باقي فرح
•
*****************
الجمعة
الهنوف
2.45 ظهراً
*****************
البارحة امي راحت مع ابووي للبيت ..وحنا البنات رحنا مع سلمان..
وطلبته يمرهايبر بنده..بالموت وافق ننزل ..
نزلت انا ومشاعل بنجيب اغراض السهرة ...
منيرة عيت تنزل بها نوووم بس قالت لاتتاخرن خوذن برينقلز وبيبسي وتعالن ...
قلت لها: ابشري ,,,,بس!!
طبعاً سلمان نزل معنا..قلت له يبعد عنا ..وبدينا نضف..
بس مشاعل تصير بايخة اذا استحت ..ودي امط شوشتها واجرها ..
كلما مشيت تتاخر...
الهنوف: هيه انتي تمشين على بيض...ترى منيرة بتذبحنا ...
خن نخلص بسرعة..
مشاعل: انطمي ...
انا احولت عيوني ...خير ان شاء الله
الهنوف: خير..وش صاير!!
مشاعل تواسي عبايتها المنسلحة ..
وتلمها من قدام وكانها بتغطي شئ..: وين اخوك سلمانوه!!
ناظرتها: لايسمعك يالعنز ...يرجعنا وحنا ماخلصنا ..
صرخت بي: اابي ارجع للسيارة...
انا عصبت..ومسكت يدها بجرها ..سحبتها مني بقوووة..
الهنوف: وبعدين معك يامشاعل .. يالله خن نقضي ونمشي...
مشاعل وصوتها بوه الصيحة: وش اسوي احس شحاطتي بتنقطع...مااقدر امشي...
جتني الضحكة..بس جودت عمري..الهنوف: نعم؟؟؟؟ وهذا وقته انتي وشحاطتك!!!
مشاعل: والسواة يالعنز ...
الهنوف: اسحبي رجولك لما نقضي ونروح للسيارة ...وبيني وبينكم بنفجر من الضحك بس شفتها بتصيح ..عاااد وش بيسكتها...
مشاعل: لا افصخي شحاطتك خليني البسها..وانتي خوذي هالي بتنقطع..
الهنوف: تنكتين ايقالك..!!!
مشاعل: تكفين ..ماقدر امشي قدام اخووك ..فشيلة..
فجأة طلع لنا سلمان ..مدري منين!!!!!!!!
سلمان: لاحووووووووول الى هالحين ماقضيتن ...
يالله انجزن والا والله لامشي واخليكن..
مشيت بسرعة بلقط اكبر قدر من الحلويات والشكولاتات ولايهون العسكريم...
ومشاعل صانمة بمحلها...
ااااااااااااي....انخرع كتفي يامشاعل حرااااااااام عليك...لا وتقبص العمة...
الهنوف: هيه وش بك!!! انهبلتي....!!
مشاعل وهي تشاهق من الصياح: خلاص ..ابروح لبيتنا ابكلم ابوي والا نواف ...
الهنوف: خير ان شاء الله وليه...
اشرت على رجلها..ناظرتها ...مالقيت الا شحاطة وحدة ..
الهنوف: وين الثانية..
مشاعل تاشر على ورى من غير ماتلتفت...ناظرت وراها...شفت سلمان شايل الشحاطة بيده...وفااااااااااااقع من الضحك..حينها لم استطع الاحتماااااااال فانفقعت ضحكا ً اشد من ضحكه ..وانفقعت مشاعل صياحاً اشد منا ...
تبون الصدق...صارت سهرة ولااحلى...وتعليق سلمان بالسيارة ..على هالشحاطة خلانا نمووووووت من الضحك ..ومشاعل تموت من الصياااح...
هزيتها هذي اذا نامت ماقامت واذا قامت مانامت...
الهنوف: مشاعلوووووه بس صرتي خضراء من النوووووم....
مشاعل ..تمط خشتها وتحك شوشتها ...وتقلب على الجهة الثانية ..
الهنوف: مشاعل حرام عليك ماصليتي الظهر قومي بياذن العصر....
مشاعل: اقولك انقلعي ..مالي صلاة ..
صح ذكرت ...طيب وش بيقومها..ايه ذكرت مسلسل الاصدقاء
بيعيدونه اليوم الساعة ثلاث ونص العصر...
خليني افرك الساعة واهك عليها عشان تقوم برميل النوم...
الهنوف: مشاعل يالله الساعة 3.30 ...جاء الاصدقاء لايفوتك...
مشاعل..وهي تجلس على حيلها ..وتنزل بلوزتها اللي وصلت حلقها
مشاعل: حرام عليك يالهنوس كان قومتيني قبل لايبدا...
انا اول مااصحي مااشوف زين...
انفجرت اضحك ....شالت المخدة ورمتها علي..
مشاعل : بااااااااااااايخة يالنصابة...
جهزت الفطور او الغداء اللي تبووون ...واخذته لغرفتي....
لقيتها متعدلة وحاطة كحل وقلوووس ..الله الله ..
ليت هالمسلسل يبدا من الساعة عشر عشان تصحصح عمتنا ...بدا المسلسل..
واندمجنا مع فابي وريتشيل..الا فجأة مشاعل تقول: بنت الذين ..والله ياعليها جسم موب صاحي..."تعني ريتشيل"
قلت لها...وانا ادهن التوست بجبن ..
وسال الجبن على اصبعي..وقمت الحسه ..
الهنوف: تقدرين تصيرين احلى منها ..اذا صار عندك الطموح والاصرار...
مشاعل وهي تتمغط وحول تنمصع: منين يجيني الاصرار
وانا عندي بنت عمة مسحت رفوف بنده مسح ولولا شحاطتي اللي انقطعت كان جبتي
الثلاجات والفريزرات ... كلها....حسبي الله عليك ...احس كرشتي امس انفصلت عن جسمي...من البلع ..:z03f3:
انفجرت اضحك وطارت قطعة خبز على وجهها
مشاعل وهي تمسح وجهها متقرفة:يع يع يع يالبزر....الله يقرفك
تجنن هالمشاعل..واااااااو ياليت احد من اخواني ياخذها ويجيبها عندي..
ابتسمت لهالفكرة وقلت لها
الهنوف: اقول مشاعل ..انتي ماتفكرين بالعرس!!
تمنيت معي كاميرا علشان اصور لكم شكل عيونها وهي تتقبل الصدمة..
هههههههههه يموت من الضحك..حسيتهن بيطلعن
كانت منسدحة على السرير..بس يوم سمعت كلامي..نقزت..
ومن شده النقزة..طاحت بالارض..هههههههههههه
قالت وهي تجلس على الارض: وشوووووووووو!!!
تقولين عرس!! انتي متونكدة انك ماشربتي شئ!!
اكيد هذا شاهي!! من اللي مصلحه !! هههههههههه عرس
ههههههههههههه عرس ياهنوووووس!!!
الهنوف: ايه عرس..صغيرة والا صغيرة ...
ترى امي لولوة يوم هي كبرك جابت خالي علي..
مشاعل: هذي امك لولوة ..مهيب انا
الهنوف: انا ماقلت اعرسي..اقول ..وغيرت نغمة صوتي بدلع..
يعني مافيش حد خش مزاجك..يعني حطيتي عينك ع حد مسلاً!!
مشاعل: ياويليه ومنهو اللي قاضيتن منوه امه واحط عيني عليه..ياشيخة ..ارحمي الناااااااااس..وش ذنبهم احط عيني عليهم
الهنوف: وليش ..هو يحصل ظفرك!!
مشاعل وهي تقلب الريموت: ظفري ممكن ..بس انا بشحمي ولحمي..لا مستحيل!!!
الهنوف: طيب ولو خطبك سلمان بتوافقين..!!
مشاعل بلامبالاة: اكيد ..اوافق..
صعقني ردها صدق خبلة..
الهنوف: والله!!!! من جد!!!
مشاعل تهز راسها: اكيد ..اجل امزح..
ثلاث جدهن وهزلهن جد ومنهن العرس..يالله قومي قولي لاخوك يجيب المازون الشرعي..وصرخت علي ..يالله قومي..خليه يقرا عليك ..
انتي انهبلتي اصلاً!!! الظاهر موب بس الشحاطة اللي انقطعت الظاهر
بعد صواميلك انحلت ههههههههههههههه قالت سلمان قالت ههههههه
باقي فرح
•
*****************
السبت
نجود
9.20 مساء
***************
بعدما طلعت هيفاء امس..نويت احط النقاط على الحروف..واقرراليوم مصيري..بتكلم معها واللي تبيه بسويه ...
طقيت الباب..ودخلت..سلمت وردت علي..
حسيتها تتجنب تحط عينها بعيني..تميت واقفة واطقطق باصابعي..
مرتبكة مدري وشلون ابدا...
خلود: ليش واقفة يانجود..تعالي اجلسي..
وهي تشر على كرسي المكتب..المقابل لها..
جلست ..وعيوني على الارض..ادور الكلمات المناسبة..
نجود: خلود..ودي اكلمك ..بس اوعديني ماتفهميني غلط...
خلود تبتسم: تفضلي ...كلي اذان صاغية...
تنهدت ..واستعنت بالله...
نجود:تدرين اني من انخطبت..والحيرة معذبتني ياخلود..!!
خلود من غير ماتناظرني..: وش اللي محيرك..
نجود: انتي ياخلود....
مارفعت عيونها ..كملت لعبها بالقلم اللي بيدها..
وتمت ساكتة ..حتى اني ايست انها ترد علي..واخيراً قالت
خلود : وشلون !!!
نجود: خلود افهميني ارجوووك انتي اغلى خواتي
وتدرين بمعزتك عندي..اخاف اوافق وهالشئ يضايقك ...
خلود: وليش يضايقيني ...هذي حياتك وهذا نصيبك ...
اذا فهد عاجبك الله يوفقك ...ولاتنسين اني مابي اتزوج الحين..
واني رفضت كل اللي تقدموا لي..
نجود: بس بس
خلود:"وش بسه!! ".. وقامت ووقفت عند الدريشة وعطتني ظهرها.."
نجود..اعتبريني مو موجودة..وانا اشوف فهد ماينعاب ..واي بنت تتمناه يانجود..والقرار يرجع لك اولا واخيرا..."
قمت ووقفت قريبة منها...
مدري ليه احسها تتجنبني...طيب وليه ...
نجود: خلود ..اكيد ماراح تتضايقين لو تزوجت فهد ...
..........: الا بتتضايق...انتي وشو ..حجر ماتحسين ..
عميا ماتشوفين..وش هالانانية اللي فيك..
طول عمرها تضحي علشانك وخواتك والحين عجزتي تضحين بفهيدااان..!!
تفاجأنا بنواف واقف ورانا...
خلود باستغراب: نواف..ليش ماطقيت الباب؟؟
نواف: الباب اصلا مفتوح...
خلود ناظرتني: نجود..ماعليك من كلامه ....
انا لو ابي اتزوج كانت تزوجت من زماااان....
اللي يسعدك يسعدني...
نواف يناظرني: انتي مافكرتي بكلام الناس..مافكرتي الابنفسك !!...
عاجزة تصبرين انتي واهو يالانانيين ..
اذا فهد فعلا يبيك خليه يصبر لما خلود يجيها نصيبها...
خلود تواجه نواف: وليه يصبر..!! اصلاً ماهموني الناس وكلامهم ..
وبعدين لاتنسى اني .. انا اللي ارفض نصيبي ..
نواف: وليش ترفضينهم ياخلود...ليش..؟؟
حسيت ان نواف ضرب وتر حساس عند خلود..
لانها غمضت عيونها ولفت للدريشة..
التفت علي نواف: عمري ماشفت بنذالتك انتي واياه ..صدق وافق شن طبقة...
انا وش ذنبي اذا خلود ماتبي تتزوج..اي انانية واي نذالة حراااااااااام عليكم ...
هذاني جاية استشيركم واخذ برايكم ولو عارض رغبتي ..واخرتها اصير نذلة وانانية
"خلالاص ...هذا اولها ينعاف تاليها..مانيب موافقة ..فكوووني"
وطلعت اركض لغرفتي...لحقتني خلوود..
ومسكتني من ذراعي: نجووود ...ماعليك من كلام نواف..
ارجوووك لاتضيعين نصيبك عشاني ...ولاتنتظرين نصيبي ..
كلها ارزاق بيد رب العالمين..
خلود:..نجود..ارجووووك وافقي وانتي مرتاحة اني فرحانة لك ...
فهد شاريك وبيحطك بعيونه ..صدقيني ماراح تلاقين احسن منه ...مبروووك يانجود...وخمتني ..حسيت بالراحة وارسلت دموعي..
وهمست لها: الله يريح بالك ياخلود...
ياحبيلها ياناااااااس...بعز ضعفي القاها سند..وبعز بردي القاها دفا..
تعجز كلماتي اوصف لكم وش خلود بالنسبة لي...
حتى اني مستعدة اتخلى عن فهد بس عشان مااضايقها ...
بس الحمد لله ..طلعت خلود..فعلاً اخت وصديقة ..
وقريبة من القلب والروووووووووح..
شديت على كتوفها وانا اخمها...وحسيت صياحها يزيد..
وشهقاتها يتردد صداها بضلوعي..ليه ياخلووود..ليه تصيحين ..
ياجعلني فدى دمووووعك..
جمايلك برقبتي ..من يوم حنا صغااااااااار..وانتي راعية معروف...
الله يرزقك باللي يسعدك يااااااااااااااااارب
مارحت للجامعة اليوم..التفكير بفهد حرمني النووووووووووم..وعجزت اقوم الصبح...
بالليل ناداني ابوي لغرفته..وانا طبعاً عارفة وش يبي..
سألني..ماقدرت اخفي دمووعي..
ابوي: وش بك تصيحين يانجود...ماتبين فهد؟؟
هزيت راسي يعني لا..: خلووود...ابيها تتزوج قبلي..
ابوي: خلود لو تبي تتزوج كان تزوجت من اولى ثانوي...
انتي تذكرين وش كثر جاها خطاب بس هي مصرة ماتبي تتزوج..
هذا النصيب يانجود .. و فهد رجل والنعم فيه ..ماراح يجيك احسن منه ..
والرجال شاريك ..عشان كذا مبديك على اختك ...
كان نقوله يصبر لما تتزوج خلود ..بس انتي عارفة رفض خلود للخطاب
وبعثة فهد لبريطانيا..يعني لازم يتزوج الان..هاه وش قلتي!!
نجود: خلاص يبه ..اللي تشوفه...وطلعت ...من غرفته
قابلتني مشاعل...وهي تقول: وش عندكم!! وش اللي قاعد يصير بهالبيت !! فهموووني...
طنشتها ونزلت تحت..لقيت امي جالسة بالصالة..
طحت بحضنها وانفجرت اصيح ....
*****************
*نهاية الحلقة السادسة*
وش تتوقعون بيصير بين نواف واريج!!!
هل القدر بيجمعهم والا ..مجرد احلام واوهاااااااااام!!
خلود..وموقفها!! هل توقعتم اشد او اخف!!
خاطرتها هل تنم عن شئ بداخلها ام انه الهدوء الذي يسبق العاصفة!!
موقف مشاعل وسلمان بهايبر بندة<<ترى هالموقف حقيقي هههههههههههه يعني حطوا نفسكم مكان مشاعل
موافقة نجود!!!
هل هي بداية النهاية لاسطورة فهد في قلب خلود!!
تابعوني
محبتكم
اميرة الاحساس
الصفحة الأخيرة
****************
الجمعــــة
هيفــــــــــاء
4.45 مساء
****************
نزلت تحت..مالقيت احد بالصالة ..رحت للمطبخ ..نفس الشئ ..وين راحوا الناس..
طلعت الحوش..لقيت سارة ..جالسة على المرجيحة..وتقرا كتاب
هيفاء: سارة ..وين امي!!
سارة وترفع نظارتها عن خشمها: راحت لخوالي..
هيفاء: من وداها..!!
سارة : ابوووي ..
تنهدت يعني ابوي طالع ..طيب خليني اشوف فارس ..دخلت وناديت باعلى صوت..فااااارس
ماسمعت رد..نقزت بالدرج ..ووصلت لغرفته..طقيت الباب
فارس: خير !!
هيفاء: ممكن دقيقة..
فتح الباب ..شكله مشغووول ..بلعت ريقى الله يعيني..
هيفاء: فارس..ممكن طلب
فارس وهو يصك الباب بوجهي : لالالالالالالالالا
هيفاء: اصبر اصبر شوي...
قاطعني: قلت لا يعني لا ,,,ضفي وجهك..وصك الباب
طيب وش اسوي الحين..ياليت عندنا سوواق..كان ماطحت لمنّة هالفارس..
خليني ادق على خلود ..ترسلي شاكر..
بدا قلبي يطق بقوووة ...ياربيه ماسمعت صوتها من عقب ماوصلها الخبر..
رن مرتين بعدين ردت..بصوت مبحوح..
خلود: هلا هيفاء
هيفاء: هلابك يالغالية ..وشلونك
خلود بهدوء : طيبة ..وشلونكم انتم!!
غمضت عيوني ..ياربيه بصوتها ..رنة غريبة ..عمري ماسمعتها قبل
طلبت منها ترسل لي شاكر ..ورحت البس ..بعد نص ساعة رن الجرس
نزلت..لقيت فارس منسدح على الكنب..ويقرا جريدة الرياض..
ناظرني: على وووووووووووووين....
مارديت عليه ..ومشيت..وجلست على الكنب...جنبه
فارس: خير ؟؟ وين رايحة اختنا في الله ؟؟
قلت و انا قاعدة البس شرابي الاسود..((ماعرف امشي بدونه)) : عندي مشوار..
فارس يجدع الجريدة ويجلس: ومن بيوديك لهالمشوار...اخت هيفاء...
قمت الف شيلتي واصك الطقطق اللي بعبايتي ..: شاكر..
صرخ بي: شاكر!! ...خير ان شالله وكالة بدون بواب ..من سمح لك
رحت للباب وقبل لافتحه التفت وقلت: لاتنسى اني جيتك ...وقلت لي ضفي وجهك ..وهذاني ضفيته ..بروح بيت عمي سعود...مع السلامة
وركضت خفت يلحقني ..بس الحمد لله عدت على خير...
مريت حلويات القباني..واخذت تشيزكيك التوت ..تموت عليه خلووووووود
ويوم وصلنا.. حسيت كل اهل الرياض يسمع دقااااااااات قلبي..
بلعت ريقي وانا اقول ..حسبي الله عليك يافهد!!!
دقيت الجرس..فتحت لي بشاير ..دخلت الصالة لقيت نجود..
تتفرج على التلفزيون "...هالحين يافهد ماهمك الاالجمال يوم
انك تفضل نجود على خلود "..سلمت عليها ..وقالت لي خلوود بغرفتها...
و نواف طالع ..فخوذي راحتك ياهيفاء...
طقيت الباب..
خلود: ميــــــــــــــــــــن!!
هيفاء: صدى صوتك...توام روحك...و..
فتحت الباب..وهي تقول:...هلا هيفاء...تفضلي...
تلاقت عيوننا للحظات....قريت فيها كل انواع الحزن..شفت الالم والقهر فيها..
حسيتها تشكي لي..غدر الزمن ...تبثني حبها المجرووح ..
حطيت التشيزكيك على المكتب ..وابتسمت ...
بهدوء قالت: ليش متعبة حالك ياهيفاء جيتك تسوى الدنيا
اللي ماعادت تسوى شئ...تقدمت منها ...
وخميتها بقووووووووة وانفجرت اصيح ...:" خلوووود تكفين سامحيني"
واختلطت دموعي بدموعها ...