وااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااي
بنات بموت من اهلي .. قمه الاحباط والتحطيم .. اففف اففففففف
اقولهم ابي سلطه روب عالغدا بس .. يحطون لي عناد ورق عنب يشهي
وقبلها حطولي مجبوس .. مع ان غداي المفروض بيض مسلوق ..
والله قهرتني امي .. صايره عرض الطوف جدامها .. ولا هامها
شهالرجيم الخايس وشهالرجيم البايخ .. وتقولي ضعفي !!
اضعف شلون بدون رجيم.. تعويذه سحريه !!! ..
والله مقهوره عالاخر منهم .. احباط وتكسير ميداايف وكل ماتشجعت نزلت معنوياتي منهم
واليوم رجعت ماكو غدا .. والمطبخ ريحته سمك وانا ارجع من زفرته ما اتحملها
ولا نا قادره ادخل واسويلي اي شي خفيف .. جبدي تلوع واتأزم .. وحالتي حاله
تقولي طلبي من مطعم .. دبري نفسج .. لو مسوين لي سلطه كان اكلتها وخلصت بدال هالهم !
بس اشوا .. ماطلبت .. مع اني يوعاااااااانه عالاخر .. نطرت للمغرب .. خفت ريحه الزفره .. تلثمت وطقيت لي بيضتين مع توست اسمر .. والله كريم
خلاااااااااص بنات ما استحمل .. لازم انزل لل90 .. قبل لا يخلص هالشهر
بالطووووول بالعرض .. راح انزلهم يعني راح انزلهم .. مو حاله هذي
اليوم رحت السوق .. وزاااااد الطين بله .. اموت من القهر اذا شفت الهدوم
حتى اذا في قياس كبير .. والله الجسم يشوهه .. استغفر الله .. ياربي تساعدنا وتثبتنا :(
الف مبروك لكل البنات اللي نزلو .. عقباااالنااااااا
...
Welma
ايه والله صادقة عيالنا صارو محرومين معانا
انا كنت معودتهم كل يوم لازم كيكة او بسبوسة او اي شي المهم لازم حلى
وفجأة قطعت العادة وصارو يسألوني ليه ماتسوي لنا حلى ؟
والله قلبي يعورني عليهم ولا اعرف وش اقول لهم !!!
حتى زوجي يقول لي طيب انتي مسوية ريجيم .... هم وش ذنبهم ؟؟
قلت له لااااااااااا لازم اغير لهم عاداتهم الغذائية :D
قال اشوفك يوم كنتي تاكلين معهم ماجبتي خبر العادات الغذائية يا ام عادات انتي << ماتحسون انه يتمسخر علي :hahaha:
عاد اليوم حسيت على دمي شوي وسويت لهم صينية بسبوسة
بس سويتها العصر بدرررري لأني كنت صايمة وخليتهم ياكلوها العصر علشان ما اضعف :32:
وشلت الباقي وحطيته بعلبة بلاستيك ودخلتها الثلاجة
وبطلعها لهم ان شاء الله بكرة العصر بدري برضو
لأن بكون صايمة ان شاء الله :D
وبكذا اكون ارضيت ضميري ولا شرايكم يابنات :icon31:
.