إزيكم يا بنوتات دلوقت إحنا عايزين نتكلم كلمتين سوا سوا
إن شاء الله باقى على العام الجديد 20 يوم ويا رب يكون عام جديد وبداية سعيدة علينا كلنا يا رب.
يلا نمسك ورقة وقلم ونقول ايه هى الإنجازات اللى حققناها فى 2005 أكيد جزء منا هيلاقى أنه عمل حاجات كتير أوى ومهمة أوى
وشوية منا هيلاقوا نفسهم حققوا شوية حاجات قليلة 
وكمان أكيد فى شوية مش حققوا حاجة خالص 
معلش معلش لسه قدامنا 20 يوم الهدف
دخول العام الجديد بنيولوك فى كل حاجة
يلا بنات نبتدى ريجيم لمدة 20 يوم انسوا الحلويات والمقالى والدهون وفكرى أنك نفسك مع بداية السنه تصغرى 10 سنين مثلاً .. نبتدى سوا من دلوقت مفيش بكرة مفيش تأخير كرسى كل وقتك وجهدك لرشاقتك وجمالك
تعالوا نكتب يومياتنا هنا كل واحدة مننا تختار نوع ريجيم واللى تختاره فعلاً تعاهد ربنا وتعاهد بعد كدة نفسها أنها عايزة تدخل السنه وهى شكل جديد
تانى خطوة بعد الريجيم خلونا ندخل على ركن الجمال والأناقة وبدل ما ندخل المطبخ ناكل ندخل نعمل ماسكات بشرة وشعر ونتعلم خطوات المكياج
يلا يا بنات كفاية بقى يضيع من عمرنا نعمل ريجيم يوم ونبطل 10 أيام ونوزن وننصدم ... خلونا لما نروح نشترى هدوم إحنا اللى نختار الهدوم اللى على مزاجنا مش اللى تدارى العيوب اللى هنا وهنا
يلا بنات أنا مستنية رأيكم عشان نبتدى سوا ولا ييجى 2006 إلا ونكون حققنا إنجاز حقيقى لنفسنا إن شاء الله
انا عن انجازاتي في عام 2005 امممممم صعفت تقريبا حدوود 10 كيلوو ويبالي اكثر
اممممممممم يمكن في اشياء ثانيه بس ماذكرهم الحين .....عقب برد لكم مره ثانيه