زواج المرأة من رجل أصغر منها

عندي ٣ من قريباتي متزوجات اصغر منهم وما شاء الله مافي اي مشكلة بينهم بخصوص العمر
وانا برايي انها اهم شي من تكلمه ما تحس انه اصغر منها

الرجال يحب اللي اكبر منه ملاحظه ها الشي تلقينه يترك الصغيره ويغرم باللي اكبر منه ما ادري تجذبه بعقلها وذكاها او اتزانها !شي غريب
اذا اخلاقه كويسه تاخذه ليش ما ندلع عمرنا يالحريم ليش كل شي نستكثره على انفسنا

ماودى المرأه بستين داهيه وحرمها من حريتها وحياتها الا هرجكم ذا عيب ومايصلح وسي السيد مفَرش ويطب ويختار كتاكيت حلال عليهم وحرام علينا ؟ طبعا الذكور ما اظن بيهتمون اذا كبيره تزوجت اصغر منها ، لكن الحريم لااااازم يعلقن ويعيبن بالموضوع ويضيقن ع بعض فعلا المرأه عدوة المرأه وعندي اعتقاد الا اجزم ان ماحرم المرأه من حقوقها وكبتها وضيق عليها الا المرأه نفسها ..

هو أصلا الرجال تواصل معي اول عشان أدور له على عروسة و قال لي على مواصفات و انطبقت على صديقتي و من بين المواصفات قال إنو يكون عمرها بين ١٨ و ٣٥ بالرغم انو عمره ٢٧ .. بس زي ما قلت لكم انو هذا الشيء الوحيد اللي خلى البنت مترددة لأنها طول عمرها تتمنى زوج أكبر منها و كانت ما تتقبل تاخذ اللي أصغر منها بس اللي اختلف الآن انو هذا الرجال ما يعيبه شيء غير العمر .. و على فكرة هي اصلا عادي عندها اختلاف في الجنسيات لانو اهلها و أقاربها متزوجين من جنسيات مختلفة

المسألة في مدى تقبلها اذا هي عادي بالنسبة لها تتزوج ولا عليها من أحد..
انا عن نفسي ارفففض تماما والأمر قناعة شخصية ويستحال اتقبل هالأمر نفسيا الا اني مااعيبه ع غيري طالما هي متقبلة فالله يوفقها.
عمتي متزوجة أصغر منها بسنين ويمووووت فيها
وبنت عمتي متزوجة برضو واحد أصغر منها ب٦ سنوات ومبسوطة...