة المصارعة ، أنها أختنا معجبة بها :D وظلّت تستعرض أمامها طوال الليل ، ويمين ويسار وتطالع فيها ، إلى أن صارت معدة " رفيق مال احنا " تقلب :(
.
ولذلك ..
قررت صديقتي العزيزة أن تلقّن هذه الحمقاء درساً لا ينسى ..
فأخذت تنظر ، وتلك تنظر ،، وإذا برفيقتنا ترفع يدها أن ...... كش !
نعم ، بكل برود ، رفعت أصابعها الخمسة بعد أن باعدت بينهن ،، وبثقة متناهية و .. مالت عليك !
.
.
طبعاً ، المصارعون ،، جنونهم ولا ~ تكشّون ~ عليهم فصعقت من هذا الفعل !!
ووضعت كراعها أقصد يدها على ~ خصرها ~ :( وقالت والـ " مقرفون " عند فمها :
.
نعم ؟؟؟
.
.
وضج الصوت مدوياً في أرجاء القصر ..
يا قوي باسك يا ..... رفيقتي ،، اللي ما إن شافت حركة الطقاقة إلا وقامت ترقص عند طاولتها !!!
ورفيقاتها في الطاولة يصفقن لها !
وبعدين صارت ترقص ، وظهرها للطقاقة ..
~ إن كيدكن ~ :D
.
الطقاقة ، اعتبرت الرقص تحدي ، وقامت ترقص ،, وصارت الاثنتان ترقصان !!
.
وبعد انتهاء ..... الوصلة ~
.
أخذت رفيقتنا شنطتها واتجهت مسرعة نحو الباب ، بيد أن تلك لم تمهلها ، وأخذت المايك وصارت تصارخ فيه :
ياكلـ ... ! يا ملعـــ ... !! يا اللي ما تربـ ..... !!!
وهكذا .. الكل التفت على التي تنظر إليها الطقاقة وهي تتكلم " أي صديقتي "
.
" التفتي يا خوافة " .. هكذا صرخت الطقاقة ..
فالتفتت ، بنظرو رومانسية ، وابتسامة ثم أكملت الطريق !!
.
وهكذا ,, انفلت آخر ما كان في عقل تلك " المصارع " وصارت تجري بجنون وراء المسكينة " ماي فريند "
وهبّ الناس وراءها ،، وكان البعض يصرخ محذّراً الفتاة :
جت جت جت جت جت :D
.
لكن قضاء الله نافذ ، وحصل الحادث
.
وتابت صديقتي من بعد ذلك " الطراق " المحترم أن تحارش من هم أكبر منها سـ... حجماً !!
وتوتة توتة
.
.
يقال أن الطقاقة أصيبت بالتشنج من شدة الغضب وسقطت على المنصة ولم تكمل حفلتها الساهرة ، يقولون والله أعلم :rolleyes:
غيم2000
•
شكرا لكم خواتي العزيزات ....وتمام ان القصه اعجبتكم .....وهلا فيك اختي الكريمه فارسه ........ هذه القصه نعم حقيقيه لكني ناسختها مثل ماقلت بالبدايه ...... وقصة صديقتك جدا مضحكه وشجاعه ولكنها مسكينه راحت فيها .......... الله واكبر على الطقاقات وتمردهم .........المهم الان باكمل معكم الجزء الثاني من القصه .... فاليكم البقيه ..:D:D:D
*************************************************************************
انا:والله الحاصل كذا وكذا ...وانا سمعت عن صوتك انتي واختك ....واتمنى انكم تشرفونا < - - - - - - - - صرت ذربة ....واعرف احتسي خفت بعد اغلط همن اروح لطوووووووووط....
قالت ابد تم ..قلت الله يبشرك بلخير..(وماقدرت امسك نفسي ..بعد عناء طويل اخيرا,,,,كني طايحة من السماء)
قالت بس ابوصف لك البيت < == = = == لا والله شكلها هي الي طايحة علينا ...شكل محد طلبها من سنة ...(ماعلينا اهم شيء توافق...وبس...)
طيب قلت عطيني الوصف ..
قالت :البيت صعب عليك يامي ..ابجيك في السوق الفلاني..ونتفق على كلش..
(قاعده اقول في نفسي ياربية وشذي لايكون تبيني اقعد معها في مقهى ..ونطلب ببسي ..واطلع الشنطة السوداء وامد لها امهات خمس قدام العالم ...همن مالقى نفسي الا في cnn)...
طبعا بسرعة رديت قلت خلاص عطيني اسم السوق القريب منك ...
قالت لي الثقبة اول محل ذهب على يدك اليمين اصفطي ...
؟؟؟؟؟؟؟؟ الثقبة ..حشاء وشذا احسبها بتقول الراشد ...
المهم يام بندر ترا عرسنا بالرياض ....يعني ...لاتقولين ماقلنا ..قالت لو يكون بسكاكا جايين جايين ...الله لايعوقني بشر ...
يالله اجل يام بندر الوعد 3 العصر .....قدام سوق الذهب ...
ام بندر :اي على يدك اليمين ...
انا :اية اجل خلاص فمان الله ..
ام بندر..اية لاتنسين يامي ..قعدت اقول بنفسي(اعوذ بالله ..وش فيها ذ ي...)
مع السلامة واخبط بسماعة ..قبل لاتحتسي همن وش يسكتها ...
المهم ...
واستعد واحط المقدم من راسي بالشنطة.....قلت يعني 3 الف زين وبعدين كلش بنتفق علة فيذاك ..
واكلم اخوي واقولة يالله نبي نروح لطقاقة ...الي تطق بعرس خالتك امش ودنا ..
ايش ..
اوديكم ..
طسوا بعد ..مابقى الا اني اروح لبيت طقاقة ...قالت لا ابشرك ذي طقاقة 2000..
مواعدتني بالسوق .. عشان نتفق...
اخوي:اقول لايكون ذي واحد بس...هم يخمك مانشوفك الا بمكة ...تطرين ....
انا:اوف منك ...ماتنفع ..
واطق عباتي ..واركب اختي الصغيره معي ...وامر بيت خالي واخذ العروس ...ومرت خالي واروح معهم ..(العروس جاية الشرقية تتقضى..)
المهم ...نوصل لحد سوق الذهب ونتلفت ..يمين يسار مافية ريحة حرمة بالسوق,,,
الساعة اربع العصر بدري العالم هاجده ...
العروس :يااربية وشذا استويت من الشمس رجعوني يالله ...
مرت خالي:اصبروا يبنات زيمنها تجي هاليحن ...
المهم ...الا حرمة واقفة عند محل ويدينها ذهبان واسواروغوايش وحالتها حالة ...
وتدرو كنها تحرى احد ..
وانزل طايره ام بندر ام بندر....
هلا بامي هلا وتخمني ذيك الخمة ....الي مابعدها خمة ....
وتنزل مرت خالي موشحة وراي...
اية وش قلنا يام بندر ...
ام بندر :الي تامرون عيلة ..يابنتي....بس جبتي المقدم
قلت ابعطيك هالحين 3 الف وبعدها عاد اتفقي مع العرو س..
(قالت ابي 7 الف انا يامي) اجل الحين معي 3 الف(وتمغط القروش من يدي ) وقالت :وليلة العرس اربعةتمدونها بيدي
سكت انا ...وقالت خالتي ...اية بس تجين انتي وفرقتك كاملين ...تراني مانيب احب الي تجي وفرقتها ناقصة ..همن تقول محد شال الطار معي....
قالت :اية بس ودي اقولكم شيء....تراني ذاك اليوم مرتبطة بس اختي وبنات اختي بيجون وتراهم سنعات يابناتي ....وطقهم يهبل وتدس ذاك الشريط في يدي ...اسمعية يهبل...اصدارات الجزيره ... < < < < اما اصدارت الجزيره ..اصدارات نغم ...ولا اصدارات وسع صدرك في محلات ابو هنود...
واطمر بحلقها ....ايش ايش ايش ايش ... < - - - - - - صرت انا الطقاقة مهيب اهي ...
قالت: والله هذا الي صار عاد ..
واسحب القروش ....وامشي واخليها ومرت خالي تلاجد معها ...... مو عيب عليكم ولا ولاولاولاولاولاولاولاولا ....... < < < == يطاقون
المهم واقول لسواق طق بوراي ...قل ذي تجي
.....(اقصد مرت خالي)
مادريت الا ام بندر ...طابة في وسط الشارع من الحمق ...توقف ليموزين ...تبي تمشي وتحقر مرت خالي بشارع ...
والعروس يابعد قلبي تطل برويسها مع الشباك ...< = = = وتراقب الحدث بترصد ... وتركب مرت خالي بعد مامشت ام بندر وخلتها.... وهي تسب وتلعن نعنبوا مابقى بعد الا هذي...
اكلم نفسي..(ياربية يام بندر بعد انتي موب هينة ....زعول...)
مع البقيه / للجزء الثالث .......
:D :D :D :D مع الف تحياتي
*************************************************************************
انا:والله الحاصل كذا وكذا ...وانا سمعت عن صوتك انتي واختك ....واتمنى انكم تشرفونا < - - - - - - - - صرت ذربة ....واعرف احتسي خفت بعد اغلط همن اروح لطوووووووووط....
قالت ابد تم ..قلت الله يبشرك بلخير..(وماقدرت امسك نفسي ..بعد عناء طويل اخيرا,,,,كني طايحة من السماء)
قالت بس ابوصف لك البيت < == = = == لا والله شكلها هي الي طايحة علينا ...شكل محد طلبها من سنة ...(ماعلينا اهم شيء توافق...وبس...)
طيب قلت عطيني الوصف ..
قالت :البيت صعب عليك يامي ..ابجيك في السوق الفلاني..ونتفق على كلش..
(قاعده اقول في نفسي ياربية وشذي لايكون تبيني اقعد معها في مقهى ..ونطلب ببسي ..واطلع الشنطة السوداء وامد لها امهات خمس قدام العالم ...همن مالقى نفسي الا في cnn)...
طبعا بسرعة رديت قلت خلاص عطيني اسم السوق القريب منك ...
قالت لي الثقبة اول محل ذهب على يدك اليمين اصفطي ...
؟؟؟؟؟؟؟؟ الثقبة ..حشاء وشذا احسبها بتقول الراشد ...
المهم يام بندر ترا عرسنا بالرياض ....يعني ...لاتقولين ماقلنا ..قالت لو يكون بسكاكا جايين جايين ...الله لايعوقني بشر ...
يالله اجل يام بندر الوعد 3 العصر .....قدام سوق الذهب ...
ام بندر :اي على يدك اليمين ...
انا :اية اجل خلاص فمان الله ..
ام بندر..اية لاتنسين يامي ..قعدت اقول بنفسي(اعوذ بالله ..وش فيها ذ ي...)
مع السلامة واخبط بسماعة ..قبل لاتحتسي همن وش يسكتها ...
المهم ...
واستعد واحط المقدم من راسي بالشنطة.....قلت يعني 3 الف زين وبعدين كلش بنتفق علة فيذاك ..
واكلم اخوي واقولة يالله نبي نروح لطقاقة ...الي تطق بعرس خالتك امش ودنا ..
ايش ..
اوديكم ..
طسوا بعد ..مابقى الا اني اروح لبيت طقاقة ...قالت لا ابشرك ذي طقاقة 2000..
مواعدتني بالسوق .. عشان نتفق...
اخوي:اقول لايكون ذي واحد بس...هم يخمك مانشوفك الا بمكة ...تطرين ....
انا:اوف منك ...ماتنفع ..
واطق عباتي ..واركب اختي الصغيره معي ...وامر بيت خالي واخذ العروس ...ومرت خالي واروح معهم ..(العروس جاية الشرقية تتقضى..)
المهم ...نوصل لحد سوق الذهب ونتلفت ..يمين يسار مافية ريحة حرمة بالسوق,,,
الساعة اربع العصر بدري العالم هاجده ...
العروس :يااربية وشذا استويت من الشمس رجعوني يالله ...
مرت خالي:اصبروا يبنات زيمنها تجي هاليحن ...
المهم ...الا حرمة واقفة عند محل ويدينها ذهبان واسواروغوايش وحالتها حالة ...
وتدرو كنها تحرى احد ..
وانزل طايره ام بندر ام بندر....
هلا بامي هلا وتخمني ذيك الخمة ....الي مابعدها خمة ....
وتنزل مرت خالي موشحة وراي...
اية وش قلنا يام بندر ...
ام بندر :الي تامرون عيلة ..يابنتي....بس جبتي المقدم
قلت ابعطيك هالحين 3 الف وبعدها عاد اتفقي مع العرو س..
(قالت ابي 7 الف انا يامي) اجل الحين معي 3 الف(وتمغط القروش من يدي ) وقالت :وليلة العرس اربعةتمدونها بيدي
سكت انا ...وقالت خالتي ...اية بس تجين انتي وفرقتك كاملين ...تراني مانيب احب الي تجي وفرقتها ناقصة ..همن تقول محد شال الطار معي....
قالت :اية بس ودي اقولكم شيء....تراني ذاك اليوم مرتبطة بس اختي وبنات اختي بيجون وتراهم سنعات يابناتي ....وطقهم يهبل وتدس ذاك الشريط في يدي ...اسمعية يهبل...اصدارات الجزيره ... < < < < اما اصدارت الجزيره ..اصدارات نغم ...ولا اصدارات وسع صدرك في محلات ابو هنود...
واطمر بحلقها ....ايش ايش ايش ايش ... < - - - - - - صرت انا الطقاقة مهيب اهي ...
قالت: والله هذا الي صار عاد ..
واسحب القروش ....وامشي واخليها ومرت خالي تلاجد معها ...... مو عيب عليكم ولا ولاولاولاولاولاولاولاولا ....... < < < == يطاقون
المهم واقول لسواق طق بوراي ...قل ذي تجي
.....(اقصد مرت خالي)
مادريت الا ام بندر ...طابة في وسط الشارع من الحمق ...توقف ليموزين ...تبي تمشي وتحقر مرت خالي بشارع ...
والعروس يابعد قلبي تطل برويسها مع الشباك ...< = = = وتراقب الحدث بترصد ... وتركب مرت خالي بعد مامشت ام بندر وخلتها.... وهي تسب وتلعن نعنبوا مابقى بعد الا هذي...
اكلم نفسي..(ياربية يام بندر بعد انتي موب هينة ....زعول...)
مع البقيه / للجزء الثالث .......
:D :D :D :D مع الف تحياتي
الصفحة الأخيرة
تسلمين يا عزيزتي
ومشكورة
مع أرق تحياتي :mad: :rolleyes: :cool: :p :o