اي وحدة تمتلك كلمة ومواساة طيبة تجي خصوصا الأخت فيث والجميع

هذا مب دوام هذا شي مجرد من الانسانية
ما اقول غير الله المستعان وربي يعافيج ويسهل اموركم في كل شي يارب امين

اسأل الله ان يفرج همكم ويقضي دينكم ويشفيك شفاء لايغادر سقما 🌧️🌿..


صدقيني اللي حصل خيره لاتعلمينها ولانعلمها لكن الله مدبر الكون ومدبر أمورنا يعلمها..

زوجك بذل الأسباب وحاول وفي الاخير تعب وسكرو جميع الأبواب في وجهه، لعل تركه للوظيفه سبب لفتح باب رزق أوسع فيه بركه وخير لكم..


اللي اقدر اقولك اياه اصبري ياحبيبتي وغاليتي هذي هي حال الدنيا كلنا نمر في مشاكل ولنا في الرسل والأنبياء أسوة، محد صفت له دنياه حتى خير البشر عليه الصلاة َالسلام طُرد واوذي من اقرب الناس إليه واتهمه الناس بالجنون والسحر لكن العاقبه؟

كانت النصر والتمكين لهذا الدين..


صدقيني ماضاقت بهذي الطريقه الا الفرج جاي وقادم بأحسن من ماتتخيلين بس توكلي على الله حق توكله..


كيف يكون هالتوكل؟
اول الشي الدعاء، والله كل ماقلقت وضاقت على دنياي ركضت للدعاء بكل مااملك واشكي لله ضعفي وقلة حيلتي واستمر بالدعاء شهور وشهور حتى يتحسن حالي، والله لايرد دعاء الكافر فكيف احنا المسلمين الموحدين؟

من الادعيه اللي شفت اثرها أثناء شدتي (اللهم اني عبدك وابن عبدك وأمتك....)

لااله الا انت سبحانك اني كنت من الظالمين

اللهم صب علي الرزق صبا ولاتجعل لي حاجه عند احد من خلقك..

ياحي ياقيوم برحمتك استغيث أصلح لي شأني كله َلا تكلني إلى نفسي طرفة عين..

اللهم ارزقني رزق مريم ابنة عمران يأتيها رزقها من كل مكان << عندي قصه مع هالدعاء بعدين اذكرها..


من الاخذ بالاسباب اقرأي سورة البقره، الله يسعدك والله بتشوفين راحه ماتتخيلينها وبركه في حياتك ومالك وزوجك وبيتك وصحتك، ترا ماتاخذ منك إلا ساعه في اليوم فقط،

اقرأي مثلا ٢٥ صفحه الصباح و٢٤ صفحه بالليل ، تراها تحتاج جهاد وإصرار،

جاتني اوقات اقراها وانا ابكي من الضيق بس ماتركتها بفضل من الله..


ثالث شي انصحك فيه الاستغفار

قال تعالى( فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا)

الاستغفار ياحبيبه بقلب موقن وباستشعار الذنب، الاستغفار يكون بقلب حي ماهو ترديد للكلام وبقلب لاهي، تذكري ذنوبك واستغفري بالصيغه هذي
استغفر الله الذي لاإله إلا هو الحي القيوم واتوب اليه..

. اذا جمعتي بين الدعاء وتحري اوقات الاجابه وقراءة البقره والاستغفار والله راح تلاقين كل خير في حياتك..


من التوكل انك كل ماجات الهموم وضاقت دنياك وتذكرتي ديونكم وصحتك لاتسترسلين في الأفكار والحزن، أول ماتجي هالافكار تذكري انك وكلتي ملك الملوك أمرك بالعكس ابتسمي وقولي الحمدالله لعل الله يريدني ان اكون أقرب إليه وأراد بي خيراً..


قد تطول مدة صبرك بس تذكري انك مأجوره عن كل دقيقه تتوكلين فيها وتصبرين وتحتسبين..


الفرج سيأتي بطرق ربما لاتتوقعيها، ممكن يكون مره وحده تزين اموركم وتتحسن وتسدون ديونكم بقدرته تعالى

وقد تتحسن شويه شويه وتأخذ وقت وصبر ..


وكله بحكمه من الله، لأن الله اعلم بالأصح لي ولك فهو يدبر الأمر كيف يشاء والطريقه اللي تناسب حياتك فلا تستعجلي..


اقولك على شي، انا في كثير من مشاكلي سبحان الله مااقد انحلت الأمور بسرعه، الفرج يجيني دفعات وعلى سنين..

ودايما اقول هذا تهذيب من الله لي، وحكمه علشان اكون قريبه منه وماتلهيني الدنيا، لربما لو جاءني الفرج سريعاً الهتني الدنيا وابتعدت عنه سبحانه..


فصار اختياره لي احب من اختياراتي لنفسي بفضل من الله انه اوصلني لهذي القناعه 🌱❤️❤️


صبري زوجك وابتسمي دائما، ترا انتي اساس البيت، لو شافك يائسه حزينه انكسر ولو شافك متماسكه قويه متفائله راح ينزاح نص همه..

صبريه وبإذن الله الفرج قادم راح يفرحك ويثلج صدرك وخليك مع الله وبإذن الله ربي يفرح قلبك باللي تتمنين..


في شي أخبر ودي اقوله لك، لاتشيلين هم الماده، ترا الرزاق اللي يرزق السمك في قاع البحر لايعجزه رزقكم، خليكي قويه ومتوكله وحامده شاكره وان شاء الله ربي يصب عليكم الرزق صبا..


اسأل الله ان يكون كلامي ساعدك او لامسك او جعل نفسيتك افضل او افادك،
وبإذن الله ماانساك غاليتي من صالح الدعاء ماطلبتي العون الا من اخت محبه لن تنساك باذنه تعالى ❤️❤️


يارب اسمع عنك كل مايسر وقريباً بإذن الله 🌧️🌧️🌱

يا الله كلامك لامس قلبي أنا ♥️
درر تبارك الله
جزاك الله خير
وأختي صاحبة الموضوع ما بعد كلام فيض كلام
كفت ووفت ما شاء الله خير
ربي يفرج همك ويصلح أحوالكم

اكثري من الصلاة على النبي لانه الرسول صلى الله عليه وسلم لما الصحابي ابي بن كعب ذكر له انه سيجعل كل صلاته له قال عليه الصلاة و السلام اذا تكفى همك و يغفر لك ذنبك و ايضا الاستغفتر يفتح ابواب الرزق باذن الله و شوفي هالمقطع راح يفيدك 👇

فيديو YouTube

الله يشفيك يارب
ويسهل اموركم ويرزقه بالوظيفه اللي تعوضكم