7 كيلو في شهر تجربتي الخاصه مع أفضل رجيم صحي على الإطلاق

السلام عليكم ورحمة الله وبركاته 
أقسم بالله العظيم اني سجلت خصوصي عشان اطرح تجربتي وافيدكم وهذي اول مشاركه لي ،
 الحمدلله قدرت أنزل 7 كيلو في أقل من شهر والله كمان كانت أعتقد 3 أسابيع المهم انا اعتبرتها شهر

انا يابنات وزني بصعوبة ينزل يوووه قعدت أحاول أكثر من مره اسوي دايت عشان أنزله وكل مره أفشل وأقول طز خلاص خليني دبه :( تعبت نفسيا لين ماقررت في شهر فبراير الماضي اني أعزم وأشد ع نفسي وأنزل وزني لاني زدتتتتتت زياده مو طبيعيه وخلاص لازم انقص بفرط لمتى يعني ترا أساس الدايت الارااااده اذا ماعندك أراده وصبر مابتنحفين طول عمرك  ..المهم كان وزني 87 بس اللي يشوفوني ابدا مايتوقع وزني 87 يمكن لأن عظامي عريضه والدهون مو متركزه في منطقة معينه الحمدلله بس برضو يأست من نفسي واموت قهر لما أنزل السوق هذا أخجل البسه وهذا مو على مقاسي وهذا لو البسه شكلي يضحك :"""( لمتى طيب !!..المهم الملابس كانت دافع قووووي اسوي دايت وغصب عني مو بكيفي هالمرة قلت يلا عاد لازم لازم اغصب نفسي واتحمل عذاب شهر ولاعذاب العمر للامانه اول أسبوع صراع مع نفسي الأكل يتعب شوفته تكسر الظهر هههه ماقدر بموت بس صبرت لين ماتعود جسمي وماصرت أحس بجوع زي اول أسبوع ... 

المهم بداية الدايت توكلت على الله اشتريت كرتون حليب طويل الأجل اللي عباره عن علب مع مزاز النوع كان قليل الدسم كنت ابغى خالي الدسم بس للاسف دايما ما الاقاه بس عادي مايفرق كثير ..اشتريت علبة "شوفااان " وهذا هو بطل القصه " الشوفااااان "هذا هو غذائي الرئيسي اللي أشكل منه وجباتي
لا خبز ولا دهون ولا أي نوع من الخبز لانخاله ولاقمح ولا اسمر ولاغيره وسكر ممنوع يعني بأختصار الدايت هذا عباره عن:
 فطور الصباح :حليب مع شوفان تحركينهم ع النار في طاوه لين يثخن طبعا الشوفان من 4 _5 ملاعق مع علبة حليب كامله اظنها 125 مل . هذا الفطور والسكر تحطين سكر الدايت موجود بكل مكان زي تروبيكانا سليم وممكن تحطين ملعقه صغيره موية ورد اذا كنتي من محبين موية الورد ومايحتاج اقول فوائده انتو عارفين ♡..ثانيا الغدا تسلقين أي خضار عندك في مويه كميه قليلة عشان تكون اطعم والطعم مركز ، طبعا كل الخضار مسموح معدا البطاطس وتبهرينها واذا قربت تستوي حطي شوفان برضو أقصى حد 5 ملاعق وحركيها لين تثخن وعادي تحطي ملح وفلفل ابدعي في الطعم وبصل وثوم وبقدونس مفروم وشبت اللي تبغين على كيفك بس الزيت ممنوع بجميع أنواعه هذا بالنسبه للغدا وعلى فكره الخضار ممكن وهي تنسلق تحطين معها الحليب يطبخ معهم تصير لذيذه برضو اختياري الشغله ، آخر شي العشا اذا تقدرين تتحملين الأفضل ماتتعشين تاكلين فواكه معدا العنب والموز والمانجو والتمر واذا ماقدرتي ع الجوع كرري نظام الغدا أو الفطور بكيفك أي وحده مو مشكله ...


بالنسبه للسناك : يعني لما تجوعي بين الوجبات كلي تفاح أخضر أو أي فاكهه او خضار خيار طماطم سلطه وكثري مويييييه لاتستهينين بالمويه اشربيها باااارده بتسد جوعك كل ماجعتي مويه بارده بعدين خياره ولاجزر ولاتفاح
لا تشربي مع الأكل ياقبل الأكل بنص ساعه يابعد الأكل بنص ساعه والمشروبات المسموحه كمان الشاهي الأخضر لأنه جد يسد الشهيه وربي ويحرق الدهون خذي أصلي يعني بس مويه وشاهي اخضر وأي شاهي أعشاب كمان براحتك بس لا تحطين سكر إلا سكر الدايت بس مسموح

بالنسبه للبروتين في وجبة الغداء تقدرين تحطين صدر دجاجه مقطع منزوع الجلد مع الخضار واذا مافي دجاج حطي ملعقتين فول بعد ماتخلصين طهي الخضار حطيها آخر شي بعد الشوفان وبس، وحتى لو ماعندك فول ولادجاج انا أفضل انك تتخلين عنهم يصير مثلا مره كل 3 أو 4 ايام تاكلين البروتين لأن الشوفان وحده غذاء كامل

هذا نظامي بالضبط والحلو فيه يحسن بشررررتك ويعطيك نظاره من جد تحسين وجهك مصتصح مو زي الدايت العادي يشحب البشره ووجهك يمرض وينحف لا وربي ابداااا ابداااا بلعكس كلك نضاره وجمال ،هذا الدايت مع عنايتك ببشرتك  وربي تصيري زي الفل واللي عندها قولون بيتنظف قولونها وتخف مشاكله مره مره مره والحمام ينتظم الله يكرمك ..انا نزلت 7 كيلو الرياضه خفيفه على  مزاجي ..اقولكم احسن شي ترقصين ههههه لاتستغربو الرقص ينزل بسرعه ارقصي وشوفي كيف يحرق جسمك ،طبعا نزلت الحمدالله بدون دوخه ولاتعب مع اني عندي فقر دم بسيط بس الدايت حسن صحتي وتذكرو قلتلكم وزني مستحيل ينزل كان ثاااابت سنه أحاول أنزله وربي مانزل إلا مع دايت الشوفان !!
أذكركم الدايت يدور في هذا الاطار (خضار وفواكه وحليب وشوفان بسسس والبروتين نوعين يافول يادجاج مع الغدا ممكن التخلي عنهم ♡♡ 




اليوم راح ابدأ الدايت من جديد بأذن الله لان هدفي ماوقف في تنزيل الوزن اللي تحب تشاركني ونشجع بعض تنضم لي وراح اشجعها ونتعاون سوا ♡♡ وأي سؤال انا حاضره ومعليش على كثرة الكلام الفكره قصيره وواضح بس انا ماحبيت اترك شي ..وآخر حاجه أحب أقولها اذا انتي حابه تنتظمين خلي عندك نوت وقلم جنب السرير دوني فيه بعد كل وجبه اكلك ومعدل شربك للماء اللي مفترض يكون 8 كاسات توزيعها خلال اليوم براحتك