كوبونات الراقية تسجيل الدخول

~.الأميرة.~
~.الأميرة.~ •
السلام عليكم ورحمة الله

وكل عام وانتي بخير

الله يسعدك اختي انين الشوق على الموضووع الروعه ..والي تحتاجه كل ام

الله يجزاك خير ويوفقك يارب


.........

بقولك قصتي الغريبه مع بنتي والي بدات من الشهور الاولى من ولادتها

بنتي الله يصلحها يارب ...اذا زرنا اهل زوجي تبكي كثير وماتبغى احد منهم يحملها او يلاعبها

من كانت الشهور الاولى ...ماشاء الله ...

اتوقع انه بسبب نفسيتي وانا حامل كنت ازورهم غصب عني وبعض الاحيان اكون تعبانه ...ومريضه وتوني طالعه من المستشفى اروح لهم

وكان زوجي الله يهديه يجبرني على الزيارة لاني بكرية ويتوقع اني لوتركت اجتماع اهله الاسبوعي ماااحبهم ؟؟؟

طبعا هذي فكرة لاننا كنا باول الزواج ومافهمنا بعض كويس .,,,وحملت ببنتي بعد ست شهور من الزواج وتراكمت الامور


المهم بنتي الآن عمرها 3 سنوات ... وماعندي غيرها

ونفس المشكلة ...معي ماتغيرت ..اذا زرناهم تجلس جنبي ماتتكلم مع احد ..ولاتسلم عليهم ولاشي
حتى انهم يستغربون اذا سمعوا كلمة منها ...وتستحي مررررررررة ..وماتبدا تلعب مع الاطفال الابعد نص ساعه من جلوسها جنبي

وانا بصراحه تعبت من السالفه هذي واحرجتني معهم

وماقولك انها ماتسوي التصرفات هذي عند الناس الثانين بعزومه اوشي

تسويها بس اقل نفوور من اهل زوجي

واحس الي زايد المشكلة اننا مانجتمع معهم الا اذا كان الكل موجود يعني مانقدر نزور خالتي لوحدها

كذا طريقتهم ...فابنتي حيوية لدرجة انهم يقولون هذي من بنات الأولين على حيائها ؟؟؟؟؟؟؟

والثاني يقول لزوجي بنتك انطوائية ؟؟؟؟؟؟؟؟ بصراحه الكلام يزعل بنتي مو انطوائية بالعكس مرحه وتلعب مع الاطفال


والسبب الي مأزم انها ماتشوفهم كثير يعني كل اسبوع او اسبوعين او شهر بعض الاحيان وتنساهم

حتى انهم الحين يقارنونها مع اهلي هل تحبهم او تندمج معهم اولا ؟؟؟


وابوها مرة اخذها عند اعمامها .,,وجلست تبكي ..اعطاها كف وهي عمرها اقل من السنه وصار اثر يده بخدها:icon33:(كانها تفهم يتصور هذا العلاج:( لا أويد الضرب بالعكس يزيد المشكلة سوء)

والشي الايجابي خالتي الله يسعدها كل فترة وفترة تجيب لها العاب وشوكليت تبغى ترغب بنتي ...ماقصرت الله يخليها لنا ...

وانا من فترة قصيرة سويت طريقة مع بنتي اذا جلست البسها وارتب شعرها اقولها ياحبيبتي بنرووح لجدتك واعمامك نشوفهم مشتاقين لهم نسلم عليهم ونبوسهم على روسهم ..ونلعب معهم ..ونشوف البنات الصغار ونسولف معهم وتقول ايووة مين بيجي :39: وتكون مبسوطه وهي تقولها)

والحمدلله ماشاء الله عليها بنتي ذكية وتفهم حسيتها تغيرت شوووي ..

ابغى افكار تخليها جريئة ..لانه الحياء بالايام هذي عيب:09:


والمشكلة الثانية مع بنوتي الغالية ... انها حساسة جدااا جدااا جدااا

لاننا بصراحه مدلعينها ...

على طول اي كلمة من هنا او من هنا تبكي .. واذا لعبت مع احد وقال مابغى العب تجلس تبكي

وتحب التملك نوعا ما في العابها لو احد زارنا تزعل ااذا لعب فيها


..وحاليا والجديدة العناد وعلى حسب اطلاعي ... انه هذا سن العناد
مثلا البسي ماتلبس .. ابوها نايم تزعجه .....الخ

وفيه غيرها بس بخليك تاخذي نفس وبرجع اكتب لك ....:D

الله يجزاك خير ويعطيك الي تتمنينه يارب ...:)
أنين الشوق **
أنين الشوق ** •
شيهانة روق شيهانة روق :
السلام عليكم ورحمة الله وبركاته... اشكرك من كل قلبي على هذا الموضوع القيم.... حابه ادخل في الموضوع على طول ... انا عندي بنوته عمرها الآن ثلاث سنين واربع شهور وحامل الآن....قصتي مع بنتي(ماابغى اقول مشكله عشان مااحط في بالي انها مشكله واتأزم) ان بنتي كانت في فترة دراستي تقعد عند امي فتره طويله وامي مدلعتها ...لما خلصت دراسه حاولت اعدل الاشياء الغلط فيها ماقدرت 1-بنتي تحب تاخذ اللي تبغاه...واذا مااعطيتها انا ولاابوها مناحه وترفع صوتها وتنهار. 2- لما اكون في اجتماع او عزيمه عند اهلي الشغالات ياخذون الاطفال للدور الثاني ويشغلون لهم التلفزيون او يحطون لهم الوان ودفاتر يرسمون عشان مايزعجون الضيوف....بنتي مستحيل تقعد قوف مع الاطفال...تقعد تصيح ابغى ماما الين ينزلونها عندي....واذا نزلت تحت تسولف مع اللي اكبر منها وتقص قصص وانا مااقدر اسكتها اخاف احرجها او اكسر شخصيتها قدام الناس وانا يهمني ان بنتي تكون واثقه من نفسها....هذا غير الضيافه وكيف تحرجني بحوستها...اعطيها شكولاته تقعد تصيح وتعبي يدينها الثنتين شوكلاته الين تسكت...وهذا الموضوع ينطبق على العشا... 3-لما اطلعها تروح تلعب مع بنت جيراننا بنفس عمرها او اقول لبنت جيراننا تجي تلعب معها وخلاص احس ان انتهى وقت اللعب ولازم كل واحد يرجع لبيته شوفي المناحه وماتسكت...وتقعد تسوي مسرحيه انا ماعندي احد يلعب معي....انا العب لوحدي ومن هالحكي.... 4-بنتي فوضويه جدآ...لما تلعب بالعابها ماتعرف ترجع العابها مكانها...تحوس وتخلي حوستها....ولما اقولها لميها تقول ماما مااعرف....ازعل منها واتجاهلها واذا جت تكلمني اقولها ماما زعلانه....رتبي اغراضك وماما تكلمك...تروح تلم بعضها وتمل بسرعه وتخلي الباقي وزي اللي تقول عمرك ماكلمتيني ياماما..هذا الشى ينطبق على ملابسها....على الرغم اني اعتمد اسلوب المكأفات اذا سوت حاجه كويسه بس على الرغم من هذا جانب الفوضويه مسيطر عليها..... انا وابوها مو مقصرين معها بشى....بس نحاول مانكون قاسين معها....انا توقعت ان هذا الصح بس لما اسمع تعليقات الناس على دلعها وانو لازم اشد عليها واضربها اذا استلزم الامر...احس اني اخفقت بتربيتها واخاف تكبر وهي بهالاسلوب...ودائمآ احط اللوم على نفسي لأني خليتها فتره عند امي والوالده افرطت بالدلع معها.... ان شاء الله مااكون طولت عليك بس حبيت اخذ رأيك في كيفية ضبط سلوك بنتي وكيف اخليها تسمع كلامي من اول مره بدون جدال واخذ وعطا....وكيف اضبط سلوكها قدام الناس لأنها والله تحرجني كثير...بنات اخواتي ماشاء الله مؤدبات ومن نظره من امهم يفهموا المغزى وهما بنفس عمرها....انا بنتي لو ابقق عيوني ماكأني اقول شى.....تعطيني نظره يعني مااهتميت وعادي...
السلام عليكم ورحمة الله وبركاته... اشكرك من كل قلبي على هذا الموضوع القيم.... حابه ادخل في...


وعليكمـ السلامـ ورحمة اللهـ وبركاتهـ ..
العفو أختي وسامحيني على التاخير ~..
باركـ اللهـ فيكـ عين الصواّب كل ما خففنا المشكلة راّح نشوفها هينة ومجرد شيء عابر ويزول ..
صحيح يا قلبي تصرفات بنتكـ واّضحة إنها نتيجة دلاّل ومفرط ..
فأستغلتهـ لصالحها وحولتهـ وقت اللزومـ إلى عنااّد..
وأحسنتِ التصرف إنكـ لحقتيها لأن للأسف الدلال والدلع الزاّئد ..
سلوكـ سيء جداً ولو ما لحقنا وعدلناهـ حنعاني منهـ مدى الحياّة وخاّصة إذا وصلو لفترة المراهقة / ..
الحين عليكـ تنسين بنتكـ كل شيء تعلمتهـ عند أمكـ اللهـ يحفظها .. وكأنكـ خلفتيها من جديد ..
حطيلها قواعد ثالبتة وطبقيها إنتِ وابوها وخليها تطبقها .. مافي شيء اسمهـ تأخذ إلي تبغاهـ ..
قوليلها هذا لكـ وهذا لي فهميها بهدوء .. مايصير كل شيء تأخذينهـ طيب وأنا وأبوكـ والناّس ..
رضيت كان بها ما رضت اتركيها وطنشيها ..
ومع الإستمرار وبها الطريقة حتتعود إن مو كل شيء ..
بنتكـ محتاّجة تشوف تشجيع ومكأفات على كل تصرف كويس ..
نوعي مرة هدية ومرة بوسة ومرة طلعة ومرة بحيث تتعود إن مافي شيء يجي بالسهل ..
إذا تصرفت كويس نكأفاها أما لو غيرهـ لاّ ..
وماتقوليلها لاّ بوجهها ..
مثلاً قوليلها الحين أنا حنظف البيت ولو حافظت عليهـ لين ما يرجع بابا لكـ هدية حلوة ..
أو حلعبكـ لعبة جديدة وكذهـ ..
ولا تنسين المدح ترى البنات وحتى الأولاد يموتون لو حد مدحهمـ ..
وأمدحيها قدامـ أهلكـ وقدامـ الناس قوليلهمـ بنتي الشطورة ساعدتني وبنتي وبنتي ..
إذا حستها ما تحب كذهـ إكتفي بمدحها في البيت ..
أمـ لو شفتيها تشطح بالكلامـ الحلو فكبري راّسها حبتين ومنهـ تعززين الثقة فيهااّ ..
بس يكون بشيء فعلاً سوتهـ ..مهما كان بسيط ..
صدقيني يا أختي بنتكـ بعمر يفهمـ تقريباً ولكنها عاشت فوضى وتعودت عليها
وعشان تتخلصي من كل هذا ..
أقولكـ أسسكـ كل شيء في حياتها صح وأهدمي كل ما رسخ في ذهنها ..
بنتكـ محتاجة بأمان تحس من خلالهـ بروتين يناسبها ..
أكيد إنها ملت من حياتها مع الوالدة وفرغت هالتملل بالتصرفات الخاطئة ..
حددي وقت للنومـ واللعب والأكل وووو .. والأهمـ طبقيهـ إنتِ وأكيد هي حتقتدي بكـ ..
كونها ماتحب تجلس عند الأطفال فوق فموب مشكلة لأن سبحان اللهـ كل طفل يختلف عن الثاني
ويمكن بنتكـ من النوع إلي تخاف أو تخجل .. الموضوع يبغالهـ مساسيسة ومعالجة ..
ومن الغلط تحكمي عليها في يومأ واحد إطلعي فوق وأنا تحت ..
لكن المشكلة في أنها تتكلمـ لو إنهـا تتكلمـ في أشياّء عادية
فخليها بالعكس لا تكسرينها ولا تكسفينها طالما إن كلامها بريء وما تخرج أسراركمـ ..
خليها تنطلق يمكن ترتاح مع الحريمـ طالما ما أخلت بالأدب وتكلمت بأدب ..
علميها كيف تتكلمـ معاهمـ ولا عاد تنحرجي هي تحس كذهـ إنها كبرت ومحتاّجة تتكلمـ مع الكبار ..
وعلى العكس ها لشيء بيساعد قدراتها كثير
والأهمـ إنها تحت نظركـ فإنتِ هنا أحكمي كيف طريقة كلامها وش هو الكلامـ
ومنهـ عالجي هذي المشكلة بالطريقة السليمة / ..
إذا كررت نثر الألعاب ورفضت تلمها فببساطة جداً إحرميها منها بدون صراخ ولا ضرب ولا غيرهـ ..
حتيجي حتقولكـ ماما وين ألعابي ..؟

قوليلها إنت تكبينها وماترجعين تلمينها ..

يمكن تترجاّكـ ترجعينها ويمكن تدور على فكرة ثانية تشغلكـ فيها ..

إن كانت الأولى فأعطيها إياهـا وقوليلها لو ما لميتها حرجع

أحرمكـ منها وإتفقي إنتِ وياها على وقت تنتهي من لعبها فيهـ

وقوليلها وش رايكـ تخلصين لعبكـ الساعة 8 عشان تساعديني

في الغسيل مثلاً أو عشان نرتب غرفتكـ أو غرفتي سوى ..
أما إن دورت على طريقة ثانية فإنتِ هنا طنشيها ولا كأنكـ تشوفينها ..
عليكـ بالهدوء التامـ يالغلاّ .. إنتِ وابوها تحلو بالحكمة والسياسة ..
حببوها في الحوار والأخذ والعطاّء كلموها وخلوها تكلمكمـ لعبوها وخلوها تلعبكمـ ..
لأنهـ بصراخكمـ ومواجهكتمـ السلوك السيء بنفس الشيء تصرف سيء يكبر المشكلة ..
مرة قريت إنهـ لو جى طفلكـ وأصر إنهـ يشتري لعبة وعملك مناحة عشان يشتريها ..
من الغلط نقولهـ لا ممنوع ما في لعب وعندكـ لعب واللعبة غالية
ولا شرطت عليكـ من قبل ما نخرج ومن هالكلامـ ..
والصح إننا نقولهـ أعرف إنكـ تبغى هاللعبة وأعرف إنهـ نفسكـ فيها بس ميزانية الشهر ما تكفي
ولا ما حطينا بجدولنا إنهـ نشتري لعب ..
وهذي كانت طريقة تعامل الطفل من عمر سنتين ولو عودناهـ على كذهـ مع الوقت حيتعلمـ من نفسهـ
ويمكن حتى يستأذن لما يحب يشتري لعبة أو غيرهـ ..

اعتمد اسلوب المكأفات اذا سوت حاجه كويسه بسعلى الرغم من هذا جانب الفوضويه مسيطر عليها.....

انا وابوها مو مقصرين معهابشى....بس نحاول مانكون قاسين معها....انا توقعت ان هذا الصح بس لما اسمع تعليقاتالناس على دلعها وانو لازم اشد عليها واضربها اذا استلزم الامر...احس اني اخفقتبتربيتها واخاف تكبر وهي بهالاسلوب...ودائمآ احط اللوم على نفسي لأني خليتها فترهعند امي والوالده افرطت بالدلع معها....

أسلوب المكأفات حلو جداً وأنا ذكرتهـ من قبل لا أكمل قراية

مشكلتكـ وكونكـ تعتمدينهـ فهذا طيب كثير بس لا تملي يالغلا ..

هي جلست عند أمكـ فترة طويلة وترى التربية مثل الوزن يزيد

بسرعة بس لما نجي تزلهـ يطلع الروح وهالتربية مثلهـ تماما

الطفل يكتسب السلوكـ الغلط بسرعة وبلحظات ولما نجي نعدلهـ

على بالنا بيتعدل بسرعة ..

مالو داعي للقسوة لأنها بتخلق فجوة بينكـ وبينها وبتخلونها

كذهـ تنطوي على نفسها أو تتمادى في تصرفاتها ..

كوني حازمة وقت اللزومـ وإرخي الحبل باللين وقت اللزومـ / ..

أما كونكـ تضربينها فليش الضرب أنا مدري ..؟

أتركيكـ من الناّس وإقرأي في سيرة السول وكيف كان يربي ..

عمره ما ضرب عليهـ أفضل الصلاة والسلاة وكان { يستخدمـ الشدة فقد كان يعطي حتى يُشبع، ويحرم حتى يربي }

وخلاّص يا طيبة لا تلومين نفسكـ ولا تأنيبها بإذن اللهـ البنوتة

صغيرة وبتلحقين عليها ولا تقارنينها بأحد أبداً وقولي ربي

يحبني وأعطاني بنت يباني أتعب معها شوي عشان يزيدلي الأجر ..
وإنت الحين حامل واللهـ يكون في عونكـ وحتزيد على كذهـ كمان غيرة وهذي مشكلة ثانية ولا بد منها ..
بس إنت من بيدكـ تتخلصين من الإثنين وكأن شيء ما كان ..
وكثري دعواتكـ لها بالهداية والصلاح ..وتيقني من إجابة المولى لها ..
و بتراحتين ولا تفكرين وتقولين حتكبر على كذهـ ..
هي بيدكـ الحين وشكليها بالطريقة السليمة موب بالأوامر ..
ولا تقولي تسمع كلامي من أول مرة ..
ليش تكسرين مجدايفها خليها تأخذ وتعطي وتقول رأيها
وإستيشروها بعد ..
هي كاّئن حي موب جماد عشان تمشونهـ على كيفكمـ ..

لها أفكارها وتحب إنها تنفذها على أرض الواقع مثلها مثلكمـ ..

ترى الطفل إلي يسمع الكلامـ من أول مرة وبدون جداّل ولا نقاش

بصراحة يطلع طفل مهزوز لأن الأهل ركبو فيهـ الأدب ولا مافي

طفل يسمع الكلامـ أبداً ويفهمـ من نظرة ..

كل صغير يحب يكتشف ويحب كل شيء صعب ويعبر عنهـ / ..
إقرأي فضلاً هنا متى يكون الضرب ..

http://www.do70.com/vb/showthread.php?t=14801

وأكرر لا تنحرجي وربي الناس ما ينفعوكـ بشيء لو بنتكـ إنخدشت نفسيتها بثقب واحد ..

أدبيها صح وبأسلوب صحيح قبل لاّ تطلع ..

وإذا مرة زودتها خذي بعضكـ وأتركي الجمعة بدون ما تعنفي بنتكـ .. ولما تهدين فهميها بهدووووووء ..

خذي راحتكـ يالغلاّ بس بصراحة أنا مستغربة ليش الأأهالي يدمرو عيالهمـ عشان الناس ..؟!!!!

معاكمـ إن العلاقات الإجتماعية شيء ولا بدمنهـ وكوننا نتخلى عنها فهذا مستحيل ..

بس إذا ناس تنصحني بضرب بنتي بدون وعي ولا إدراكـ منها لحجمـ الضر غلي حسيببهـ الضرب ..

المهمـ ترحي راّسها هي وتنبسط في قعدتها أما بنتي بالطقاق فليش أقطع نفسي عشانهمـ ..

تركهمـ فترة لين ما أحس إن بنتي بدت تتعلمـ وأرجع لهمـ وراّسي مرفوعة .. إذا كانو يحرجونكـ ..

وحياكـ اللهـ ..
أنين الشوق **
أنين الشوق ** •
معلمة جنان معلمة جنان :
الله يجزاك خير وييسر امرك علىهالموضوع محتاجته وبقوووة بعد انا عندي ولدي بكره ان شاء الله بيكمل 3 سنوات ويدخل الاربع ان شاء الله العمر كله كنت مدلعته مررره والحين جبت ولد ثاني عمره تقريبا 7 شهوور ويغار منه يجي يضربه ويجر شعره ويأخد الالعاب اللي بيده واذا هاوشته او ضربته يصيح ويقطع قلبي صياح ويقول ابروح لبابا ما ابيك او يجلس يضرب فيني وانا صرت اسفهه واطنشه ويصير يصارخ ويضرب ثم شوي ويجي يبوسني ويتاسف ويقول ماما انا احبك وكذا انا بعض الاحيان اصيح معه خاصه لين سوى شي قوي والا الاثنين طينوها معي وصارو يصيحون . وما يسمع الكلام من اول شي , وينسىى كثير مثلا : يحط لعبته بمكان ثم خلاص ينساها ما يتذكرها الا اذا سألته عنها او شاف شي عنها واقوله وين حطيتها مستحيل يعرف المكان ما ادري طبيعي والا لالا وابي افضل طريقه للعقاب هل احرمه من الهدايا او احرمه من الروحه معاي مشوار او فيه حل افضل منهم والله يجزاك الجنه ووالديك :26:
الله يجزاك خير وييسر امرك علىهالموضوع محتاجته وبقوووة بعد انا عندي ولدي بكره ان شاء الله بيكمل...
هلاّ يالطيبة وإياكـ يارب ..

اللهـ يحفظهمـ لكـ ويباركـ فيهمـ ../

طيب ليش مدلعتهـ مرة ..؟

تصرف ولدكـ طبيعي جداً مثلهـ مثل أي طفل سواء إدلل أو لا ..

الغيرة شيء فطري ووارد بين الكبار فكيف بين الصغاّر ..

لا تهاوشينهـ ولا تضرينهـ اللهـ يعافيكـ يالغلا ..

وربي هالأساليب ما منها فايدة ..

يعني إنتِ وإسمحيلي فيها دمرتي ولدكـ بالدلال ..

وترجعين كمان تحطين عليهـ اللومـ وتضربينهـ وربي حراّمـ ..

كونهـ يتأسف فولدكـ فيهـ خير كثير وإستغليهـ وإزعيهـ زين ..

ولدكـ صار مفرط الحساسية بسبب الدلال مو بسبب الغيرة ..

صار عنيف بسبب الدلال مو بسبب الغيرة ..

لأنهـ كان هو أول البذور .. وكل شيء بعدهـ مجرد أغصان ..!

كونهـ ينسى واللهـ ما ألومهـ أكيد من الهواّش والضرب ما قامـ يركز ..

قلبي لازمـ تغيرين طريقتكـ مع ولدكـ وتحببينهـ فيكـ ..

ودامكـ تصيحين معهـ لإأكيد إنت حاسة بالذنب من جواّتكـ ..

ومو محتاجة كلامي لأنكـ عارفة غلطكـ وين ..~

وواثقة إنكـ بتعديلنهـ وإنتِ راضية ومستمتعة ..

ربي أعطاكـ ولد صالح سوي الخلق والخلقة فليش تضيعنهـ بكلامـ فاضي ..

الحين إنت كثفي حبكـ لهـ حتى من قبل لاّ يجيجكـ ويقولكـ ماما أحبكـ ..

لا إنت روحيلهـ دوريلهـ وقوليلهـ لأني أحبكـ دورت عليكـ ..

إغمريهـ حب وحنان وأحضينهـ وبوسيهـ وكأنهـ مولود بعمر أشهر ..

إلعبي معاهـ وخلي أخوهـ يعلب معكمـ وخليهـ يفوز عليهـ ..

وإن بكى الصغير قوليلهـ لعبهـ بوسهـ أخوكـ الصغير ويحبكـ ..

عاقبيهـ عند الضرورة ولأسباب كبيرة ..

وبالحرمان فقط صح عليكـ وبدون ضرب ولا هواّش ..

قلبو إقرأي ردودي للأخوات .. ممكن تفيدكـ ..

تكلمت عن العنف والدلال والحساسية المفرطة بس الغيرة باقي / ..

ولأني متأكدة إن مشكلة ولدكـ مو غيرة إلا دلال ..

وتخللهـ سلوكيات أخرى ..

فأنا أقولكـ إقرأي ردودي وركزي فيها ..

ولو في شيء مو فاهمتهـ .. أنا حاضرة ..

وأكرر لا عقاب أفضل من الحرمان ..

مع الوقت الطفل نفسهـ بيحس وبيتعلمـ ..

اللهمـ اّمين ووالديكـ وجميع المسلمين ~..

واّسفة لو كان كلامي أزعجكـ .. :26:
أنين الشوق **
أنين الشوق ** •
* غلا روحي * * غلا روحي * :
مرحبا انين موضوع رووووووووووووووووووووعه ومفييييييد لي عوده باذن الله متابعه ...
مرحبا انين موضوع رووووووووووووووووووووعه ومفييييييد لي عوده باذن الله متابعه ...
مراّحب يالغلاّ ..

ووجودكـ روعة ودعمكـ أروع / ..

حياّكـ اللهـ وقت ماّ تبين ~..

وتشرفني متابعتكـ يا كريمة ..

حفظكـ الرحمن ~..
زوجي قلبي
زوجي قلبي •
جزاك الله خيرا