قرأت مواضيعك السابقه كلها عشان اكون ف الصوره
واتضح لي ان ولدك ذكي ماشاءالله عليه من حبه للاجهزه واستكشافها وتصرفاته وكلامه اكبر من عمره حتى وان كانت سلبيه ..
عزيزتي للاسف بيتك مشحون بالطاقه السلبيه الي تأثر ع هالطفل وتزيد من عدوانيته وتمرده ..
اول شي لازم يقضي مع ابوه وقت اكبر مثلاً يتعلم السباحه يحضر مباراه ويروح معرض سيارات .. .. الخ
منها تتغير نفسيته وانتِ تهدين وترتاحين •
لازم ولازم يتسجل ف روضه وتجلسين قبلها مع المديره والمعلمه وتبين لهم حالته وتشخيصه الطبي وتقولين لهم انه دكتورته اصرت يكون ف مدارس عاديه
حاولي تصحي من النوم مروقه والعبي معاهم و هنا ضروري الالعاب تكون تحتاج تفكير وتركيز مثل البازل
التلوين والرسم يصفي الذهن استخدمي هالاسلوب معاه
طلبك شي ثاني وعاند وتكلم عليك بقلة ادب انزلي لمستواه وعينك بعينه بنظرة حزم وامسكي يده بشده "دون مبالغه"
وقولي عيب انا ماما الكلام هذا ماتعيده *
بعدها طنشيه شوي لانه كثرت التهديد والوعيد والضرب تخليه يتشبع وما تأثر فيه ..
والاهم من هذا كله حبيبتي ابوه لازم لازم يمسك معاك زمام الامور دوره مهم خصوصاً مع هالطفل ضروري يخصص له وقت لانه واضح جداً ولدك يحب اشياء اكبر من عمره وماتجذبه العاب الاطفال قولي له ياخذه معاه مشاوير قصيره للبقاله او المطعم يصلي معاه ف المسجد يخالط الذكور ويغيير جو البيت •
عامليه بحزم دون ضرب اوتعنيف اشغلي وقته بالعاب ذكاء تحتاج تفكير مثل ماذكرت التركيب "الاحجيه" مهمه جداً شجعيه بدون مبالغه ف المدح وتكلمي معاه كثير ..
طفلك عجينه طريه تقدرين تشكلينها بس تحتاجين الصبر والعطف والذكاء ف التعامل ولاتنسين الدعاء ..
" ربي يشرح صدرك وييسر امرك ويجعله ابن بار وتشوفين فيه الي يسرك ويثلج صدرك "
كرهت بيتي وحياتي بسبب....
متابعة النقاش، صفحة 22